Яңылыҡтар таҫмаһы

Ишембай, Мәләүез һәм Күмертау үҙәк район дауаханалары нигеҙендә офтальмология үҙәктәре ойошторола

Сибай ҡала дауаханаһындағы күҙ ауырыуҙары бүлеге өҫтәлмә ҡорамалдар менән йыһазландырыласаҡ. Был турала бөгөн "Сәләмәтлек" сәғәте кәңәшмәһендә билдәләнде. Проектты ғәмәлгә ашырыу Өфөнән алыҫ урынлашҡан райондар халҡына сифатлы офтальмология ярҙамы күрһәтеүҙе тәьмин итәсәк.

17 ғин, 23:45

Рәсәйҙә инвалидлыҡ билдәләү буйынса яңы критерийҙар ғәмәлгә инде

Бөгөн республика буйынса баш медик-социаль экспертиза бюроһында асыҡ ишектәр көнө үтте. Унда йәмәғәт ойошмалары вәкилдәре, мөмкинлектәре сикләнгәндәр һәм теләгән һәр кем 2020 йыл башынан ғәмәлгә ингән яңылыҡтар менән танышты.

18 ғин, 02:49

Өфөлә Демидовтар йорто иң боронғо йорттарҙың береһе һанала

Ул 2014 йылдан авария хәлендә тип танылған. Дәүләт тарафынан айырыуса һаҡланған, мәҙәни һәм архитектура ҡомартҡыһы булған йортта йәшәүселәрҙең әлегә өстән бер өлөшө генә күсерелгән. Демидовтар йорто тарихы һәм уны яңыртыу мәсьәләһен БСТ каналы хәбәрсеһе Гүзәл Борханова өйрәнде. Тулыраҡ киләһе яҙмала.

18 ғин, 02:33

Өфөләге стоматология клиникаһында пенсионерға теш дауалау урынына кредит биреп ҡайтарғандар

Бурысҡа теш. Өлкән йәштәге ханым был хаҡта Башҡортостандың ҡулланыусылар хоҡуҡтарын яҡлау буйынса дәүләт комитетына мөрәжәғәт иткән. БСТ каналы хәбәрсеһе Рәмилә Исмәғилева яҙмаһы.

18 ғин, 02:31

Башҡортостанда спорт һәм эш кейеме етештереүсе предприятие ойошторола

Унда өҫтәмә мең кеше өсөн эш урындары булдырыла. Проект бөгөн республика йортонда үткән инвестиция сәғәтендә тикшерелде.

18 ғин, 02:30

Радий Хәбиров Волга буйы федераль округының медиалогия рейтингында беренсе баҫҡыста нығынды

Медиология агентлығы Рәсәй төбәктәре етәкселәренең 2019 йылғы рейтинг һөҙөмтәләрен иғлан итте. Волга буйы федераль округының төбәк башлыҡтары араһында Радий Хәбиров беренсе баҫҡыста нығынды.

18 ғин, 02:28

Башҡортостан удмурттары ла фольклориадаға әҙерләнә

Тәтешле районының Үрге Тәтешле ауыылнда урынлашҡан тарихи-мәҙәни үҙәктә әле көнө буйы репетициялар бара. Удмурттар музейҙағы экспозицияларҙы тәртипкә килтерә, мәҙәни программа әҙерләй. Тәтешле удмуртар иң күп йәшәгән район иҫәпләнә, төбәктә улар 5 мең тирәһе. Республика удмурттарының тарихи-мәҙәни үҙәге лә ошонда урынлашҡан. Фин-уғыр халыҡтары вәкилдәренең фольклориадаға әҙерлеге менән беҙҙең БСТ каналы хәбәрсеһе Рәмзиә Кәримова танышты.

18 ғин, 02:27

Өфөлә үтәсәк VI Бөтә донъя фольклориадаһына Рәсәй төбәктәренән тыш 80 ил вәкилдәренең килеүе көтөлә

Форум июль урталарына билдәләнгән. Күләмле сарала ҡатнашырға республика район-ҡалаларында ижад итеүсе коллективтар араһында ла теләк белдереүселәр күп. Стәрлебаш районы Буҙат ауылының «Сөмбөлә» халыҡ вокал ансамбле шуларҙың береһе. БСТ каналы хәбәрсеһе Азат Ғәлиуллин дауам итә.

18 ғин, 02:26

Республикала клубтар төҙөкләндерелә

Ишембай районы Ишәй ауылы мәҙәниәт йортонда капиталь ремонт июндә тамамланырға тейеш. Әлегә бинаның икенсе ҡатында эске биҙәкләү, электр монтаж эштәре башҡарыла, стеналар тигеҙләнә, радиаторҙар, тәҙрәләр, ишектәр яңыртыла.

