Мәҙәниәт

"Ҡара йөҙҙәр" балеты яңынан сәхнәләштерелеүе ихтимал

Был хаҡта бөгөн Өфөлә Мәжит Ғафуриҙың тыуыуына 140 йыл тулыуға арналған матбуғат конференцияһында хәбәр ителде.

05 фев, 19:52

“Етегән” конкурсында ҡатнашыуға заявкалар ҡабул ителә башланы

Конкурс башҡорт телендә мөхәббәт тураһында шиғыр уҡыу, башҡорт бейеүен башҡарыу, башҡорт телендә мөхәббәт тураһында ҡыҫҡа метражлы фильм төшөрөү, флаерҙар һәм открыткалар яһау; “Мөхәббәт” темаһына фоторәсемдәр эшләү номинациялары буйынса үтә.

05 фев, 19:48

Башҡортостанда халыҡ һәм атҡаҙанған артистар һаны артты

Кисә "Мираҫ" йыр һәм бейеү фольклор ансамбле ҙур концерт ойошторҙо. Сарала Өфө ҡалаһы башлығы Өлфәт Мостафин бер төркөм артистарға юғары наградалар тапшырҙы. Балет артисы Марат Дауытов атҡаҙанған исеменә лайыҡ булды.

05 фев, 19:30

Мәшһүр генерал Таһир Күсимов уны “йырҙар маршалы” тип йөрөткән

Ә Баязит Бикбай уны “Йырҙар Салауаты” тип атаған. Һүҙ билдәле опера йырсыһы Хәбир Ғәлимов тураһында. Бөгөн танылған йырсының тыуыуына 115 йыл. Замандаштары әйтеүенсә, ул тере сағында уҡ легендаға әйләнә, бөтә Советтар Союзында дан тота. Башҡортостандың халыҡ артисы Нажиә Аллаярова.

05 фев, 15:27

Бөгөн Башҡортостандың халыҡ шағиры Назар Нәжмиҙең тыуыуына 102 йыл

Мәшһүр әҙипте тыуған яғы Дүртөйлө районы Миңеште ауылында иҫкә алалар. Лена Нәжметдинова Назар Нәжмиҙең шәхси архивын ентекләп өйрәнгән шәхестәрҙең береһе. Ул һөнәре буйынса уҡытыусы. “Шағирҙы онотмайбыҙ. Исемен мәңгеләштереү маҡсатында уның исемен йөрөткән район премияһы булдырылды”, ти Лена Нәжметдинова.

05 фев, 13:47

Өфөлә элекке "Еңеү" кинотеатры бинаһы 5 миллион һумға капиталь ремонтлана

Эштәр быйыл тамамланырға тейеш. "Еңеү" кинотеатры банкротлыҡ арҡаһында 2017 йылда ябыла. Бина ҡала хакимиәте ҡарамағына тапшырыла.

05 фев, 09:52

“Сал Урал хазиналары”

Зәйнәб Биишева исемендәге “Китап” нәшриәтендә шулай тип аталған үҙенсәлекле баҫма донъя күрҙе. Унда республиканың тәбиғи ҡомартҡылары тураһында мәғлүмәт бирелә. Баҫма бөтә донъя фольклориадаһына арналған. “Китап” нәшриәтенең баш мөхәррире Зөлфиә Ҡарабаева.

05 фев, 08:32

Башҡортостан йәш рәссамдарының эштәре Бөтә Рәсәй күргәҙмәһендә урын ала

Ул бөгөн асыла һәм 9 мартҡа тиклем дауам итә. Илдең 80 ҡалаһынан 350 йәш рәссамдың эштәре менән танышырға мөмкин.

05 фев, 07:44

Донъяның иң оҫта йәш хоккейсылары Өфөлә көс һынаша

Бөгөн үҫмерҙәр командалары араһында "5 милләт турниры" старт ала. Уйындар "Өфө Арена"ла үтә. Турнирҙа Рәсәй, Америка Ҡушма штаттары, Швеция, Финляндия һәм Чехия вәкилдәре ҡатнаша.

05 фев, 07:32

Өфө тамашасыһын "Бөйөк симфониялар" тыңларға саҡыралар

Милли симфоник оркестр шулай тип аталған программа тәҡдим итә.

05 фев, 07:17

Өфөлә мәшһүр рәссам Әхмәт Лотфуллинға арналған хәтер кисәһе үтте

Бөгөн уның тыуыуына 92 йыл тула. Танылған яҡташыбыҙҙың ижады менән республиканан ситтә лә ҡыҙыҡһыналар. Уның картиналары әле лә төрлө илдәрҙә күргәҙмәгә ҡуйыла. “Ниндәй генә бейеклеккә ирешеүенә ҡарамаҫтан, ул һәр саҡ ябай булды. Һүрәттәрендә ысын тормошто сағылдырҙы”, - ти рәссамдың туғаны, Әбйәлил тыуған яҡты өйрәнеү музейы мөдире Рәмилә Лотфуллина.

