12 февралдә Рәсәйҙә Репродуктив сәләмәтлек көнө билдәләнә. Ошо уңайҙан ғаилә ҡороу алдынан йәш парҙарға репродуктив сәләмәтлеккә тикшереү үтергә кәрәклеген хәтергә төшөрөп, бала табыу алдынан нәҫел ауырыуҙары буйынса ниндәй анализ тапшырыу кәрәклеген асыҡларға ниәтләнек. Барыһы тураһында ентекләп студиябыҙ ҡунағы- Республика Медик-генетик консультация үҙәге баш табибы, Медицина фәндәре докторы Фәнил Билалов менән әңгәмәләшәбеҙ.
