Яңылыҡтар таҫмаһы

“Башҡортостан. 75-Еңеү” исемле күргәҙмәгә рәхим итегеҙ!

Өфө халҡы һәм ҡунаҡтары “Рәсәй- минең тарих” паркында “Башҡортостан. 75-Еңеү” исемле күргәҙмәне ҡарай ала. Бөйөк Ватан һуғышында Еңеүҙең 75 йыллығына арналған күргәҙмә тәүге ҙур интерактив экспозиция һанала.

24 сен, 13:35

Һарытау өлкәһендә Башҡорт мәҙәниәте һәм мәғарифы көндәре башлана

Бөгөн Перелюб, Пугачев райондарында ҡурай, ҡумыҙ, халыҡ бейеүҙәре һәм йырҙары буйынса оҫталыҡ дәрестәре бирелә: Күсембәт, Калинин, Бобров Гай, Мәҡсүт ауылдарының мәҙәниәт йортонда осрашыуҙар ойошторола.

24 сен, 13:32

Башҡортостанда еңел сәнәғәтте 2024 йылға тиклем ике тапҡырға үҫтереү бурысы ҡуйылған

Өфөлә еңел сәнәғәтте үҫтереү перспективалары тураһында парламент ултырышы тыңлауҙары үтте. Еңел сәнәғәт – халыҡ ҡуллана торған тауарҙар менән тәьмин итеүсе тармаҡ булып тора. Әлеге ваҡытта республикала бындай 344 ойошма эшләй. Улар кейем-һалым, туҡыма һәм күндән эшләнгән тауарҙар етештерә. Еңел сәнәғәтте үҫтереүгә бәйле проблемаларҙы төрлө ведомстволар менән берлектә хәл итеү мөһим, ти Дәүләт Йыйылышы – Ҡоролтай Рәйесе урынбаҫары Рөстәм Ишмөхәмәтов.

24 сен, 13:00

Башҡортостанда "Домкомплект" программаһын ҡулланып 1 мең ярым кеше торлаҡлы булған

Был проект 8 йыл ғәмәлгә ашырыла. Унда ҡатнашыусыларға йорт төҙөлөшө өсөн материалдар бирелә, йә сығымдарының бер өлөшө ҡаплана. Төҙөлөш һәм архитектура буйынса дәүләт комитеты рәйесе урынбаҫары Егор Родин.

24 сен, 12:19

Демография проблемаларын хәл итеү ғәмәлгә ашырырлыҡ бурыс

Сентябрь указында яҙылған демография проблемаларын хәл итеү ҡатмарлы, әммә ғәмәлгә ашырырлыҡ бурыс. Социология фәндәре кандидаты Рим Вәлиәхмәтов шундай фекерҙә. Демографик көрсөк бөтә ил өсөн хас күренеш ти ул.

24 сен, 12:12

Башҡортостан парламентының эшмәкәрлеге Радий Хәбиров ҡул ҡуйған сентябрь указын иҫәпкә алып аныҡланасаҡ

2 октябрҙә Дәүләт Йыйылышы-Ҡоролтай янындағы Консультация советында депутаттар Башҡортостандың үҫеш стратегияһы тураһында документҡа бәйле нормаларҙы ҡарай. Республика парламентының көҙгө сессияға эш планы билдәләнә, тип белдерҙе спикер Константин Толкачев.

24 сен, 12:00

Башҡортостанда изге йорттар һаны йәнә берәүгә артты

Күгәрсен районы Аҙнағол ауылында өр-яңы мәсет үҙ ишектәрен асты. Иман йорто ауыл халҡы көсө һәм ауылдаш-бағыусылары ярҙамында төҙөлгән. Айырыуса шәхси эшҡыуарҙар ҙур ярҙам күрһәтте, тине мәсеттең имам-хатибы Ғабдулғәли Алсынбаев.

24 сен, 11:19

Башҡортостан юлдарында ремонт 15 ноябргә тиклем тамамланырға тейеш

Ошо ваҡыттан алып эҫе асфальт һалынмаясаҡ, тип хәбәр итәләр Транспорт һәм юл хужалығы буйынса дәүләт комитетынан.

24 сен, 11:11

Башҡортостанда өс тимер юл төҙөү планлаштырыла

Өфөнән урау юл, Нефтекамаға тиклем һәм Сибайҙан Магнитогорск аша Ырымбур өлкәһе Ҡыуандыҡ районына тиклем. Бөгөн Өфөлә асылған Транспорт форумында ошо турала килешеүҙәргә ҡул ҡуйыу планлаштырыла. Өфөнөң көньяғынан урау юл ҡалала тауар вагондарын кәметеүгә булышлыҡ итәсәк. Транспорт һәм юл хужалығы буйынса дәүләт комитеты рәйесе Тимур Мөхәмәтйәнов һөйләй.

24 сен, 11:00

"Янғантау" геопаркы донъя кимәлендә танылыу аласаҡ, ти эксперттар

Был биләмәгә ЮНЕСКО статусы бирелеүе уның мәртәбеһен тағы күтәрә, туристар һанының артыуы көтөлә. Республика парламенты депутаты Руфина Шаһапова фекере.

