Өфө ҡалаһында «Театр яҙы» фестиваль-форумы дауам итә. 10-сы тапҡыр ойошторолған юбилей фестивале 20 мартта старт алды һәм 27 мартҡа тиклем дауам итә. Күләмле сара барышында тиҫтәләгән спектакль күрһәтеләсәк, уҡытыу һәм эшлекле программа ла күҙалланған. Барыһы тураһында ентекләп студиябыҙ ҡунаҡтары-Мәжит Ғафури исемендәге Башҡорт дәүләт академия драма театры директоры урынбаҫары Иршат Ишбулат улы Фәйзуллин һәм Салауат дәүләт башҡорт драма театры директоры, Башҡортостандың атҡаҙанған артисы Айбулат Миңлеғәле улы Ҡотошов менән әңгәмәләшәбеҙ.
