Мөһим

Радий Хәбиров Тольяттиҙа күләмле спорт һәм физик культура үҫешенә арналған ултырышта сығыш яһаны

Кәңәшмәне асып, Рәсәй Президентының Волга буйы федераль округындағы тулы хоҡулы вәкиле Игорь Комаров, Волга буйы хаҡлы рәүештә илдең иң спортлы округ булыуын билдәләне. Төбәктәр юғары кимәлдәге ярыштарҙы лайыҡлы ҡабул итә, ә спортсылар халыҡ-ара ярыштарҙы призлы урындар яулай.

22 фев, 22:19

Башҡортостан башлығы Радий Хәбиров Иван Грен ҙур десант карабының командирҙарын ҡабул итте

Осрашыу Республика йортонда бөгөн үтте. Радий Хәбиров хәрбиҙәрҙе байрам менән ҡотланы, изге теләктәрен еткерҙе, Ватанды һаҡлауҙа уяу булыуҙарын һораны.

23 фев, 12:21

Радий Хәбиров Еңеү паркындағы митингта ҡатнашты

Республика башлығы Мәңгелек ут янындағы Александр Матросов һәм Миңлеғәле Ғәбәйҙуллин һәйкәленә сәскәләр һалды, байрамға килеүселәрҙе тәбрикләне. Сараға йыйылыусылар ватанды һаҡлап һәләк булғандарҙы 1 минут тынлыҡ менән иҫкә алды.

23 фев, 12:19

Өфөлә торлаҡ-коммуналь хужалыҡ министрлығы коллегияһы үтте

Халыҡты таҙа эсәр һыу менән тәьмин итеү, ихаталарҙы төҙөкләндереү, йорттарға капиталь ремонт яһау, юлдарға яҡтыртыу ҡоролмалары урынлаштырыу. Бер һүҙ менән әйткәндә, уңайлы мөхит тыуҙырыу.

22 фев, 08:55

Бөгөн Халыҡ-ара туған телдәр көнө билдәләнә

Ошо уңайҙан республикала туған телдә диктант яҙыу ойошторолдо. Акцияға район-ҡалаларҙа, сит төбәктәрҙә йәшәгән халыҡ та ҡушылды. Өфөләге төп майҙансыҡтар тип Мифтахетдин Аҡмулла исемендәге Башҡорт Дәүләт педагогия университеты һәм Башҡорт Дәүләт университеты билдәлән...

21 фев, 20:04

Башҡортостан халҡы бөгөн 6 телдә диктант яҙа ала

Акция туған телдәр көнөнә һәм 112-се Башҡорт кавалерия дивизияһы командиры Миңлеғәли Шайморатовтың тыуыуына 120 йыл тулыуға арнап ойошторола. Диктант өсөн яҙыусы-яугир Сабир Ҡадировтың “Урал бөркөтө” әҫәренән өҙөк һайланған. Башҡорт дәүләт университетында рус, сыуаш, удм...

21 фев, 07:07

Радий Хәбиров балаларҙы ашатыу өлкәһендә тәртип урынлаштырырға ҡушты

Бөгөн Хөкүмәттә үткән “Мәғариф сәғәте”ндә белем биреүгә ҡағылышлы халыҡ мөрәжәғәттәре ҡаралды. Унда Әбйәлил районында балаларға боҙолған татлы эремсек таратыуҙары асыҡланды.

20 фев, 15:00

Республика башлығы Радий Хәбиров быйыл Башҡортостанда үтәсәк фольклориада символына конкурс башланыуы тураһында иғлан итте

"Беҙҙең үҙебеҙҙең сағыу һәм үҙенсәлекле, донъяның төрлө төбәктәренән килгән ҡунаҡтарҙың хәтерендә оҙаҡ ваҡыт һаҡланырлыҡ һәм сувенир булырлыҡ геройыбыҙ кәрәк. Был эш бик яуаплы, символ Башҡортостанды һынландырырға тейеш, фольклориаданан һуң лайыҡлы дауамын табырбыҙ", т...