18 ғин, 02:25

Кисә Берлинда «Йәшел аҙна-2020» 85-се халыҡ-ара күргәҙмәһе асылды

Рәсәй экспозицияһында Башҡортостан да ҡатнаша. Күргәҙмә ҡунаҡтары беҙҙең республикала етештерелгән кондитер изделиелары, бал һәм умартасылыҡ тауарҙары, сыр, ҡуйыртылған һөт, ит, сәй продукцияһы менән таныша.

18 ғин, 02:24

Берҙәм дәүләт имтиханы тапшырыуға заявкалар ҡабул итеү компанияһы тамамланыуға ике аҙна ваҡыт ҡалды

Имтихан тапшырасаҡ предметты һәм асылда буласаҡ һөнәри юлын һайлап өлгөрөргә тейешле мәктәп тамамлаусылар өсөн был яуаплы осор. Был турала бөгөн журналистарға республиканың мәғариф һәм фән министры һөйләне.

18 ғин, 02:23

Академик Әнәс Мәхмүтов бөгөн 90 йәшен билдәләй

Башҡортостан фәненә арналған ғүмер. Иҡтисад фәндәре докторы, профессорҙы республика башлығы тәбрикләне. Радий Хәбиров Башҡортостан фәндәр академияһы президиумы һәм Башҡортостан башлығы ҡарамағындағы дәүләт хеҙмәте һәм идара итеү академияһы ғилми советы ултырышында ҡатнашты.

17 ғин, 23:58

Өфө районынан етем егет унынсы йыл фатир ала алмай

Унынсы йыл торлаҡ алыуға сиратта. Өфө районынан Ринат Исхаҡов етем бала булараҡ дәүләттән квадрат метрҙар менән тәьмин ителергә тейеш. Был турала ыңғай суд ҡарарҙары ла бар. Әммә 24 йәшен тултырған егет өсөн был мәсьәлә мәңге хәл ителмәҫ төҫлө. БСТ каналы хәбәрсеһе Гөлназ Хәйбуллина дауам итә.

17 ғин, 23:57

"Ҡыш уртаһында ташҡын": Керәшен һыуыҡтары урынына Өфөгә аномаль йылы килде

Социаль селтәрҙә ҡулланыусылар баш ҡаланың Сипайлово биҫтәһендә төшөрөлгән видеояҙмалар һалған. Уларҙан күренеүенсә, Жуков һәм Гагарин урамдарын һыу баҫҡан.

17 ғин, 23:56

Республикала ҡаты көнкүреш ҡалдыҡтарын йыйыу һәм сығарыуҙы мониторлаусы автоматлаштырылған система индерелә

Мәсьәлә бөгөн Башҡортостан Хөкүмәтендә уҙған видеоконференцияла ҡаралды. Декабрь айынан алып муниципалитеттар контейнер майҙансыҡтарының урыны тураһында мәғлүмәтте махсус электрон базаға теркәй башланы.

17 ғин, 23:55

«Берҙәм Рәсәй» сәйәси партияһының Генераль советы ил Президентының Федераль Йыйылышҡа мөрәжәғәтнамәһе буйынса эш сараларын барланы

Видеоконференция форматында үткән кәңәшмәлә Башҡортостан башлығы Радий Хәбиров та ҡатнашты.

17 ғин, 23:51

Медиология агентлығы Рәсәй төбәктәре етәкселәренең 2019 йылғы рейтинг һөҙөмтәләрен иғлан итте

Волга буйы федераль округының төбәк башлыҡтары араһында Радий Хәбиров беренсе баҫҡыста нығынды. Икенсе урында Түбәнге Новгород өлкәһе губернаторы Глеб Никитин, өсөнсөлә Татарстан етәксеһе Рөстәм Миңлеханов. Дөйөм Рәсәй күрһәткестәре буйынса ла медиалогия рейтингында ...

17 ғин, 21:30

Республика Башлығы Радий Хәбиров Дөйөм Рәсәй халыҡ фронты рәйестәштәре менән осрашты

Осрашыу барышында Рәсәй Президенты Владимир Путиндың мөрәжәғәтнамәһендә яңғыратылған эш йүнәлеше тураһында һүҙ барҙы.

17 ғин, 19:09

Шаран районында бизнес өсөн яңы мөмкинлектәр булдырыла

Бөгөн унда Эшҡыуарлыҡҡа булышлыҡ итеү үҙәге асылды. Район хакимиәте башлығы урынбаҫары Альберт Минлин һөйләй.

17 ғин, 16:15

Башҡортостанда бер кеше янып үлгән

Белорет ҡалаһында бер йорт янған утты һүндергәндән һуң 1982 йылғы ирҙең кәүҙәһе табылған.

17 ғин, 16:10