Бөрө районында мобиль стоматология эш башланы

Бөрө районында мобиль стоматология эш башланы https://bash.news/news/1646_br_rajonynda_mobil_stomatologiya_esh_bashlany
15 фев 2018, 19:55

Күсмә станция тәүге туҡталышты Иҫке Петров ауылында яһаны.

Мобиль стоматология Республика Башлығы ҡушыуы буйынса килгән. Ул үткән аҙна аҙағында эш сәфәре менән Бөрө районында булып социаль объекттар эшмәкәрлеген тикшергәйне. Питяков ауылында асылған фельдшер-акушер пунктын ҡарағандан һуң ерле халыҡ ауылда стоматология хеҙмәтенә ихтыяждың ҙур булыуын да белдерҙе. Йәмәғәтселек менән осрашыуҙан һуң Республика башлығы төбәккә күсмә станция ебәреләсәген белдерҙе. Мобиль стоматология Стәрлетамаҡ районы ауылдарында медицина ярҙамы күрһәткәндән һуң килгән. Күсмә станция стационар кабинеттарҙан бер яғы менән дә айырылмай. Бында теште дауалау өсөн бөтә уңайлыҡтар тыуҙырылған, заманса ҡоролмалар ҡуйылған. Ҡабул итеү бушлай.

Әлмира Ғибәҙуллина, Иҫке Петров ауылы хакимиәте депутаты: «Халыҡтың үтенесенә яуап шулай тиҙ булыр тип уйламағайныҡ. Беҙ бик шатбыҙ. Күсмә станция эшләүе бигерәк тә өлкән быуын вәкилдәре, бәләкәй бала менән өйҙә ултырған йәш әсәләр өсөн уңайлы. Уларға ҡалаға йөрөүе, сиратта тороуы бик мәшәҡәтле».

Авторы: Рәмзиә Кәримова-Байбулатова

Бөрө районында мобиль стоматология эш башланы

  • БСТ
БСТ
Новости партнеров
Минземимущество