18 фев, 20:00

Радий Хәбиров чиновниктарға телефонға текәлеп ултырыр өсөн оператив кәңәшмәгә йөрөмәҫкә ҡушты

Республика башлығы етәкселәрҙе Хөкүмәт иҫәбенә сәфәр йөрөүҙән дә тыйҙы, тематик форум-күргәҙмәләргә шул тармаҡта эшләүселәр барырға тейеш, тине ул. Оператив кәңәшмәлә Социаль страховкалау фондынан тура түләүҙәр ойоштороу, быйыл төҙөләсәк һәм ремонтланасаҡ юлдар, шәхси балалар баҡсаһына өлөшләтә түләүгә сертификат биреү кеүек мөһим мәсьәләләр ҡаралды. Ентекләберәк БСТ каналы хәбәрсеһе Рәмзиә Кәримова.

17 фев, 21:46

Радий Хәбиров Рәсәй Тәфтиш комитетының Башҡортостан буйынса идаралығы коллегияһы ултырышында ҡатнашты

Бөгөнгө сарала уҙған йылғы эш күрһәткестәре ҡаралды, 2020 йылға план билдәләнде. 2019 йылда ведомство судҡа тиклемге эштәрҙе ҡарауҙы яртылаш, тикшереүҙе дауам итеү талабы булған эштәрҙе 25 процентҡа кәметеүгә ирешкән. Радий Хәбиров идаралыҡтың эшен юғары баһаланы, дөйөм һөҙөмтәне яҡшыртыу бурысы ҡуйҙы.

16 фев, 16:01

Өфө урамдарында меңгә яҡын интеллектуаль видеокүҙәтеү ҡоролмаһы эшләй

Видеокамеларалар кешеләрҙең йөҙҙәрен таныу, сит әйберҙәрҙе, законһыҙ парковкаларҙы асыҡлау һәләтенә эйә. Был турала бөгөн Республика башлығының баш ҡала буйлап эш сәфәре барышында белдерелде. Радий Хәбиров Өфөнөң социаль объекттарында, ял парктарында ла булды. БСТ каналы хәбәрсеһе Рәмзиә Кәримова репортажы.

14 фев, 22:23

Автобус туҡталышында ҡуйылған видокамералар Радий Хәбировты таныны

Республика етәксеһе баш ҡалала мәғлүмәти-коммуникациялар технологияһы үҙәге эшмәкәрелеге менән танышты. Интеллектуаль видеокүҙәтеү системаһы төбәк башлығының ҡушыуы буйынса ойошторолдо. Әлеге ваҡытта Өфөлә 951 камера беркетелгән.

14 фев, 21:36

Һуғыш ветерандары өсөн республика клиник госпиталенең яңы бинаһы төҙөләсәк

Заманса объектты баш ҡаланың Затон биҫтәһендә сафҡа индереү ҡарала. Был турала бөгөн Республика башлығының госпиталгә эш сәфәре барышында белдерелде.

13 фев, 23:16

Әлшәй районы үҙәгендә ябыҡ боҙ һарайы, ә Таштүбә менән Казанка ауылдарында фельдшер-акушерлыҡ пункттары төҙөләсәк

Был турала Республика башлығы бөгөн Әлшәй районына эш сәфәре барышында белдерҙе. Радий Хәбиров төбәктә социаль объекттарҙа эш барышы ҡараны, етештереү ҡеүәттәре менән танышты. Әлшәйҙәрҙе көткән яңылыҡтар хаҡында БСТ каналы хәбәрсеһе Рәмзиә Кәримова репортажы.

12 фев, 21:41

Радий Хәбиров Бөйөк Ватан һуғышы ветерандарына Еңеүҙең 75 йыллығына арналған миҙалдар тапшырҙы

Башҡортостанда иҫтәлекле билдә 22 мең ветерандың күкрәген биҙәйәсәк. Тәүге наградаларҙы яугирҙар республика йортонда ҡабул итте.

