Мәҙәниәт

Башҡортостан делегацияһы – Ҡурғанда

Унда башҡорт мәҙәниәте көндәре үтә. Был сара милләттәштәребеҙ күпләп йәшәгән башҡа өлкәләрҙә лә уҙғарылды. Бөгөн ҙур проектҡа йомғаҡ яһала. Республика вәкилдәре әле Әлмән һәм Сафакүл райондарында. Урындан коллегабыҙ Наил Юнысов репортажы.

22 ноя, 13:18

Ҡазан ҡалаһында ижад итеүсе Бөрө районы егете Оскар Юнысовтың Өфөләге тәүге концерты үтте

«Ғауға» исеме аҫтында берләшкән төркөм рок-музыка жанрында ижад итә. Ул күрше республикала был стилдә татарса йырлаған берҙән-бер коллектив һанала. Ижадсы әйтеүенсә, рок Татарстанда бик үк үҫешмәгән.

22 ноя, 00:20

Өфө үҙәгендә үҙенсәлекле күргәҙмә

Баш ҡаланың Художество галереяһында ике йөҙҙән ашыу экспозицияла билдәле фоторәссамдарҙың ҡурсаулыҡтарҙы сағылдырған эштәре күрһәтелгән. Иң яҡшы фотоһүрәттәр «Башҡортостан» милли ҡурсаулығынан.

22 ноя, 00:15

Өфөлә балалар өсөн башҡорт телендә спектаклдәр әҙерләнә

Мәжит Ғафури исемендәге Башҡорт дәүләт академия драма театры артистары яңы жанрҙы үҙләштерә башлаған. Маҡсат бер – кескәй тамашасыларҙа сәнғәткә һөйөү уятыу. Әлегә ижади коллектив "Һауанан ергә тиклем" тип аталған тәүге спектакль өҫтөндә эшләй. Уның премьераһы 24 ноябргә планлаштырылған. Журналистар һәм бер төркөм балалар өсөн спектакль ваҡытынан алда күрһәтелде. Тамашаға БСТ каналы хәбәрсеһе Гөлназ Хәйбуллина ла шаһит булды.

21 ноя, 23:37

Белорет районында “Айыҡ ауыл” республика конкурсының төбәк этабы тамамланған

Ярышта алты ауыл ҡатнашҡан. Төрлө саралар, оҫталыҡ дәрестәре, рейдтар, табиптар сығышы ойошторолдо, ти Белорет районы хакимиәте белгесе Эльза Мөхәмәҙиева.

21 ноя, 15:28

Благовещен районында боронғо кәсепте һаҡларға тырышалар

Балалар ҡорама ҡорау серҙәрен өйрәнә. "Йәйғор" газетаһы баш мөхәррире Лира Батыргәрәева һөйләй.

21 ноя, 12:15

Белорет районы халҡы яҡташтары Ғәли Хәмзиндың исемен мәңгеләштерә

22 ноябрь Ҡоҙғон-Әхмәр ауылында мәшһүр йырсы иҫтәлегенә арналған үҙешмәкәр вокалсылар конкурсы ойошторола.

21 ноя, 11:15

Юлдаш радиоһының телевизион проекты ил кимәлендә баһаланды

"Теге өсәү" Бөтә Рәсәй телевизион тапшырыуҙар конкурсы наградаһына лайыҡ булды.

21 ноя, 10:15

Көндәр һыуытыу менән ҡаҙ өмәләре башланды

Ошондай матур йола Әбйәлил районы Тәпән ауылында ла ойошторолдо. Урындан Зөлфиә Заһитова һөйләй.

20 ноя, 18:29

Шишмәлә - “Ике аҡҡош”

Ошондай атамалы республика фестивале Келәш ауылында ойошторола. Ул халыҡ йырсыһы Фәриҙә Ҡудашева һәм танылған музыкант Бәхти Ғайсин ижадына арнала. Конкурстың тәүге туры район һәм ҡалаларҙа үтә. Был турала беҙгә Башҡортостан татарҙары милли-мәҙәни автономияһы рәйесе Римма Үтәшева хәбәр итте.

20 ноя, 15:39

“Мостай Кәримгә һөйөү менән!”

Был минуттарҙа Өфөнөң Үҙәк ҡала китапханаһында халыҡ шағирының 100 йыллыҡ юбилейына арналған сара бара.

