Мөһим

Радий Хәбиров Ағиҙел ҡалаһына, Краснокама һәм Яңауыл райондарына эш сәфәре менән барҙы

20 августа Ағиҙел портынан сит илгә ашлыҡ оҙатыла башлаясаҡ. Был турала Радий Хәбиров ҡалаға эш сәфәре барышында белдерҙе. Иген экспортлауҙы яйға һалыу өсөн Төркиә инвесторҙары ярҙамы менән йылғаның үҙәне тәрәнәйтелә, портҡа төшөү юлдары төҙөкләндерелә. Һөҙөмтәлә төбәктә яңы эш урындары булдырыу, иҡтисади үҫеште тәьмин итеү бурысы ҡуйыла. Республика етәксеһенең Ағиҙел ҡалаһы, Краснокама һәм Яңауыл райондарына сәфәре барышында күтәрелгән мәсьәләләр тураһында БСТ каналы хәбәрсеһе Айнур Кәбиров репортажы.

19 июл, 23:08

Өфөлә мөмкинлектәре сикләнгән балаларға күп функциялы реабилитация-мәғариф үҙәге төҙөләсәк

Унда психологик-медик, педагогик комиссияны ла урынлаштырыу ҡаралған. Йәғни төбәктә йәшәүселәргә бер урында комплекслы ярҙам күрһәтеләсәк. Яңы объект «Салют» шифаханаһы нигеҙендә ойошторола. Әлегә проект смета документацияһы әҙерләнә. Был турала республика етәксеһенең инвалид бала тәрбиәләүсе ата-әсәләр менән осрашыуында билдәләнде.

18 июл, 23:12

Өфөлә икенсе халыҡ-ара экспорт форумы үтә

Йүнәлеш сит ҡитғаларға. Йыйында ҡатнашырға республикаға төрлө төбәк һәм сит илдәрҙән өс йөҙҙән ашыу бизнес өлкәһе вәкилдәре килгән. Эшҡыуарлыҡ даирәһе етештерелгән продукцияны сит илдәргә оҙатыу, экспортлау өлкәһендәге ҡатмарлыҡтар һәм тышҡы баҙар мәсьәләләре тураһында фекер алышты. Форумдан БСТ каналы хәбәрсеһе Айнур Кәбиров репортажы.

17 июл, 23:52

Радий Хәбиров эш сәфәре менән Нефтекама ҡалаһында булды

Был турала Радий Хәбиров Нефтекама ҡалаһында ойошторолған туҡланыу буйынса төбәк операторҙарының беренсе республика форумында билдәләне. Эш сәфәре барышында төбәк етәксеһе урындағы сәнәғәт предприятиеларының үҫеш перспективалары, социаль объекттар төҙөлөшө, халыҡты борсоған проблемалар менән дә танышты. Әйтәйек, Әмзә ҡасабаһында йәшәүселәрҙе һыу, газ менән тәьминәт мәсьәләләре борсой. БСТ хәбәрсеһе Гөлназ Хәйбуллина дауам итә.

16 июл, 23:30

Башҡортостан хакимиәтендә кадрҙар алмашынды

Урал Килсенбаев Башҡортостан Башлығы хакимиәте етәксеһенең эске сәйәсәт буйынса урынбаҫары итеп тәғәйенләнгән. Был туралағы Указға Башҡортостан Башлығы вазифаһын ваҡытлыса башҡарыусы Радий Хәбиров ҡул ҡуйған.

16 июл, 22:40

Радий Хәбиров демография һәм төҙөлөш өлкәһендәге күрһәткестәрҙе яҡшыртыу бурысын ҡуйҙы

Бөгөн Хөкүмәт йортонда Радий Хәбиров милли проекттарҙы тормошҡа ашырыу буйынса Проект комитетының киңәйтелгән ултырышын үткәрҙе һәм ошо ике өлкә буйынса күрһәткестәрҙе яҡшыртыу бурысы ҡуйҙы.

