Иҡтисад

Башҡортостанда йорт төҙөлөшөндә алданған өлөшсөләр мәсьәләһен хәл итеү өсөн 175 миллион һум бүленде

Дәүләт Йыйылышы – Ҡоролтай депутаттары законға үҙгәрештәр индерҙе. Өлөшсөләргә ярҙам итеү өсөн фонд булдырыла. Бының өсөн аҡсаның байтаҡ өлөшө федераль үҙәктән бүленә.

28 окт, 11:22

Бер гектарҙан – 15 центнер көнбағыш

Стәрлебаш районы аграрийҙары көнбағыш йыйыуҙа яҡшы һөҙөмтәләргә ирешә. Ауыл хужалығы эшселәре әйтеүенсә, гектарынан 15 центнер май культураһын йыйыу район өсөн юғары күрһәткес.

26 окт, 22:06

Өфө “Минең бизнесым” тип аталған эшҡыуарлыҡ форумына әҙерләнә

Октябрь аҙағында үтәсәк сара урта һәм бәләкәй эшҡыуарлыҡҡа булышлыҡ итеү милли проекты буйынса ойошторола. Ҡатнашыусылар һаны 4 меңдән ашасаҡ, ти Башҡортостан эшҡыуарлыҡты үҫтереү агентлығы етәксеһе Ирек Гәрәев.

25 окт, 19:12

Республикала үҙ эшен башлаусыларға ярҙам күрһәтелә

Киләһе аҙнала Ишембай ҡалаһында көньяҡ райондарҙа йәшәгән эшҡыуарҙар өсөн семинар ойошторола. Тәжрибәле белгестәр саҡырылған, бушлай консультациялар бирелә. Ишембай районы хакимиәте вәкиле Хәлим Хафизов һөйләй.

25 окт, 18:36

Башҡортостанда томат, ҡыяр һәм кәбеҫтә ҡиммәтләнгән

Статистика хеҙмәте аҙналыҡ күҙәтеү һөҙөмтәләрен иғлан итте. Йәшелсәнән тыш, ҡарабойҙайға, ит консерваларына, көнбағыш майына хаҡ артыуы теркәлгән.

25 окт, 12:52

Күп балалы ғаиләләргә ярҙам күрһәтеләсәк

Башҡортостанда 8 һәм унан күберәк бала тәрбиәләгән ғаиләләр балаларға 23 йәш тулғанға тиклем дәүләт ярҙамын аласаҡ. Һүҙ бер тапҡыр түләнә торған 600 мең һум аҡса тураһында бара. Республика Дәүләт Йыйылышы – Ҡоролтай депутаты Рима Үтәшева аңлатма бирә.

24 окт, 13:16

«Красная Башкирия» хужалығына Даниянан тоҡомло һыйырҙарҙың сираттағы партияһы ҡайтарылды

Улар быҙаулағансы Озерный фермаһына урынлаштырылды. Республиканың өҫтөнлөклө инвестиция проекты сиктәрендә предприятиела ҡара-сыбар тоҡомло быуаҙ таналар һанын 800-гә еткереү күҙаллана. Әле Һамар бүлексәһендә Голландиянан килтерелгән роботтарҙы монтажлау дауам итә.

23 окт, 23:14

Башҡортостан бюджетының өстән ике өлөшө генә файҙаланылған

Был турала үткән туғыҙ ай һөҙөмтәләренә арналған кәңәшмәлә Хөкүмәт Премьер-министры урынбаҫары вазифаһын башҡарыусы Андрей Назаров белдерҙе.

23 окт, 23:12

Башҡортостанда яңы индустриаль парк барлыҡҡа килә

Ул Салауат районы биләмәһендә урынлаша. Был турала Башҡортостан Үҫеш корпорацияһынан хәбәр итәләр. Индустриаль парк ауыл хужалығы йүнәлешендә эшләй. Биләмә федераль трасса янында була.

23 окт, 19:00

Башҡортостанда ҡарабойҙайға хаҡ арта

Республика сауҙа берлегенән белдереүҙәренсә, был ярмаға хаҡ ай дауамында 15 процентҡа күтәрелгән. Быға тиклем магазиндарға уның килограмын 35 һумға килтерһәләр, кисә 46 һум менән тапшырғандар.

