Иҡтисад

Был минуттарҙа Өфөләге “Торатау” конгресс холында Халыҡ-ара экспорт форумы бара

Унда 10-дан ашыу илдән белгестәр ҡатнаша. Йыйында агросәнәғәт комплексында экспорт үҫеше, электрон коммерция мәсьәләләре ҡарала. Сит ил вәкилдәре экспортҡа сығарылған Рәсәй тауарҙарының етешһеҙлеге тураһында һөйләй. Форум барышында күргәҙмәләр эшләй. Хәләл-индустрия темаһына ла ҙур ғына урын бирелгән.

17 июл, 11:00

Башҡортостанда юлдар төҙөүгә һәм ремонтлауға 22 миллиард һумдан ашыу аҡса йүнәлтеләсәк

Транспорт сәғәтендә билдәләнеүенсә, мең саҡрымдан ашыу автомобиль юлдары тәртипкә килтереләсәк. Шулай уҡ «Тыуған урам» республика проектына ярашлы, ауылдарҙың үҙәк урамдарына асфальт һалына башланы.

16 июл, 22:45

Август аҙағына тиклем Әмзә урман комбинаты хеҙмәткәрҙәренә эш хаҡы түләп бөтөләсәк

Шулай уҡ бөлгөнлөккә төшкән предприятиены тергеҙеү бурысы ҡуйылды, әлегә потенциаль инвесторҙар менән һөйләшеүҙәр алып барыла. Был турала бөгөн республика етәксеһе Радий Хәбировтың Нефтекама ҡалаһына эш сәфәре барышында билдәле булды.

16 июл, 22:43

Башҡортостанда юл һалыу һәм ремонтлауға 21,9 миллиард һум йүнәлтелә

Был турала Башҡортостандың Транспорт һәм юл хужалығы буйынса дәүләт комитеты рәйесе вазифаһын башҡарыусы Альберт Сөләймәнов “Транспорт сәғәте”ндә белдерҙе. Быйыл 1000 саҡрымдан ашыу автомобиль юлы ремонтлана. Муниципаль һәм ауыл юлына ҡырсынташ, ваҡ таш һибеү эше дауам итә.

16 июл, 15:12

Әмзә урман эшкәртеү комбинаты хеҙмәткәрҙәренә эш хаҡы түләмәгән

Нефтекамаға эш сәфәре барышында Радий Хәбиров комбинат эшмәкәрлеге менән танышты. Радий Хәбиров предприятие етәкселегенә август аҙағына тиклем эш хаҡын түләргә тигән күрһәтмә бирҙе. Комбинаттың 200 хеҙмәткәргә 21 миллиондан ашыу бурысы йыйылған.

16 июл, 13:00

Республика магазиндары һөт һатыу ҡанундарын боҙа

Сауҙа буйынса дәүләт комитеты тикшереү үткәргән. 1 июлдән тәбиғи һөт ризыҡтары яһалма продукциянан айырым торорға тейеш.

16 июл, 12:04

Эксперттар Башҡортостан ҡалаларында һөткә хаҡты сағыштырған

Тикшереү өсөн 2-3 процент ҡуйылығындағы ҡайнатылған һөт һайлап алынған.

16 июл, 08:09

Бөрйән районында йомшаҡ япраҡлы ағас эшкәртеү предприятиеһы барлыҡҡа киләсәк

Башҡортостан урман сәнәғәте ассоциацияһы бөгөн Хөкүмәт йортонда үткән «Инвестиция сәғәте»ндә юғары ҡеүәтле производство проекты тәҡдим итте. 2023 йылға тиклем иҫәпләнгән программа өсөн 110 миллион һум күләмендә инвестиция йәлеп итеү ҡарала. Төбәктә йәшәүсе йөҙҙән ашыу кешегә эш урыны буласаҡ.

12 июл, 23:41

Вьетнам вәкилдәре Дәүләт Йыйылышы-Ҡоролтай депутаттары менән осрашты

Шулай уҡ Вьетнам делегацияһы бөгөн Дәүләт Йыйылышы-Ҡоролтай депутаттары менән осрашып, парламент-ара хеҙмәттәшлекте, иҡтисади-социаль бәйләнештәрҙе нығытыу буйынса һөйләшеү уҙғарҙы.

12 июл, 22:14

Учалы районында шәхси инвестор яңы элеватор төҙөй

1965 йылда һалынған бина реконструкциялана. Келәттә иген ҡабул итеү, таҙартыу, киптереү һәм һаҡлау урындары була.