15 июл, 23:29

Шишмә шәкәр заводы сит илдәргә гранулалы һығынды оҙатасаҡ

Әле предприятиела был эште яйға һалыу бара. Эштәр барышы менән Радий Хәбиров та танышты. Завод 500 мең тамыраҙыҡ эшкәртә. Уның ни бары 15 проценты шәкәргә эшкәртелһә, ҡалған өлөшө крахмал шәрбәте һәм һығынды рәүешендә ҡала. Һөҙөмтәлә йөҙҙәрсә мең тонна һығынды ҡалдыҡтарға оҙатыла. Уның ни бары 25 проценты ғына гранулаларға әйләндерелеп мал аҙығы итеп ҡулланыла. Проект заводты модернизациялап сөгөлдөр һығындыһын тулыһынса эшкәртеүҙе маҡсат итеп ҡуя. Ул сағында мал аҙығын сит илдәргә лә экспортлау мөмкинлеге барлыҡҡа киләсәк. Республика етәксеһенең Шишмә районына эш сәфәре тураһында Айнур Кәбиров репортажы.

13 июл, 22:08

Башҡортостан етәксеһе Вьетнам делегацияһы менән осрашты

Dьетнам менән бәйләнештәр киңәйә. Хеҙмәттәшлек мөмкинлектәре бөгөн Башҡортостан башлығы вазифаһын ваҡытлыса башҡарыусы Радий Хәбировтың Вьетнам делегацияһы менән осрашыуында белдерелде. Социалистик республика делегацияһын Коммунистар партияһының үҙәк комитеты ағзаһы, халыҡ-ара бәйлнештәр бүлеге мөдире Хоан Бинь Куант етәкләй.

12 июл, 22:13

Радий Хәбиров Йәйге Халыҡ-ара балалар уйындарына килгән ҡунаҡтар менән осрашты

Халыҡ-ара сараларҙың үтеүе беҙҙең өсөн бик мөһим. Йәйге Халыҡ-ара балалар уйындарына килгән абруйлы ҡунаҡтар менән осрашыуҙа Башҡортостан етәксеһе шулай тип белдерҙе.

11 июл, 21:29

2024 йылға Башҡортостандың һәр район үҙәгендә бассейн барлыҡҡа киләсәк

Әлегә төбәктең 16 ҡала һәм муниципалитетында йәшәүселәр бындай объекттар менән маҡтана алмай. Әлбиттә, улай булырға тейеш түгел, тине төҙөлөш сәғәтендә Радий Хәбиров.

09 июл, 22:11

Балтас районында 16 сығарылыш класс уҡыусыһы аттестатһыҙ ҡалған

Берҙәм дәүләт имтиханы һөҙөмтәләрен боҙоп күрһәтергә маташыу осрағы теркәлгән. Шунлыҡтан 16 сығарылыш класс уҡыусыһы аттестатһыҙ ҡалған. Был турала бөгөнгө оператив кәңәшмәлә Башҡортостан етәксеһе белдерҙе.

08 июл, 23:06

Ишембайҙа эре мал һимертеү майҙансығы төҙөләсәк

Ишембай районында мең баш эре малға иҫәпләнгән мал һимертеү майҙансығы төҙөләсәк. Бөгөн «Едих» крәҫтиән хужалығы һөтсөлөк менән генә шөғөлләнһә, киләсәктә ике йүнәлештә лә әүҙем эшләйәсәк. Халыҡҡа сифатлы ит продукцияһы тәҡдим итеү бурысы ҡуйылған. Мал һимертеү комплексы Сәлих һөтсөлөк фермаһы биләмәһендә булдырыла. Әлегә урында 200-ән ашыу баш һауын һыйыры иҫәпләнә. Урындағы етәкселек билдәләүенсә, малдар йәйге лагерҙа булғанда, ҡуралар тәртипкә килтерелә.

05 июл, 22:44

Луиза Хәйруллина Өфөгә килтерелде

«Россельхозбанк»тан ҙур күләмдә аҡса урлап ҡасҡан Луиза Хәйруллина бер нисә сәғәт элек Өфөгә килтерелде. Шулай уҡ баш ҡалаға уның атаһы ла саҡыртылған. Ул ейәнсәрҙәрен өйөнә алып ҡайтасаҡ.

