Мөһим

Урман ҡырҡыу һәм уны эшкәртеү урындарын билдәләү менән башҡарма власть органдары шөғөлләнәсәк

Был туралағы законға үҙгәрештәр индерелеүе көтөлә. Дәүләт Йыйылышы -Ҡоролтайҙың алтынсы саҡырылыш депутаттары бөгөн көҙгө сессияла тәүге президум ултырышы үткәрҙе. Ҡанундарға өҫтәмәләр тураһында беҙҙең сайтта уҡығыҙ.

17 сен, 21:09

Өфөнөң Мостай Кәрим һәм Карл Маркс урамдары араһында аллея барлыҡҡа килә

Ул әлеге мәлдә төҙөкләндерелгән Хәкимов мәсете эргәһендә ҡалҡып сығасаҡ. Хәҙерге ваҡытта майҙанда әҙерлек эштәре бара, реконструкция сиктәрендә бында аллея төҙөү, ял урындары эшләү, эскәмйәләр, фонарҙәр ҡуйыу ҡаралған.

18 сен, 22:05

Донъяның 30 иленән 3 меңдән ашыу ҡатнашыусы Өфөгә ШОС һәм БРИКС илдәре бәләкәй эшҡыуарлығы форумына йыйыласаҡ

Әлеге көнгә машиналар эшләү, химия, нефть химияһы һәм сауҙа менән шөғөлләнеүсе тиҫтәләрсә компания унда ҡатнашасағын белдергән дә инде. Форумдың эшлекле программаһында 25 тематик секция һәм ике пленар ултырыш.

18 сен, 21:48

Башҡортостандың кеше хоҡуҡтары буйынса советы рәйесе итеп Владимир Барабаш тәғәйенләнде

Бөгөн йәмәғәт ойошмаһының тәүге ултырышы уҙҙы. Республикала яңы барлыҡҡа килгән орган граждандарҙың хоҡуҡтарын һәм иркен яҡлауға махсуслашҡан. Кеше хоҡуҡтары өлкәһендәге ҡануниәт үтәлешен күҙәтеү ҙә совет ағзалары ҡарамағында.

17 сен, 23:45

Республикала алданған өлөшсөләрҙе яҡлау фонды булдырыла

Башҡортостанда алданған өлөшсөләр ҡатнашлығында һалынған 22 объектты файҙаланыуға тапшырыу махсус фонд ярҙамында хәл ителәсәк. Алданған өлөшсөләрҙең йорттарын һалыуға 7 миллиард һумдан ашыу аҡса кәрәк. Был турала бөгөн Төҙөлөш сәғәтендә билдәләнде.

16 сен, 22:48

«Башҡортостан» дәүләт телерадиокомпанияһының сәнғәт мәктәбе алып барыусылар өсөн курстар ойоштора

Уҡыуҙар 23-28 сентябрҙә үтә. Курста ҡатнашыусылар матур һәм дөрөҫ һөйләргә өйрәнеп кенә ҡалмаясаҡ, шулай уҡ программаның темаһын тикшереү һәм сценарий өҫтөндә эшләү, ижади идеяларҙы ғәмәлгә ашырыу, материалдарҙы анализлау һәм мәғлүмәтте дөрөҫ ҡороу буйынса белемдәрен камиллаштырасаҡ.

16 сен, 21:52

Республика коммуналь хеҙмәттәре йылытыу миҙгеленә әҙер

Был турала бөгөн Башҡортостан Хөкүмәтендә үткән оператив кәңәшмәлә белдерелде. Һалҡындарҙы ҡатмарлыҡһыҙ үткәреү өсөн республика бюджетынан 8 миллиард һумға яҡын аҡса йүнәлтелгән. Ғәҙәттәгесә, иң тәүге булып йылытыу селтәренә социаль объекттар тоташтырыла, әле үк ҡайһы бер муниципаль берәмектәр миҙгелде асҡан да инде.

16 сен, 21:32

Хөкүмәт кәңәшмәһендә йылҡысылыҡ мәсьәләһе тикшерелде

Йылҡысылыҡта алдынғылыҡты бирергә йыйынмайбыҙ. Был турала Башҡортостан башлығы вазифаһын ваҡытлыса башҡарыусы Радий Хәбиров социаль селтәрҙәрҙә хәбәр итте. Тармаҡты үҫтереү мәсьәләләре Республика Хөкүмәтендә үткән кәңәшмәлә лә тикшерелде.

14 сен, 22:10

Башҡортостан Канаданан Апимондияны уҙғарыу эстафетаһын ҡабул итеп алды

Республика вәкилдәренә умартасылар конгресы үткән илдәргә күсә килгән сынйыр тапшырылды. 47-се Бөтә донъя умартасылары йыйынын уҙғарыу хоҡуғын республика ике йыл элек Истамбул ҡалаһында яулап алғайны.

13 сен, 21:51

Республикала 2 миллион ярым тонна уңыш йыйып алынған

Башҡортостан ауыл хужалығы мәғлүмәттәренә ярашлы, ураҡ кампанияһы һөҙөмтәләре буйынса Илеш, Саҡмағош һәм Стәрлетамаҡ райондары алдынғылар иҫәбендә. Стәрлебаш хужалыҡтары бөгөн ураҡтың 80 процент самаһын теүәлләгән. Әлеге ваҡытта төбәк хужалыҡтары ярауай бойҙай культураһын урып-йыйыу менән мәшғүл. Гектар ҡеүәте 20-25 центнер тәшкил итә.