11 фев, 20:04

Башҡортостанда грипп эпидемияһына бәйле күмәк кеше ҡатнашлығындағы саралар сикләнә

Әммә 23 февраль – Ватанды һаҡлаусылар көнө мотлаҡ билдәләнәсәк. Был турала бөгөн оператив кәңәшмәлә Республика башлығы Радий Хәбиров белдерҙе. Хөкүмәт кәңәшмәһендә шулай уҡ полиция хеҙмәткәрҙәренең торлаҡ һәм эш шарттарын яҡшыртыу, социаль контракт проектының яңы мөмкинлектәре, «Башҡорт ихаталары» программаһын тормошҡа ашырыу менән бәйле һорауҙар ҡаралды. Улар хаҡында ентекләберәк БСТ каналы хәбәрсеһе Рәмзиә Кәримова репортажы.

10 фев, 19:00

«Ростех» менән хеҙмәттәшлек нығый

Өфөлә Башҡортостан башлығы һәм корпорациияның индустриаль директоры ҡатнашлығында ведомство-ара комиссия ултырышы үтте.

07 фев, 20:44

Башҡортостанда ауыл ипотекаһы 0,1 процент менән биреләсәк

Был турала бөгөн Өфөлә, ауыл биләмәләрен комплекслы үҫтереү буйынса Бөтә Рәсәй кәңәшмәһендә белдерелде. 2020 йылдан ғәмәлгә ингән программаға ярашлы, ауыл кешеләренә ташламалы торлаҡ кредиты йылына 3 процент менән бирелә, Башҡортостан был кредитты тағы ла төшөрәсәк. Кәңәшмәлә ауыл ерендә эш урындары асыу, бәләкәй эшҡыуарлыҡты үҫтереү, уңайлы мөхит тыуҙырыу хаҡында ла һүҙ барҙы. Ер хужаларын көткән яңылыҡтар хаҡында БСТ каналы хәбәрсеһе Рәмзиә Кәримова репортажы.

06 фев, 23:12

Бөгөн Өфөлә #Өйҙә студенттар форумы уҙҙы

Нисек йәштәрҙең сит төбәктәргә китеүен кәметергә? Ситтә уҡыған студенттарҙы нисек Башҡортостанға кире ҡайтарырға? Аҡыллы баштар үҙебеҙҙә ҡалһын өсөн ниндәй шарттар тыуҙырыу мөһим? Ошо һәм башҡа бик күп һорауҙарға бөгөн баш ҡалала үткән беренсе студенттар форумында яуап яҙләнеләр. Өйҙә тип исемләнгән сарала ҡатнашырға илдең төрлө төбәктәре, донъяның 14 ҡалаһы, республика уҡыу йорттарында белем алыусы студенттар, эш биреүселәр һәм төрлө тармаҡ ведомстволары вәкилдәре саҡырылған. Форумдан БСТ каналы хәбәрсеһе Айнур Кәбиров репортажы.

05 фев, 19:30

Республика башлығы Башҡортостан милли архивына Луганск халыҡ республикаһынан алып ҡайтылған тарихи ҡулъяҙмаларҙы тапшырҙы

Милли архивҡа – ҡәҙерле ҡомартҡы. Һуғыш шаңдауын һаҡлаған дәфтәрҙәрҙе Радий Хәбировҡа Донбассҡа эш сәфәре барышында Петровское ҡасабаһы кешеләре тапшыра. Ерле халыҡ Башҡортостан яугирҙары хаҡында иҫтәлектәрҙе ҡәҙерләп һаҡлай. Тарихи ваҡиғаның Хәрби Дан – Совет ғәскәрҙәренең Сталинград һуғышында дошмандарҙы тар-мар иткән көнөндә үтеүе айырыуса иҫтәлекле. Үҙенсәлекле ҡомартҡы хаҡында БСТ каналы хәбәрсеһе Рәмзиә Кәримова репортажы.

03 фев, 22:12