Мәҙәниәт

Башҡортостандың Мәскәүҙәге вәкиллегендә Ләйсән Үтәшева яҡташтары менән осрашты

Сығышы менән Әлшәй районынан булған легендар спортсы, художестволы гимнастика буйынса атҡаҙанған спорт мастеры, телевидение алып барыусыһы һәм модель тормош тәжрибәһе менән уртаҡлашты, карьераһы, ғаиләһе тураһында һөйләне.

30 сен, 23:02

Уҙған шәмбе «Аҡбуҙат» ипподромында «Терра Башкирия» ат-спорт турнирының һайлап алыу этабы тамамланды

Был юлы майҙанда Бәләбәй, Кушнаренко, Ғафури, Хәйбулла һәм Яңауыл райондары вәкилдәре көс һынашты. Бәйге һөҙөмтәләре буйынса Хәйбулланан Виталий Рогалев еңеүсе тип танылды. 12-се этаптан һуң 11 октябрҙә төп приз өсөн ат сабышына сығасаҡ 12 жокейҙың да исемдәре билдәләнде.

30 сен, 21:17

Ауырғазы ҡыҙы Рушана Вәлиева республиканың төп концерт залында сығыш яһаны

Һоҡланғыс тембрлы тауыш, үҙенсәлекле башҡарыу оҫталығы менән таң ҡалдырған яҡташыбыҙ баш ҡала тамашасыһына ҙур концерт программаһын тәҡдим итте. Өфө - гастроль турына ингән төбәктәрҙең береһе. Алдағы көндәрҙә Рушана ижадташ дуҫтары менән бергә Мәскәү, Санкт-Петербург һәм Ҡазан ҡалаларында сығыш яһаясаҡ.

30 сен, 21:14

Стәрлетамаҡ дәүләт театр-концерт берләшмәһе ижад миҙгелен Мостай Кәримдең «Ҡыҙ урлау» комедияһы менән асты

Халыҡ шағирының 100 йыллығына арналған спектакль был юлы яңыртылған актерҙар составында сәхнәгә сыҡты. Премьераны ҡарарға республика театр тәнҡитселәренән тыш, билдәле сәнғәт әһелдәре лә махсус саҡырылды.

30 сен, 21:13

Мостай Кәримдең тыуыуына 100 йыл

Башҡортостандың халыҡ шағиры Мостай Кәримдең 100 йыллыҡ юбилейы Рәсәйҙә генә түгел, сит илдәрҙә лә билдәләнә. Әле республика делегацияһы Әзербайжандың баш ҡалаһы – Баҡыла, шағирыбыҙ иҫтәлегенә арналған сараларҙа ҡатнаша.

30 сен, 16:32

Дәүләт Йыйылышы-Ҡоролтай үҙешмәкәр театрҙарға ярҙам тураһында закон ҡабул итте

2020 йылдың йәйендә Башҡортостанда Бөтә донъя фольклориадаһы уҙа, унда үҙешмәкәр театрҙар ҙа ҡатнаша. Уларҙы әҙерләү өсөн шарттар булдырырға кәрәк.

30 сен, 16:21

«Тарих биттәре» марафонында Әбйәлил районы сығыш яһаны

Хөсәйен Әхмәтов исемендәге Башҡорт дәүләт филармонияһында "Тарих биттәре" республика муниципалитеттары марафоны дауам итә. Был юлы баш ҡала сәхнәһендә Әбйәлил районының презентацияһы үтте. Сара Башҡортостан Республикаһы ойошторолоуҙың 100 йыллығына арналды. Әбйәлилдәр мәҙәни эстафетаны Көйөргәҙеләргә тапшырҙы.

28 сен, 21:33

Бөгөн Өфө районында 29-сы Халыҡ-ара Аксаков фестивале үтте

Байрам сиктәрендә милли ихаталар күргәҙмәһе, концерт номерҙары әҙерләнгән.. "Йәшмәләр" фольклор ансамбле Халыҡ-ара Аскаков көндәрендә даими ҡунаҡ. Быйыл да улар фестивалде асыу тантанаһында ҡатнаша. 29-сы тапҡыр ойошторолған байрам Өфө районы халҡын, ҡунаҡтарҙы йыйҙы.

28 сен, 21:30

Республикала өс йыл «Кесе Ватан» программаһы эшләй

Башҡортостанда өс йыл дауамында "Берҙәм Рәсәй" партияһының "Кесе Ватан" федераль проекты бүлгән сығымдар ярҙамында премьералар ҡуйыла, шулай уҡ төбәк мәҙәниәт усаҡтарының матди-техник базаһы яңыртыла. Программаның тормошҡа ашырылыуы бөгөн 2-се Бөтә Рәсәй клуб учреждениелары съезында ла ҡаралды.

28 сен, 21:27

Күгәрсен районының Үрге Мөрсәләй ауылында «Самауыр байрамы» үтте

Үрге Мөрсәләйҙәр милли байрамдарҙы йыш ойоштора. Был юлы ла ауылдың олоһо - кесеһе самауыр янында йыйылып боронғо ғөрөф- ғәҙәттәр, йолалар тураһында һөйләште, бала саҡтарын хәтергә төшөрҙө, сәй тураһындағы бәйгелә ҡатнашты. Тәмле самауыр сәйе, милли ризыҡтар менән һыйланды. Байрамда шулай уҡ дәртле йырҙар, таҡмаҡтар яңғыраны.

