Пермь крайы башҡорттары ҡоролтайына-25 йыл. Иртәгә, 25 октябрҙә төбәктең Барҙа ауылында танылған этнограф, антрополог, археолог Сергей Руденкоға Мемориал таҡтаташ асыу тантанаһы планлаштырылған. Башҡортостан делегацияһы байрам тантанаһына юлға сығырға әҙерләнә. Был иртәне беҙҙең менән Башҡортостандың Дәүләт йыйылышы-Ҡоролтай депутаты, Бөтә донъя башҡорттары ҡоролтайы рәйесе Юлдаш Йосопов ҡаршы ала.
