Иҡтисад

Башҡортостандың ауыл хужалығы предприятиелары 6,3 млрд субсидия һорай

Рәсәй ауыл хужалығы министрлығы Башҡортостандан ҡыҫҡа ваҡытҡа ташламалы субсидия һораған 245 ғариза ҡабул иткән, ғаризаларҙың дөйөм суммаһы 6,3 млрд.

21 фев, 17:48

Ауыл хужалығында район-ара хеҙмәттәшлек миҫалы

Йылайыр менән Ейәнсура райондарында һарыҡсылыҡты үҫтереү буйынса уртаҡ проектҡа нигеҙ һалынды. Йылайырҙар күршеләренә һарыҡ тәкәләрен үҫтереп бирергә килешкән. Ейәнсураның «Маяҡ» хужалығынан алынған бәрәстәр әле ҡышты юғалтыуһыҙ сығып килә. Килешеү уңышлы үтәлһә, ике яҡ та табыш аласаҡ. Тимәк, хеҙмәттәшлек дауам итәсәк.

21 фев, 21:52

Былтыр республикала финанс тотороҡлоҡ һәм иҡтисади үҫеш тәьмин ителеп, социаль йөкләмәләр тулыһынса үтәлгән

Был турала Башҡортостан Хөкүмәте Премьер-министры Рөстәм Мәрҙәнов Финанс министрлығының киңәйтелгән коллегия ултырышында белдерҙе. Кәңәшмә барышында министрлыҡтың 2017 йылдағы эшенә йомғаҡ яһалды һәм алдағы осорға мөһим бурыстар билдәләнде.

21 фев, 20:45

Ял көндәренә электричкаларҙың йөрөү ваҡыты үҙгәрәсәк

Башҡортостандың Транспорт һәм юл хужалығы буйынса дәүләт комитеты үҙ сайтында ял көндәренә электричкаларҙың йөрөү ваҡыты үҙгәреүе тураһында иғлан бирҙе.

21 фев, 16:17

Бөгөн Башҡортостан Башлығы «Альфа-Групп» Консорциумының Күҙәтеү советы ағзаһы, «Альфа-Банк» компанияһы директорҙар советы рәйесенең беренсе урынбаҫары Олег Сысуев менән осрашты

Әңгәмә барышында берлектәге проекттарҙы тормошҡа ашырыу мөмкинлектәре, шулай уҡ инфраструктура, торлаҡ-коммуналь хужалыҡ, бюджет өлкәһе һәм күмәртәләп һатыу өлкәләрендә ихтимал хеҙмәттәшлек йүнәлештәре ҡаралды.

20 фев, 22:47

Башҡортостан ойошмалары үҙ эшселәренә 482 миллион һум бурыслы

Һуңғы мәғлүмәттәр буйынса, Башҡортостандың 148 ойошмаһы 10 500 эшсеһенә 482 млн һум эш хаҡын түләп еткермәгән.

20 фев, 17:12

Башҡортостанда инфляция күпме

Рәсәй банкы үткәргән сәйәсәт һөҙөмтәһендә инфляция тарихи түбәнлеккә етте. Дөйөм ил буйлап 2,5%, Башҡортостанда – 1,6%.

20 фев, 16:15

Башҡортостандың Ер һәм мөлкәт мөнәсәбәттәре министрлығы дивиденттар буйынса ҡарар сығарҙы

Башҡортостандың Ер һәм мөлкәт мөнәсәбәттәре министрлығы 2018 йылда “Башспирт” һәм Өфө аэропортынан дивидендтар алмаясағын белдерҙе.

20 фев, 15:35

Өфө хакимиәте республика бюджетына 1 миллиард һум бурыслы

Өфө хакимиәте Башҡортостан ҡаҙнаһына халыҡты авария хәлендәге иҫке торлаҡтан күсереү программаһына алған бер миллиард һумды кире ҡайтарырға тейеш. Был хаҡта республика Башлығы Рөстәм Хәмитов Сочила уҙған форумда хәбәр итте.

20 фев, 10:47

Санаңды йәй, арбаңды ҡыш әҙерлә

«Башсельхозтехника» предприятиеһының Шишмә филиалында яҙғы баҫыу эштәренә әҙерлек бара, цехтарҙа ауыл хужалығы техникаһына яңы һулыш бирә. Оҫталар бында республиканың төрлө төбәктәренән килгән трактор-комбайндарҙы ремонтлай.

19 фев, 22:53

Ошо көндәрҙә Баймаҡ районында ауыл хужалығы кооперативтары ойоштороу буйынса халыҡ йыйындары үтте

Осрашыуҙарҙа Ауыл хужалығы министрлығының консультация үҙәге белгестәре лә ҡатнашты. Әлегә республикалағы 800-ҙән ашыу ауыл биләмәһенең 100-гә яҡыны ауыл хужалығы кооперативтарын төҙөү тәҡдиме менән сыҡҡан. Шул иҫәптән алты биләмә Баймаҡ районынан.

