Республика мәктәптәрендә туғыҙынсылар өсөн һуңғы ҡыңғырау яңғыраны. Алда үҫмерҙәрҙе яуаплы имтихандар көтә, артабан иһә кемдер мәктәптә белем алыуын дауам итә, ә кемдер ҙур етди аҙым яһарға – һөнәр һайлап уҡырға инергә йыйына. Мәктәп уҡыусылары араһында эшсе һөнәрҙәрҙең абруйы бармы? Һайлаймы улар был һөнәрҙәрҙе? «Киске телеүҙәк» ҡунаҡтары ошо хаҡта фекер алыша.
