Башҡорт ҡыҙҙары Үзбәкстан республикаһында уҙған халыҡ-ара бейеү конкурсында Гран-при яулап ҡайтты! Карина Колпакова “Бәхет ҡошо-Һомай” бейеүе менән Ташкент ҡалаһындағы “Аланга” конкурсында Гран-при, Хива ҡалаһында ойошторолған “Лязги” халыҡ-ара конкурс-фестивалендә 1 урынға лайыҡ булды. Был иртәне беҙҙең менән еңеүсе һәм хореограф-балетмейстер, Башҡортостандың атҡаҙанған артисы Йәмилә Бикбаева ҡаршы ала.