27 сен, 22:17

Мөнәжәт әйтеүселәр бәйгегә сыға

Бөгөн Сибай ҡалаһының Балалар ижады үҙәгендә Төбәк-ара мөнәжәт әйтеүселәр конкурсы үтә. “Милли мәҙәниәттең һирәк башҡарылған жанрын һаҡлап ҡалыу маҡсатында ойошторолған конкурста теләгән һәр кем ҡатнаша ала”, - ти сәсәниә Асия Ғәйнуллина.

27 сен, 13:40

Кушнаренко районы үҙәгендәге 19-сы быуаттан ҡалған мәҙәни ҡомартҡы төҙөкләндерелә

Был хаҡта район етәкселегенең Бөтә Рәсәй халыҡ фронты ағзалары менән осрашыуында белдерелде. Дворян ғаиләһе Топорниндар йорто, унан һуң Коминтерн бинаһы булараҡ файҙаланылған объектты төҙөкләндерәсәк инвестор табылған. Тарихи объектты төҙөкләндереүҙә лицензияһы булған ойошма һәм белгестәр генә эшләй ала, ти Республика мәҙәни мираҫ обьекттарын дәүләт һаҡлауы буйынса идаралыҡ хеҙмәткәре Динар Ишеғолов.

27 сен, 13:39

Өфөлә Көнсығыш ғилемен өйрәнеүселәрҙең 3-сө съезы ла дауам итә

Форумда фәнни эшмәкәрлекте камиллаштырыу буйынса өс яҡлы килешеүгә ҡул ҡуйылды. Ул шәрҡиәтселекте үҫтереү өсөн тос өлөш индерер тигән фекерҙә ғалимдар. Шәрҡиәтселек Африка илдәре өсөн дә мөһим. Рәсәй Фәндәр академияһының Африка инситуты директоры Ирина Абрамова.

27 сен, 13:00

Бөтә донъя башҡорттары ҡоролтайы делегацияһы Һарытау өлкәһенә юлланды

Унда Башҡортостандың 100 йыллығына арналған башҡорт мәҙәниәте һәм мәғарифы көндәре үтә. Перелюб, Пугачев райондарында бейеү, йыр, ҡумыҙҙа, ҡурайҙа уйнау буйынса оҫталыҡ дәрестәре эшләй башланы. Перелюб башҡорттары ҡоролтайы рәйесе Радик Бикбаев.

26 сен, 18:18

Исемдәр мәңгеләштерелде

Дыуан районының республика лицей-интернатына Башҡортостандың халыҡ шағиры Тимер Йосопов исеме бирелде. Ғафури районының Красноусол башҡорт гимназия-интернаты иһә билдәле ғалим Нияз Мәжитов исемен йөрөтәсәк.

26 сен, 18:09

Башҡортостандың 100 йыллығына арналған халыҡ ижады фестиваль-марафоны дауам итә

Бөгөн Башҡорт дәүләт филармонияһында Әбйәлил вәкилдәре сығыш яһай. Сарала райондың билдәле ижади коллективтары ҡатнаша, фойела милли ризыҡтар һәм сувенирҙар, сәнәғәт ойошмалары тауарҙары күргәҙмәһе, Әбйәлилдең данлы үткәне һәм бөгөнгөһөнә арналған экспозиция тәҡдим ителә. Район хакимиәтенең мәҙәниәт бүлеге етәксеһе Ирек Мусин.

26 сен, 16:15

Бөгөн Стәрлетамаҡ дәүләт театр-концерт берләшмәһе 29-сы миҙгелен яңы премьера менән башлай

Мостай Кәримдең “Ҡыҙ урлау” комедияһы сәхнәгә ҡуйыла. Спектакль халыҡ шағирының тыуыуына 100 йыл тулыуға арнала. Театрҙың әҙәбиәт бүлеге етәксеһе Гөлдәр Собханғолова.

26 сен, 14:18

Өфөлә көнсығыш ғилемен өйрәнеүселәр съезы дауам итә

Форумда Рәсәй төбәктәренән һәм Бойондороҡһоҙ дәүләттәр берләшмәһе илдәренән 100-ҙән ашыу ғалим ҡатнаша. Тарих, тел һәм әҙәбиәт институтының әҙәбиәт өйрәнеү бүлеге мөдире Миңлеғәли Нәҙерғолов фекеренсә, фәнгә килеүсе йәштәр аҙ, быуындар күсәгилешлеген һаҡлау, тәжрибә уртаҡлашыу өсөн уларҙы йәлеп итеү шарт.

26 сен, 13:12

Шәйехзада Бабич премияһына 16 ижадсы һәм 4 ижади төркөм дәғүә итә

Әҙәбиәт, сәнғәт һәм архитектура өлкәһендәге Шәйехзада Бабич исемендәге республика дәүләт йәштәр премияһына быйыл 16 ижадсы һәм 4 ижади төркөм дәғүә итә. Улар араһында "Йатаған" этно-төркөмө лә бар. Рухи һәм милли музыканы таратыусы коллектив тотош төрки донъяла танылыу алған. Һуңғы йылдарҙа бигерәк тә, "Ерем ауазы" һәм "Йатаған мөслим" кеүек дебют альбомдарының донъя күреүе тамашасыларға шәп бүләк булды.

25 сен, 23:06

«Тарих биттәрендә» фестивален Әбйәлил районы дауам итә

Әбйәлилем - биш ырыу төбәге. Өфөлә "Башҡортостан тарихы биттәре" республика фестиваль-марафоны аҙағына яҡынлаша. Иртәгә Хөсәйен Әхмәтов исемендәге Башҡорт дәүләт филармонияһында Әбйәлил районы таланттары сығыш яһай.

25 сен, 21:52