04 фев, 20:37

Балтас районының Туҙлуба ауылында мари гармунсылары араһында ижади конкурс үтте

Байрам Бөйөк Еңеүҙең 75 йыллығына арнала. “Уйна гармун» конкурсында Балтастан ғына түгел, марийҙар күпләп йәшәгән башҡа райондарҙан да гармунсылар ҡатнаша, бөтәһе ике тиҫтәнән ашыу кеше. Улар араһында оло быуын вәкилдәре лә, йәштәр ҙә бар.

04 фев, 19:12

Башҡортостандың милли музейында быйыл йәй үтәсәк VI Бөтә донъя фольклориадаһына арналған күргәҙмә асылды

Халыҡ аҡылы калейдоскопы. Экспозицияла биҙәү-ҡулланма сәнғәт өлгөләре менән танышырға мөмкин. Сағыу образдар аша күп милләтле республика халыҡтарының берҙәмлеге күрһәтелә. Проект авторҙары – Өфөнән ҡул эштәре оҫталары Ольга Полянских менән Лилиә Шаповал.

04 фев, 19:11

Салауат мәмерйәһе булараҡ билдәле тәбиғәт ҡомартҡыһы граффитиҙан таҙартыла

Белгестәр Салауат районында эш сәфәре барышында Иҙрис мәмерйәһен ҡарап ҡайтты. Уны вандалдар ҡалдырған яҙыуҙан таҙартыу “Янғантау” геопаркы проекты сиктәрендә башҡарыла. Республика күсемһеҙ мәҙәни мираҫ объекттарын һаҡлау үҙәге етәксеһе Данир Ғәйнуллин.

04 фев, 16:26

“Боронғо Өфө” музей-ҡурсаулығы иҫтәлекле әйберҙәр йыя

Был турала беҙгә музейҙың археология бүлеге мөдире Марсель Шәмсетдинов хәбәр итте.

04 фев, 15:48

Асҡындар беренселәрҙән булып Башҡорт теле йылына старт бирҙе

Районда Башҡорт теле йылын рәсми асыу тантанаһы уҙҙы. Сара район хакимиәте алдындағы майҙанда сағыу тамаша менән башланды. Төньяҡ райондар араһында беренселәрҙән булып милли уҡтан атыуҙы тергеҙеп, Ҡарткиҫәк ауылы егеттәре оҫталыҡ дәресе күрһәтте.

03 фев, 23:48

Әбйәлил районы Асҡар ауылында төҙөкләндерелгәндән һуң мәҙәниәт йорто асылды

Төҙөлөш эштәре 2018 йылда уҡ башланғайны. Бында никах йорто, район архивы һәм фольклор, хор, вокаль, бейеү, театр коллективтары, балалар өсөн төрлө түңәрәктәр урынлашҡан. “Мәҙәни тормош ҡайнай. Эшләр өсөн бөтә мөмкинлектәр булдырылды”, - ти район мәҙәниәт үҙәге директоры Элиза Ҡунафина.

03 фев, 20:22

"Юлдаш йыры" конкурсының икенсе этабы үтте

Билдәле булыу өсөн бер ҡасан да һуң түгел! Ошо девиз аҫтында «Юлдаш» мәғлүмәт һәм йыр-моң каналы иғлан иткән конкурстың бөгөн икенсе этабы үтте. Унда һайлап алыу туры аша үткән 100-ҙән ашыу конкурсант араһынан 3 ижади төркөм һәм 20 соло башҡарыусы ҡатнашты.

01 фев, 23:58

«Башҡортостан» дәүләт концерт залында «Башҡорт ҡунаҡханаһы» байрамы ойошторолдо

Башҡорт теле йылын ҡаршылап. Уның сиктәрендә республиканың атҡаҙанған уҡытыусыһы, милли биҙәүестәр оҫтаһы Хәлисә Багаеваның ижад кисәһе үтте. Федоровка районы Батыр ауылы урта мәктәбендә ул 40 йылға яҡын эшләп, балаларға туған телгә, әҙәбиәткә, халыҡ ижадына һөйөү уята. Хаҡлы ялға сыҡҡас, ҡул эштәре менән әүҙем шөғөлләнә башлай.

01 фев, 23:48

«Нур» татар дәүләт театрында йырсы, артист Лина Ғәниеваның ижад кисәһе үтте

Сирек быуат сәхнәлә. Тамашасыларҙы ул башҡорт, татар халыҡ йырҙары менән һөйөндөрҙө. Үҙе ҡатнашҡан спектаклдәрҙән өҙөктәр ҡуйылды.

01 фев, 00:07