Бөйөк Ватан һуғышы йылдарында республикабыҙҙан торф сығарыуға бик күп ҡатын-ҡыҙҙар алына. Эштең ни тиклем ауыр, ә йәшәү шарттарының ни тиклем ҡырыҫ булыуы тураһында тарих китаптарынан уҡып беләбеҙ. Тыл хеҙмәтсәндәренең ҡаһарманлығы тураһында даими кимәлдә илдең төп баҫмаһы «Правда» газетаһы яҙып торған, өҫтәүенә – саф башҡорт телендә лә сыҡҡан. Илебеҙ һәм милли журналистика тарихының яңы, әҙ билдәле биттәрен «Ҡыҙыл таң» газетаһының баш мөхәррире Фаил Фатхетдинов асты.