23 окт, 16:09

Бюджет өлкәһендә эшләүселәрҙең аҡсаһы арта

Финанс министры Антон Силуанов белдереүенсә, киләһе йылда хеҙмәт хаҡы 5,4 процентҡа күтәрелә. Инфляция иһә 3-4 проценттан ҙур булмаҫҡа тейеш.

23 окт, 12:38

Әбйәлил районына “роботтар” эшкә килгән

“Красная Башкирия” хужалығында заманса ферма эшләй. Унда оператор, ветеринар, компрессор, һөт урынлаштырыу өсөн бүлмәләр бар.

23 окт, 10:19

Башҡортостанда Эшҡыуарлыҡ кодексы булдырыла

Республика башлығы хакимиәте етәксеһе Александр Сидякин йыл аҙағына тиклем уны әҙерләргә ҡушты. Документта инвесторҙарға дәүләт яғынан бөтә ярҙам төрҙәре күрһәтелергә тейеш.

23 окт, 10:00

Республика эшҡыуарлыҡ һәм инвестициялар өлкәһендәге кире тенденцияны ыңғай яҡҡа үҙгәртә алған

Был турала Башҡортостан башлығы хакимиәте етәксеһе Александр Сидякин тармаҡты үҫтереү буйынса Проект офисы ултырышында белдерҙе.

22 окт, 23:11

Кушнаренко районында таҙартыу ҡоролмаһы төҙөлә

Проект Республика адреслы инвестиция программаһына индерелгән. Аҡса район һәм республика ҡаҙнаһынан бүленә. Район газетаһы хәбәрсеһе Айгөл Фәхриева хәбәр итә.

22 окт, 19:08

Башҡортостанда эшҡыуарлыҡ менән шөғөлләнеүселәр артҡан

Был турала Республика Башлығы Хакимиәте Етәксеһе Александр Сидякин Проект офисы ултырышында белдерҙе. Унда “Бәләкәй һәм урта эшҡыуарлыҡ” милли проектын тормошҡа ашырыу һәм инвестиция мөхитен яҡшыртыу мәсьәләләре ҡаралды. Александр Сидякин милли проекттар социаль-иҡтисади күрһәткестәрҙе яҡшыртырға мөмкинлек бирә тип белдерҙе.

22 окт, 19:01

Башҡортостан һәм “Сколково” фонды араһында инновация өлкәһендә килешеүгә ҡул ҡуйылды

Бөгөн Мәскәүҙә “Асыҡ инновациялар” халыҡ-ара форумында Республика Башлығы Радий Хәбиров һәм фонд рәйесе Аркадий Дворкович документҡа ҡул ҡуйҙы. Килешеүгә ярашлы, Өфөлә юғары технологиялар өлкәһендә технопарк асыла, Башҡортостанда “Сколково” фонды ярҙамында инновациялы проекттар тормошҡа ашырыла. “Беҙҙең республика фондтың төбәк операторы булды” – тине Радий Хәбиров.

22 окт, 18:00

Башҡортостандың экспортлау һәм инвестиция мөмкинлектәре менән Австрия компаниялары таныша

Презентация ноябргә планлаштырылған. Унда Башҡортостандан 50-нән ашыу предприятие вәкилдәре ҡатнашыуы көтөлә.

22 окт, 12:05

2020 йылдың 1 ғинуарынан Башҡортостанда һалымдың яңы төрө индерелә

Үҙ мәшғүлдәр һөнәри һалым түләй башлай. Был турала Республика инвестиция советы ултырышында билдәле булды. Үҙмәшғүллеккә һалым һынау рәүешендә бығаса Мәскәү һәм Мәскәү өлкәһе, Калугала һәм Татарстанда индерелгәйне.

22 окт, 08:00

Иглин районында итле ярымфабрикаттар сығарыу цехы эшләй башланы

Табынға иң сифатлы аҙыҡ түлек. Иглин районы фермерҙары бөгөн шундай бурыс ҡуйған. Ошо маҡсатта улар етештереү ҡеүәттәрен дә камиллаштыра. Яңыраҡ район үҙәгендә итле ярымфабрикаттар сығарыу цехы эшләй башланы. Бынан тыш, улар икмәк ризыҡтары бешереү буйынса махсуслашырға иҫәп тота. Табында Башҡортостанда етештерелгән аҙыҡ-түлек күберәк булырға тейеш тигән фекерҙә предприятие хеҙмәткәрҙәре.

21 окт, 20:16