Аҙна яңылыҡтары

Замана "кәнфите": Снюстарҙы тыйыу ғына ярҙам итерме?

Юғиһә, республика мәктәптәрендә мәшхәр башланғайны. Үҫмерҙәр араһында кәнфит тип таратылған билдәһеҙ матдәнән ағыуланыусылар ҙа булды. Асыҡланыуынса, снюс тип йөрөтөлгән әйберҙә саманан тыш күп миҡдарҙа никотин бар. Прокуратура ла был хәлдән һуң был тилерткес матдәләрҙе тыйыу тураһында закон әҙерләй башланы. Ләкин уның ҡабул ителгәнен көтөп торорға ваҡыт юҡ.

15 дек, 14:28

«Ишембай трикотажы» элеккесә гөрләп торасаҡ

Ваҡыттың туҡталып ҡалыуы мөмкин икән дә ул. Хатта, тиҫтәләрсә йылға. Бында килеп инеү менән социализм осорона эләгәһең. СССР ваҡытынан ҡалған станоктар, стеналағы плакаттар, хатта, тегенсе ҡатындарҙың прическаларына тиклем – бөтәһе лә уҙған быуат модаһы.

15 дек, 14:20

“Эскелеккә ҡаршы”: Яңы йыл байрамдарында алкоголде һатыуҙы сикләү законы ғәмәлгә инерме?

Республика хөкүмәтенә Радий Хәбиров килеү менән эскелеккә ҡаршы көрәш арта төштө. Был йәһәттән суррогат һатыусыларға көслө «һунар» башланды. Сөнки тап ялған араҡы, билдәһеҙ шыйыҡсалар эсеү арҡаһында үлем осраҡтары йыш теркәлә ине. Хәйер, һәр ҡан ҡойоштоң да нигеҙендә ошо асоциаль күренеш ята.

01 дек, 00:24

“Таштар ни һөйләй?”: Мәҙәни мираҫ Өфө ҡалаһы йәшәүселәренә ҡамасаулай

Батшалар заманында юл түшәүҙә икенсерәк алым булға. Бәлки, заманына күрә ул бәләкәй таштар ҙа нано кимәлендә булғандыр. Шуға ла быуаттар буйы ул таушалмай, һаҡланып ҡалған. Шулай ҙа ваҡыт аяуһыҙ. Суйыр таштарҙан төҙөлгән юлға артабан айыруса һаҡсыл ҡараш талап ителәсәк. Сөнки ул Башҡортостандың мәҙәни мираҫы иҫәбенә индерелде. Ни өсөн уға был статус бирелгән, һәм боронғо юлды нисек табырға? Таш юл буйлап БСТ каналы хәбәрсеһе Рәмилә Исмәғилева үтте.

01 дек, 00:04

“Өфө ҡалаһы ни өсөн бысраҡ?”: Радий Хәбиров боҙлауыҡ менән бергәләп көрәшергә саҡыра

Баш ҡалабыҙ юлдары быйыл айырыуса батҡаҡлы. Көндәр ярайһы уҡ һыуытһа ла урамдарҙа бысраҡ туңманы. Автоһәүәҫкәрҙәр машинаһын көн дә йыуып аҙапланһа, йәйәүлеләр аяҡ кейемдәрен таҙартып хәле бөттө. Ни өсөн шулай бысраҡ һуң тау башындағы ҡалала? Яуапты Радий Хәбиров белә. Социаль селтәрендә ул был күренешкә аңлатма бирҙе.

01 дек, 00:00

Өфөлә халҡыбыҙҙың данлыҡлы улы Кәрим Хәкимовҡа таҡтаташ асылды

Башҡорттоң данлыҡлы улы Кәрим Хәкимов Яҡын көнсығышта Хиджаз, йәғни бөгөнгө Сәғүди дәүләтенең инглиз империалистарының баҫымынан ҡотолорға, йәш Совет республикаһы менән хеҙмәттәшлек булдырып, уларҙың да мөстәҡиллеген нығытыуға ҙур өлөш индергән илсе. Ваҡытында уның тырышлығы Сталин хакимиәте менән баһаланманы. Әммә хәҡиҡәт алыҫтан күренә тигәндәй, бөгөн Ҡыҙыл Паша Кәрим Хәкимовтың ни тиклем дөрөҫ сәйәсәт алып барғанлығы аңлашыла. Был турала хатта яңыраҡ Президент Владимир Путиндың Сәғүд Ғәрәбстанына сәфәре барышында билдәләнде. Күренекле башҡорт дипломатының ғүмер юлын БСТ каналы хәбәрсеһе Рәмзиә Кәримова байҡаны.