12 июл, 16:09

Ауырғазы районы Сыуаш Ҡарамалы ауылында ит эшкәртеү цехы асылды

Проект ауыл хужалығында табышлы эшләү программаһы буйынса ғәмәлгә ашырылған. Предприятие бер сменала 300 килограмм әҙер продукция сығара ала.

12 июл, 15:03

Башҡортостан Европа һәм Азия менән дә хеҙмәттәшлек итергә әҙер

Был турала Республика етәксеһе Радий Хәбиров Рәсәйҙең сит илдәрҙәге сауҙа вәкилдәре менән осрашыуында белдерҙе. Унда Бөйөк Британия, Пакистан, Ҡырғыҙстан, Никарагуа, Австрия, Абхазиянан вәкилдәр ҡатнашты. Радий Хәбиров тышҡы сауҙа әйләнешен арттырыу төп бурыстарҙың береһе тип билдәләне. Бының өсөн сит илдәрҙә Башҡортостан вәкиллектәре асыла.

12 июл, 10:00

Радий Хәбиров Бөйөк Британия, Австрия, Паҡстан, Ҡырғыҙстан, Никарагуа һәм Абхазиялағы сауҙа вәкилдәре менән осрашты

Сит илдәр менән бәйләнештәр арта. Ҡунаҡтар республиканың экспорт йүнәлешендә эшләүсе предприятиелар вәкилдәре, һуңынан республика етәксеһе Радий Хәбиров менән осрашты.

11 июл, 23:44

Эшҡыуарҙарға 4 процентҡа кредит бирелә

“Башҡортостан микрокредит компанияһы” моноҡалаларҙа бизнес өсөн льготалы займдар бирә. Тәүге кредиттар Учалы һәм Сибай ҡалаларында тапшырылды. Эшҡыуарҙар был аҡсаға магазин төҙөргә һәм булған кредиттарын ҡаплауға тотонорға ҡарар иткән.

11 июл, 12:00

Иглин районы Меңйетәр ауылы эргәһендә һоро ҡырсынташ ҡаҙыу эштәре законлы башҡарыламы?

Әммә файҙалы ҡаҙылма байлыҡтар менән тиҫтә йылдар дауамында ҡулланыусылар, карьер урынлашҡан ерҙе тәртипһеҙ харабаға әйләндергән, тип борсола ерле халыҡ. Ҡырсынташ сығарыуға тотонған сираттағы эшҡыуарҙың рөхсәте бармы? Ошо һәм башҡа һорауҙарға яуапты БСТ каналы хәбәрсеһе Гүзәл Борханова эҙләне.

11 июл, 00:21

Халыҡ-ара балалар уйындарын ойоштороу 4 миллиард һумға төшкән

Затон биҫтәһендәге спорт әҙерлеге үҙәген төҙөүгә 3 миллиард ярым һум бүленгән. Сумманың тағы ла бер өлөшө инфраструктураны яҡшыртыуға киткән. Был турала Өфө ҡала мэры Өлфәт Мостафин белдерҙе.

10 июл, 13:04

Ишембайҙа махсус иҡтисади биләмә ойоштороу буйынса ултырыш үтте

Уны Башҡортостан Хөкүмәте Премьер-министры вазифаһын башҡарыусы Илшат Тажетдинов алып барҙы. Ултырышта ергә документтарҙы тултырыу, инфраструктураны тәьмин итеү, шулай уҡ инвесторҙарҙы йәлеп итеү мәсьәләләре ҡаралды.

05 июл, 12:15

Банк белгестәре эшҡыуарҙар өсөн оҫталыҡ дәрестәре үткәрә

Башҡортостан Милли банкы финанс белем буйынса онлайн курстар ойоштора. Дәрестәр һәр кесаҙна үткәрелә.

04 июл, 10:03

Киләһе йылда пенсиялар арта

Айлыҡ түләү 6 бөтөн ундан 5 процентҡа күтәрелә, тип яҙа "Российская газета". Был проект Пенсия фондының махсус комиссияһы ултырышында ҡарала.

04 июл, 09:02

“Эшҡыуарлыҡ сәғәте”ндә ҡатнашыу өсөн заявканы интернет аша бирергә мөмкин

Башҡортостанда бизнес һәм инвестиция порталы эшләп килә. Унда эшҡыуарҙар район һәм ҡалаларҙа ултырыштарҙа ҡатнашыуға заявка ҡалдыра ала.

03 июл, 12:00