19 фев, 19:40

Башҡортостан статистары 2017 йыл буйынса төрлө иҡтисад өлкәһендә уртаса эш хаҡын иғлан итте

Иң күп эш хаҡы алыусылар исемлеген нефть эшкәртеүселәр аса. Улар айына уртаса 74 557 һум ала. Икенсе урында файҙалы ҡаҙылма сығарыусылар, был өлкәлә эш хаҡы 50 281 һумдан аша. Өсөнсөлә финанс һәм страховкалау өлкәһендә эшләүселәр урынлашҡан. Был тармаҡта эш хаҡы 44 883 һум менән баһалана.

19 фев, 15:08

Волга буйы федераль округында иң арзан бензин Өфөлә

Рәсәй статистика хеҙмәте белгестәре 2018 йылда февралдең тәүге яртыһына нефть баҙарында хаҡтарҙы анализлап рейтинг төҙөгән. Иң осһоҙ бензин исемлегендә Өфө беренсе урында, унан һуң Пенза һәм Ульяновск. Баш ҡала халҡы бер литр яғыулыҡ өсөн уртаса 38,49 һум түләй. Яҡын арала АИ...

19 фев, 12:03

Аҙна яңылыҡтары. Башҡортостан етәкселеге Сочи ҡалаһында үткән инвестиция форумында ҡатнашты

Һәм әйтергә кәрәк, был дүрт көн үтә лә һөҙөмтәле үткән. Һәр хәлдә, төҙөлгән килешеүҙәр һаны ошо турала һөйләй. Республика хеҙмәттәшлек тураһында килешеү төҙөнө. Уларҙың дөйөм күләме 69 миллиард һум менән баһалана. Бындай инвестициялар менән бик һирәк төбәктәр генә маҡтана ала.

18 фев, 23:47

Аҙна яңылыҡтары. Сочи ҡалаһында Ҡытай инвесторҙары менән Благовещен районында тракторҙар етештереү заводы төҙөү тураһында килешелде

Уның хаҡы 6 миллиард һумдан ашыу. Завод асылыу менән меңдән ашыу кешегә эш урыны барлыҡҡа киләсәк. Әткәндәй, тракторҙар Башҡортостанда былтыр көҙ үк сығарыла башланы. Дөрөҫ, тәжрибә рәүешендә һәм Шишмә районында. Беҙҙең ҡулдар ҡытай техникаһын йыйырға өйрәнһә, трактор йыйыу тулы циклға күсә.

18 фев, 22:47

Аҙна яңылыҡтары. Яҡын арала ғәмәлгә ашырыласаҡ тағы бер инвестиция проекты «Башҡорт ит» компанияһы менән төҙөлдө

Предприятие республикала малсылыҡты үҫтереүгә 60 миллиард һум аҡса тотонасаҡ. Уның 6 миллиарды яҡын арала уҡ үҙләштерелә.

18 фев, 21:47

Аҙна яңылыҡтары. Ейәнсура районы ауылдарында йөҙләгән ғаиләне зар илатып, ҡом түләүле ҡалдырып киткәндәр

Ниндәйҙер баҫҡынсылар ҙа түгел, ә электриктар. Хәйер, төҙөлгән килешеүҙәрендә ниндәй компания икәнлеге яҙылмағас баҫҡынсылар тип атарға ла мөмкиндер. Улар ток иҫәпләү ҡоролмаһы урамда торорға тейеш тип яңыһын урынлаштырыу өсөн ун меңгә тиклем аҡса алған. Ләкин бәлә яңғыҙ йөрөмәй. Уларҙың артынын рәсми ойошма вәкилдәре йөрөп законһыҙ рәүештә счетчиктар урынлаштырғанһығыҙ тип шул уҡ ун мең тирәһе штраф һалып йөрөгәндәр. Ябай ауыл кешеһе өсөн инде был күләм саманан тыш ҙур. Был аҡсаларға бәғзеләр өс ай туҡланып йәшәй.

18 фев, 20:47

Аҙна яңылыҡтар. Йәштәр был аҙнала йәнә һөйгәндәренә мөхәббәтен белдерергә ашыҡты

Бигерәк тә 14 февраль - Ғашиҡтар көнөндә. ЗАГС бүлектәрендә сират күҙәтелде. Бер көн эсендә генә 108 пар никахлашты. Шуларҙың һәр икенсеһе Өфөлә. Туҡһанынсы йылдарҙа идеология бушлығынан файҙаланып, беҙҙең тормошҡа изге Валентин көнө тип килеп ингән байрам һаман да йәмәғәтселек араһында популярлығын юғалтмай.

18 фев, 18:47

Сочиҙа үткән Рәсәй инвестиция форумында Башҡортостан вәкилдәре яҡын арала республикала яңы предприятиелар төҙөүгә бәйле килешеүҙәргә ҡул ҡуйҙы

Килешеүҙәрҙең береһе Благовещен ҡалаһында тракторҙар етештереү буйынса завод төҙөүҙе күҙаллай. Яңы предприятиены Ҡытай инвесторҙары төҙөйәсәк. Проект хаҡы 6 миллиард һум.

16 фев, 16:32

Рәсәй тимер юлдары Башҡортостанға 2,5 млрд һум бүләсәк

Был хаҡта Башҡортостандың Транспорт һәм юл хужалығы буйынса дәүләт комитетының сираттағы ултырышында Куйбышев тимер юлының Башҡортостан идаралығының баш инженер урынбаҫары Ринат Фазлыев хәбәр итте.

16 фев, 16:21