Өфөлә «Китап байрамы» халыҡ-ара китап йәрминкәһе дауам итә
24 майҙан Башҡортостандың баш ҡалаһы ысын мәғәнәһендә китап мәркәзенә әүерелде. Әҙәби саралар, билдәле яҙыусылар менән осрашыу, китап күргәҙмәләре - былар барыһы ла «Китап байрамы»нда. Әйткәндәй, сараға илебеҙҙең төрлө төбәгенән 200-ҙән ашыу нәшриәт йыйылған.
БСТ каналының күсмә студияһы «Китап байрамы» майҙансыҡтарында эшләй. Беҙҙең журналистарҙа ҡунаҡта - билдәле рәссам Әмир Мәжитов, З. Биишева исемендәге «Китап» нәшриәтенең баш мөхәррире Зөлфиә Ҡарабаева.
Китаптарҙы рәссамдар нисек биҙәй? Белорус әҙәбиәте антологияһы, хәҙерге проза һәм башҡа һорауҙар хаҡында тулыраҡ.