24 сен, 10:18

"Торлаҡ һәм ҡала мөхите" был көндәрҙә Өфөлә үткән "УралСтройИндустария" форумының төп темаһы

Пленар ултырыш, эшлекле осрашыуҙар уҙғарыла, компаниялар үҙҙәре эшләп сығарған материалдар, техника менән таныштыра. Төҙөлөш һәм архитектура буйынса дәүләт комитеты рәйесе урынбаҫары Артем Ковшов.

24 сен, 10:09

Башҡортостанда торлаҡ төҙөлөшөндә алданыусылар проблемалары хәл ителә

28 октябрҙә Өфө районындағы "Миловка паркы" комплексында 400-ҙән ашыу кешегә фатир асҡыстары тапшырылырға тейеш. Республика башлығы Радий Хәбиров ошондай бурыс ҡуйҙы. Эштәр Алданған өлөшсөлөргә ярҙам фондынан финанслана. Республика төҙөлөш һәм архитектура буйынса дәүләт комитеты рәйесе вазифаһын башҡарыусы Марат Әхмәҙуллин.

24 сен, 10:00

Туғыҙ тиҫтә йылдан һуң, Аҙнағолда аҙан тауышы яңғыраны

Күгәрсен районының тағы бер ауылы мәсетле булды. Быға тиклем төбәктең Ерекле ауылында иман йорто сафҡа инһә, уҙған шәмбе Аҙнағолда асылды. Ул бер йәй эсендә төҙөлгән.

23 сен, 23:03

Өфөнөң батут үҙәгендә йырсы Аҡйегет Вәлитов ауыр йәрәхәт ала

Күнекмә үтәгән ваҡытта муйынын ауырттыра. Өфөнөң батут үҙәгендә йырсы Аҡйегет Вәлитов ауыр йәрәхәт ала. Ул ашығыс рәүештә дауаханаға килтерелә. Йырсының туғандары менән БСТ каналы хәбәрсеһе Әлфинә Килдейәрова осрашты.

23 сен, 23:02

«Миловка паркы» төҙөлөшөндә ҡатнашып алданған өлөшсөләр фатирлы буласаҡ

28 октябрҙә "Миловка паркы" төҙөлөшөндә ҡатнашып алданған 400-гә яҡын өлөшсө күптән көткән фатир асҡыстарын аласаҡ. Аҙаҡҡы датаны "Төҙөлөш сәғәте"ндә Башҡортостан Башлығы Радий Хәбиров ҡуйҙы. Бер ай эсендә төҙөүселәр "Йәштәр" комплексындағы дүрт йортто файҙаланыуға тапшырырға тейеш.

23 сен, 22:55

Башҡортостан Башлығы муниципалитеттар менән видеоселектор кәңәшмә үткәрҙе

Радий Хәбиров бөгөн үк йылытыу миҙгеленә күсеү буйынса видеоселектор кәңәшмәһе үткәрҙе, министрлыҡ, ведомстволар етәкселәре, муниципаль берәмектәр башлыҡтары ҡатнашлығында үткән кәңәшмә ярты сәғәт элек кенә тамамланды.

23 сен, 22:51

«Юлдаш плюс» йәштәр интернет радиоһы биш йыллыҡ юбилейын билдәләне

Ошо уңайҙан ижади коллектив баш ҡала халҡы һәм ҡунаҡтарына ҙур концерт-дискотека программаһын тәҡдим итте. Сарала һуңғы йылдарҙа башҡорт эстрадаһында киң билдәлелек яулаған йәш башҡарыусылар сығыш яһаны. Көй-моңдар менән бергә, ҡыҙыҡлы һөйләшеүҙәр, юмор оҫталары ла сәхнәгә сыҡты.

23 сен, 22:21

«Аҫылташ» форумы - Баймаҡ районында

Һуңғы йылдарҙа республикала лидерҙарҙы асыҡлаусы, сәләмәт тормошто пропагандалаусы проекттар маҡсатҡа ынтылыусан йәштәр араһында киң популярлыҡ яулай. Ошо көндәрҙә республиканың тиҫтәләп районында күсмә мәғариф майҙансығы эшләне.

23 сен, 22:17

Әбйәлил районы «Милләттәр кросы»на ҡушылды

Бөтә Рәсәй спорт сараһында өлкәндәр менән бергә мәктәп уҡыусылары, хатта балалар баҡсалары тәрбиәләнеүселәре лә ҡатнашты. Тәүге, 400 метрлыҡ дистанцияла район хакимиәтенең бүлектәрендә эшләүсе ҡатын-ҡыҙҙар һәм ир-егеттәр, төбәк советы депутаттары, ауыл биләмәләре башлыҡтары, район үҙәгенең ойошма-учреждениелары етәкселәре йүгерҙе.

23 сен, 21:50

Республика район-ҡалаларының Башҡортостандың 100 йыллығына арналған халыҡ ижады фестиваль-марафоны дауам итә

Иртәгә Хөсәйен Әхмәтов исемендәге Башҡорт дәүләт филармонияһында "Башҡортостан тарихы биттәре" фестивален Мәсетле районы вәкилдәре дауам итә. Сәхнәлә райондың билдәле ижади коллективтары сығыш яһаясаҡ, фойела милли ризыҡтар һәм сувенирҙар, сәнәғәт ойошмалары тауарҙары күргәҙмәһе, Мәсетленең данлы үткәне һәм бөгөнгөһөнә арналған экспозиция тәҡдим ителәсәк.

23 сен, 21:49