05 июл, 22:14

Законһыҙ таш сығарыусылар менән көрәш дауам итә

Ярамайға ҡарамай. Республика етәксеһе Радий Хәбиров Башҡортостанда дөйөм ҡулланыштағы тәбиғәт байлыҡтарын сығарыуҙа тәртип урынлаштырыу талабын ҡуйғандан һуң, рөхсәтһеҙ эшмәкәрлек туҡтатылды. Әммә айырым осраҡтарҙа тыйыуҙарға күҙ йомоп ҡараусылар ҙа бар. Беҙҙең хәбәрселәр Белорет районына сәфәре барышында геология тикшеренеүҙәренә һылтанып тәбиғәт байлығына ҡул һуҙыусыларға юлыҡты. БСТ каналы хәбәрсеһе Рафиҡ Әхмәтшин репортажы.

04 июл, 23:41

Өфө дауаханаһындағы яңы ҡоролма кеше организмын бер нисә секундта тикшерә

Өфөнөң ашығыс медицина ярҙамы дауаханаһында яңы нейрохирургия микроскопы ярҙамында әмәлиәттәр яһала башланы. Учреждение оптик ҡоролма менән "Һаулыҡ һаҡлау" милли проекты сиктәрендә тәьмин ителә. Юғары технологиялы операция барышын беҙҙең ижади төркөм дә күҙәтте.

04 июл, 22:42

Башҡортостан етәксеһе Радий Хәбиров Түбәнге Новгородта "Етештереүсәнлек 360" форумында ҡатнашты

Осрашыуҙа "Хеҙмәт етештереүсәнлеге һәм мәшғүллеккә булышлыҡ итеү" милли проектын тормошҡа ашырыу мәсьәләләре күтәрелде.

03 июл, 21:10

Рәсәй Президенты ҡарамағындағы президиум ултырышында милли проектар мәсьәләһе күтәрелде

Видеоконференция форматындағы кәңәшмәне Рәсәй Хөкүмәте рәйесе Дмитрий Медведев алып барҙы. Ул төбәктәрҙә милли проектарҙы ғәмәлгә ашырыу барышы менән ентекләп танышты. Премьер-министр билдәләүенсә, инфрастурктураны модернизациялауға байтаҡ сығымдар бүленгән. Мәҫәлән, быйыл был сумма 1,7 триллион һумдан ашыу.

02 июл, 23:43

Дмитрий Медведев Ишембай районында махсус иҡтисади биләмә ойоштороу идеяһын хупланы

Был турала Рәсәй Хөкүмәте рәйесе Башҡортостан етәксеһе Радий Хәбиров менән осрашыуҙа белдерҙе. Проектты бойомға ашырыу өсөн әлеге ваҡытта тейешле документтар пакеты әҙерләнгән. Күҙалланыуынса, иҡтисади биләмә Стәрлетамаҡ, Салауат һәм Ишембай ҡалалары агломерацияһын үҙ эсенә ала. Атап үтәлгән төбәктәрҙә ярты миллиондан ашыу кеше йәшәй.

02 июл, 21:38

Дәүләт Йыйылышы - Ҡоролтай рәйесе Константин Толкачев әүҙем йәштәр менән осрашты

Эш барышында төрлө йәмәғәт ойошмалары вәкилдәре республика йәштәренә ҡағылышлы закондарға үҙ тәҡдимдәрен индерҙе. Фекер алышыу рәсми булмаған шарттарҙа иртәнге сәй артында үтте.

01 июл, 22:12

Ишембай районында Торатау йыйыны ойошторолдо

Әүлиәләр төбәгендә байрам. Ишембай районында Торатау йыйыны ойошторолдо. Юрматы ере республиканың күп милләтле халҡын бер майҙанда йыйҙы. Йолалар, ғөрөф-ғәҙәттәрҙе тергеҙеүгә йүнәлтелгән байрамдан киләһе репортаж.

29 июн, 23:41