20 ноя, 13:20

“Тамыр” телеканалы ТЭФИ-ға лайыҡ булды

“Бирешмә” премияһы “Телевидение һәм тормош: социаль проект” номинацияһында еңеү яуланы.

20 ноя, 10:10

Өфө дәүләт «Нур» татар драма театры алдындағы майҙанға Ғабдулла Туҡай исеме бирелеүе ихтимал

Был турала бөгөн Башҡортостан татарҙарының милли-мәҙәни мөхтәриәтенә 10 йыл тулыу уңайынан ойошторолған кәңәшмәлә билдәләнде. Йәмәғәт ойошмаһы тиҫтә йыл инде республикала дуҫлыҡ һәм милләт-ара татыулыҡты нығытыуға ҙур өлөш индерә.

19 ноя, 23:38

Рәсәй музейҙары эшмәкәрлеген генераль прокуратура тикшерәсәк

Был хаҡта Өфөлә үткән Волга буйы музейҙары төбәк-ара семинарҙа хәбәр иттеләр. Бөгөнгө көндә ил буйынса 4 меңдән ашыу федераль һәм муниципаль әһәмиәтле музей ишектәре асыҡ.

19 ноя, 23:23

«Тамыр» телеканалының «Бирешмә» проекты «ТЭФИ – Төбәк» премияһына лайыҡ булды

Бүләкләү тантанаһы Волгоград ҡалаһында үтте. «Бирешмә» балалар һәм үҫмерҙәр өсөн беренсе республика премияһы конкурста юғары баһаланып, «Телевидение һәм тормош: социаль проект» номинацияһында «ТЭФИ – Төбәк» премияһының бронза Орфейын яуланы. Финалға сығыу өсөн Рәсәй төбәктәренән 126 телекомпания вәкилдәре көс һынашты.

19 ноя, 23:22

Республика татарҙары туған тел үҫешенә ҙур көс һала

Бөгөн Өфөлә Башҡортостан татарҙарының милли-мәҙәни автономияһы ултырышы үтте. Унда халыҡтың рухи мираҫын, туған телде һаҡлау, милләт-ара татыулыҡты нығытыу мәсьәләләре ҡаралды. “Йәштәр туған телдә теләп уҡый. Бының өсөн бар шарттар ҙа бар”, - ти Мифтахетдин Аҡмулла исемендәге Башҡорт дәүләт педагогия университетының Татар теле һәм әҙәбиәте кафедраһы доценты Альбина Хәйруллина.

19 ноя, 19:19

Яр Саллы ҡалаһында милләттәштәребеҙ башҡорт рухын һаҡлай

Күптән түгел “Гөлнәзирә” башҡорт фольклор ансамбле 10 йыллыҡ юбилейын билдәләне. Күп йылдар инде төрлө конкурстарҙа еңеүҙәр яулаған төркөм халыҡ исемен йөрөтә. Байрам кисәһе йыр-моң менән үрелеп барҙы, тип хәбәр итә Гөлүзә Буранбаева.

19 ноя, 18:32

“Нур”ҙа – “Гөргөри кейәүҙәре”

Бөгөн “Миҙгелдәр” тип аталған Кушнаренко халыҡ театры Туфан Миңнуллиндың әҫәрен сәхнәләштерә. Әлфиә Арыҫланова һөйләй.

19 ноя, 16:30

Өфө “Нур” театрында Башҡортостан татарҙарының милли-мәҙәни автономияһы ултырышы башланды

Автономия халыҡтың рухи мираҫын, туған телен һаҡлауға йүнәлтелгән саралар ойоштороп килә, Башҡортостандағы милләт-ара татыулыҡты нығытыуға тос өлөш индерә. Бөгөн республиканың 600-ҙән ашыу белем биреү учреждениеһында татар теле уҡытыла. 103 балалар баҡсаһында татар төркөмдәре бар.

19 ноя, 16:02

"Спутник ФМ"радиоһы “Уфимская волна” конкурсы еңеүселәрен бүләкләй

27 ноябрҙә Башҡортостан юлдаш телевидениеһы ижади ярыштың финал өлөшөн тура эфирҙа күрһәтә. Башҡарыусылар өсөн онлайн тәртиптә тауыш бирергә мөмкин, күп каналлы телефон эшләй.

19 ноя, 15:20