13 сен, 21:46

Өфөлә мәғариф сәғәте үтте

Инвалид балаларҙы ашатыуҙы ойоштормаған өсөн вазифанан ҡолаҡ ҡағырға мөмкин. Ҡолаҡ, күҙ ауырыуҙары һәм шәкәр диабеты менән сирләгән балаларҙы туҡланыу исемлегенән төшөрөп ҡалдырған өсөн етәкселәр яуап тоторға тейеш. Был турала бөгөн Радий Хәбиров Өфө радиоэлектроника, телекоммуникациялар һәм хәүефһеҙлек колледжында үткән мәғариф сәғәтендә белдерҙе. Кәңәшмәлә шулай уҡ бюджет урындарын арттырыу, матди-техник базаны нығытыу хаҡында ла һүҙ барҙы. Улар хаҡында тулыраҡ беҙҙең сайтта.

12 сен, 23:14

Башҡортостан Канадала үткән «Апимондия» халыҡ-ара конгресында һигеҙ миҙалға лайыҡ булды

Улар араһында өс алтын, ике көмөш һәм өс бронза миҙал. Шулай уҡ республиканың Умартасылыҡ һәм апитерапия буйынса ғилми-тикшеренеү үҙәге лә 6 миҙал яуланы. Жюри иғтибарына умартасыларҙың бер нисә төр балы һәм башҡа продукциялары тәҡдим ителде.

11 сен, 23:25

Мостай Кәрим исемен йөрөткән лайнер тәүгә сәфәргә сыҡты

Түбәнге Новгород ҡалаһында ҡоростан төҙөлгән заманса теплоходта 300-ҙән ашыу пассажирҙы йөрөтөп була. Белгестәр уны 4-5 йондоҙло отелгә тиң тип баһалай. Һыу транспортында иркен китапхана, ресторан, конференция залы һәм башҡа уңайлыҡтар ҡаралған.

11 сен, 23:23

Муниципаль берәмектәрҙә Башҡортостан башлығы ихаталары барлыҡҡа киләсәк

Был турала Радий Хәбиров бөгөн Өфө ихаталары һәм подъездарында төҙөкләндереү барышын тикшергәндә белдерҙе. Республика етәксеһе Совет, Октябрь райондарында булды. Эш сәфәре барышында күтәрелгән мәсьәләләр хаҡында беҙҙең сайтта уҡығыҙ.

11 сен, 21:47

Башҡортостандың Үҙәк һайлау комиссияһы Республика Башлығы һайлауҙарына һуңғы йомғаҡ яһаны

Яҡынса һандар кисә үк хәбәр ителгәйне, әммә улар тулы булмай, Мәскәүҙәге һанлы һайлау участкаларынан мәғлүмәттәр һуңыраҡ ҡабул ителә. Шулай итеп, һөҙөмтәләр түбәндәге графикала күренә.

10 сен, 23:26

Башҡорт йүкә балы 46-сы Апимондияның алтын миҙалына лайыҡ булды

Халыҡ-ара умартасылар конгресының абруйлы баһалама ағзалары Башҡортостанда етештерелгән татлы ризыҡтарҙы иң сифатлыһы тип билдәләне. Канаданың Монреаль ҡалаһына республиканың Умартасылыҡ һәм апитерапия үҙәге Ишембай балын алып барған. Әйткәндәй, Ишембайҙың саған балы ла Апимондияның көмөш миҙалын яуланы.

10 сен, 22:24

Бөгөн төндә 46-сы Апимондия үҙ эшен башланы

Өфө менән Канаданың Монреаль ҡалаһындағы ваҡыт айырмаһын иҫәпкә алғанда бөтә донъя умартасылар конгресы беҙҙең өсөн тәүлектең ҡараңғы ваҡытында башланған була. Ике йылға бер үткәрелгән форумда Башҡортостан вәкилдәре лә ҡатнаша.

09 сен, 21:00

Радий Хәбиров: «Иң мөһиме – халыҡтың өмөтөн аҡлау»

Радий Хәбиров Башҡортостан халҡына үҙенә күрһәтелгән ышаныс һәм әүҙемлек өсөн рәхмәт белдерҙе. Республика Хөкүмәтендә үткән оператив кәңәшмәлә билдәләнеүенсә, алдан иҫәпләүҙәр буйынса 72 процентҡа яҡын кеше тауыш биргән. Йәғни, 2 миллион 100 мең тирәһе кеше үҙ гражданлыҡ бурысын үтәгән тигән һүҙ.

09 сен, 20:55

Республика халҡының 28,67 проценты тауыш биргән

Бөгөн Башҡортостан халҡы төбәк башлығын, Дәүләт Йыйылышы - Ҡоролтайҙың айырым округтары һәм урындағы советтарға депутаттар һайлай. Иртәнге сәғәт етелә республика биләмәләрендә 3434 һайлау участкаһы ишектәрен асты.

08 сен, 16:44

Башҡортостандың ҡала-райондарында урынлашҡан 3 434 һайлау участкаһы үҙ ишектәрен асты

Бөгөн Рәсәйҙә Берҙәм тауыш биреү көнө. Иртәнге сәғәт етелә төбәктә барлыҡ һайлау участкалары ла асылды.

08 сен, 07:58