30 ноя, 23:57

«Урам буйы сират»: Ҡиммәтләнгән медицина тикшереүе иҫерек килеш рулдә тотолған водителдәр өсөн тәғәйенләнгән булған

Осо-ҡырыйы күренмәгән сират, талаш, тартҡылаш, һуғыш, хатта маҡсатына ирешә алмай яҡты донъя менән хушлашыуҙар. Һаулыҡ һаҡлау министрлығының юҡ-бары хатта кеше үлеменә тиклем алып барып еткерҙе. Владимир Путин был үҙгәрештәрҙе тап шулай тип белдергәс кенә баш-баштаҡлыҡ туҡтатылды. Үҙгәрештәргә бер көн ҡалғас. 22 ноябрҙән водитель таныҡлығы алыусылар һәм алыштырыусылар наркологтан справка алыу өсөн иҫ киткес ҙур аҡса түләргә тейеш ине. Йәнәһе лә, бынан ары тилерткестәргә, спиртлы эсемлектәргә бәйле кешеләрҙе асыҡлау анализдары күп сығымдар талап итә.

25 ноя, 23:43

Ауыл хужалығы министрлығы йүкә ағастарын закон нигеҙендә һаҡларға тәҡдим итә

Хөкүмәт Премьер-министры урынбаҫары Илшат Фәзрахманов әйтеүенсә, республика кимәлендә генә булһа ла был тәңгәлдә ҡануниәт индереү кәрәк. Юғиһә, Башҡортостандың төп брендын алыу сығанағы юҡҡа сығыуы ихтимал. Үҙ сиратында бренд та. Умартасылар йүкә урмандарының кәмеүенә борсола. Урман ҡырҡыусылар баллы ағасты вәхшиҙәрсә ҡыра. Ә башҡорт балы тап йүкәнән алыныуы менән дан тота.

25 ноя, 23:39

Ауыл ҡатын-ҡыҙҙары хәҙер 36 сәғәт эшләйәсәк

36 сәғәт. Ҡыҫҡартылған эш аҙнаһы закон менән нығытылды. Шулай итеп профсоюздар менән эш биреүселәр араһындағы тартҡылашыуға нөктә ҡуйылды. Еңеү ҡатын-ҡыҙҙар яғында. Хәйер, ауыл ҡатын-ҡыҙҙарының эшен кәметтек тип әйтеү төптө дөрөҫ түгел.

17 ноя, 15:28

Иҫәпкә бар, һанға юҡ: Белорет районындағы Хәйбулла ауылы Ер шарынан юҡ ителгәнме?

Белорет районының Хәйбулла ауылын тап шулай атарға мөмкин. Урындағы халыҡ уны бөтөнләй өрәк ауыл тип йөрөтә. Сөнки байтаҡ кеше йәшәүенә ҡарамаҫтан, район үҙәгендә Хәйбулланы белмәйҙәр ҙә. Бындай ауыл беҙҙә юҡ тип документтар ҙа бирмәгән осраҡтар булғылаған. Бәлки, белмәмешкә һалышҡандарҙыр? Шулай бит отошлораҡ. Ауыл юҡ икән, проблемалар ҙа юҡ. Ул арала халыҡ йәшәй. Һәр хәлдә үҙебеҙҙең хәбәрселәргә мин ышанам. Улар бит барып тере йәндәр менән аралашып ҡайтты. Йорттарында өҫтәл артына ултырып сәй эсте... Тулыраҡ

09 ноя, 23:28

Өфөлә һис икеләнмәйенсә крандан һыу эсергә мөмкин

Уны буйратырға теләүселәр ни бары аҡса эшләүселәр, ҡотҡо һалыусылар, тине республика етәксеһе был аҙнала. Күҙ уңында ул Полиэф заводында ҡулланылған һыуҙарҙың тышҡа ағып сығыуынан һуң таралған хәбәрҙе тотҡан. Радий Хәбиров әйтеүенсә, баш ҡалала эсәр һыуҙың сифаты даими күҙәтеүҙә тотола.

09 ноя, 23:27

Башҡортостанда тахографтар тураһында закон үҙ көсөнә инде

Хәҙер кеше ташыусы барлыҡ транспорт саралары ла водителдең эшен, ял итеүен күҙәтеүсе ҡорамалдар менән йыһазландырылырға тейеш. Был тәү сиратта пассажирҙар һәм башҡа юл йөрөүселәр хәүефһеҙлеген, водителдәрҙең тәртибен тәьмин итеү мөмкинлеге бирә.

09 ноя, 23:23

Белорет районы Ғәбдөк ауылында электр уты мәсьәләһе хәл ителерме?

Күмәкләгән яу ҡайтарған. 43 йыл самаһы элек һуҙылған электр селтәре ваҡыт еленә ҡаршы тора алмаған. Бында бағана ҡыйшая, тегендә сымдар өҙөлә. Шуға ла Ғәбдөк ауылы уҙамандары оператив төркөм төҙөгән. Вахтала эштә булмағандар электр селтәрен ҡарауылларға сыға. Һуңғы арала өҙөклөктәр йыш күҙәтелә, - ти ауыл старостаһы Линур Ғәлиәкбәров

02 ноя, 22:56