“Хәҙерге заман филологияһы: проблемалар һәм үҫеш юлдары». Өфө ҡалаһында ошондай исем аҫтында Халыҡ-ара фәнни- ғәмәли конференция уҙҙы. Сара билдәле ғалимдар, филолология фәндәре докторҙары Зиннур Ураҡсин менән Марат Зәйнуллиндың тыуыуына 90, Фирҙәүес Хисаметдинованың тыуыуына 75 йыл тулыуға арналды. Ентекләп студиябыҙ ҡунағы- Филология фәндәре докторы, профессор, Башҡортостандың Фәндәр академияһы Стратегик тикшеренеүҙәр институтының баш ғилми хеҙмәткәре, Башҡортостандың атҡаҙанған фән эшмәкәре Луиза Сәмситова менән әңгәмәләшәбеҙ.
