Ошо көндәрҙә Хантавирус сире тураһында һүҙ ҡуйырҙы-Аргентинанан Канар утрауҙарына барыусы лайнерҙа был сирҙең таралыуы, 150 туристың етеһендә лаборатор раҫланыуы, өс кешенең үлеме тураһында донъяның популяр матбуғат баҫмаларында яҙылып сыҡты. Хантавирус сиренең таралыу ҡурҡынысы бар, тигәнде лә йыш ишетәбеҙ. Был иртәлә белгес менән ошоға асыҡлыҡ индерергә булдыҡ. Студиябыҙ ҡунағы- Медицина фәндәре докторы, профессор, Башҡорт дәүләт медицина университетының Микробиология һәм вирусология кафедраһы мөдире Марсель Тойғонов.
