Мәғариф һәм фән

Башҡорт дәүләт медицина университеты ректоры Валентин Павлов Өфөнөң 162-се мәктәбе уҡыусылары өсөн лекция ойошторҙо

Фәһемле осрашыу. Асыҡ дәрестә һаулыҡ һаҡлау өлкәһендә һуңғы фәнни ҡаҙаныштар, дауалауҙа ҡулланылған заманса технологиялар хаҡында һүҙ барҙы. Уҡыусыларҙы ҡыҙыҡһындырған һорауҙарға төбәктең мәғариф һәм фән министры Айбулат Хажин да яуап бирҙе.

25 ғин, 10:31

Күгәрсен районында «Үҫеш нөктәһе» мәғариф проекты форумы үтте

Сарала мәктәп уҡыусылары һәм педагогтар өсөн яңы технологияларға бағышланған күргәҙмә ойошторолдо. Һәр класста малай-ҡыҙҙарҙың ижади шөғөлдәрен иҫәпкә алып оҫталыҡ дәрестәре үтте.

25 ғин, 02:57

Рәсәйҙә уҡытыусыларҙың Берҙәм хеҙмәт хаҡы системаһы барлыҡҡа киләсәк

Федерация советы хөкүмәткә шул турала мөрәжәғәт менән сығыш яһаны. Башҡортостан сенаторы Лилиә Ғүмәрова билдәләүенсә, әле һәр төбәк педагогтарҙың эш хаҡын үҙаллы тәғәйенләй. һөҙөмтәлә ҡайһы бер өлкәләрҙә ул хатта, минималь хеҙмәт хаҡынан ике тапҡырға аҙыраҡ булып килеп сыға. Мәҫәлән, илдә уҡытыусыларҙың уртаса эш хаҡы 40 мең һум. Шул уҡ ваҡытта урынына ҡарап айырма шуҡтай ҙур. Ҡайһы бер төбәктәрҙә 22 мең һум булһа, Чукоткала 100 һум самаһы. Әммә һүҙ тариф селтәрен тергеҙеү тураһында бармай.

25 ғин, 02:55

1 февралдән 1 класҡа ҡабул итеү башлана

Ата-әсәләр мәктәптәр, гимназиялар һәм интернаттарҙа балаларын беренсе класҡа алып барыу өсөн ғаризалар бирә ала.

23 ғин, 11:15

Башҡортостан “Китап” нәшриәтендә “Башҡорт әҙәбиәте тарихы”ның етенсе томы донъя күрҙе

Ул билдәле башҡорт ғалимы һәм әҙәбиәтсеһе, академик Ғайса Хөсәйенов етәкселегендә әҙерләнгән һәм 1990-1996 йылдарҙа алты томда сыҡҡан баҫманың дауамы булып тора. Баш мөхәррир һәм инеш һүҙ авторы – филология фәндәре докторы Миңлеғәле Нәҙерғолов.

23 ғин, 10:15

Белорет ҡалаһы мәктәптәренең береһенән ата-әсәләр уҡыу шарттарына зарлана

Белорет ҡалаһы мәктәптәренең береһенән балалары өсөн ата-әсәләре борсолоу белдереп беҙҙең телеканалға мөрәжәғәт итте. Иртә менән өс саҡрым юлды йәйәү үтеү, ике сменала белем алыу уларҙың үҙәгенә үткән. Бындай хәл 8-се мәктәпте авария хәлендә тип танып, 18-се мәктәптә ике белем усағын берләштергәндән һуң башланған. БСТ каналы хәбәрсеһе Гүзәл Борханова дауам итә.

22 ғин, 23:26

Башҡортостанда Бөтә Рәсәй мәктәп уҡыусылары олимпиадаһы дауам итә

Әле уның төбәк этабы бара. Бында ноябрь-декабрь айҙарында үткәрелгән олимпиаданың муниципаль этабында еңгән 3 меңдән ашыу мәктәп уҡыусыһы ҡатнаша. “Быйыл олимпиада 23 фәндән үтә”, - ти республика Мәғарифты үҫтереү институтының һәләтле балалар үҫтереү үҙәге директоры урынбаҫары Рәмилә Аҡанаева.

21 ғин, 13:17

“Социаль тигеҙлек артынан”: Барлыҡ башланғыс класс уҡыусылары бушлай ашатыласаҡ

Владимир Путиндың Мөрәжәғәтнамәһендә бер социаль тигеҙһеҙлекте юҡҡа сығарыусы тәҡдиме хуплау тапты. Һүҙ барлыҡ башланғыс синыф уҡыусыларын да бушлай ашатыу тураһындағы положение хаҡында бара. Сөнки быға тиклем аҙ тәьмин ителгән ғаиләләге балалар бер хаҡҡа ашаһа, тулыһынса түләп ашағандар икенсе меню буйынса. Йәғни, берәүҙәр билмән ашаһа, икенселәре шул уҡ өҫтәл артында ҡара бойҙай менән ҡәнәғәтләнә. Был күренеш мине үтә ныҡ әсендерә ине, әммә мәсьәләне хәл итергә мөмкинлектәр юҡ ине, тине Радий Хәбиров та. Ил башлығының был башланғысы үтә лә урынлы һәм ваҡытлы. Хәҙер барыбыҙ ҙа билмән, йә булмаһа ҡара бойҙай ашаясаҡбыҙ. БСТ каналы хәбәрсеһе Гөлназ Хәйбуллина мәғарифты көткән үҙгәрештәр тураһында.

19 ғин, 11:02

Берҙәм дәүләт имтиханы тапшырыуға заявкалар ҡабул итеү компанияһы тамамланыуға ике аҙна ваҡыт ҡалды

Имтихан тапшырасаҡ предметты һәм асылда буласаҡ һөнәри юлын һайлап өлгөрөргә тейешле мәктәп тамамлаусылар өсөн был яуаплы осор. Был турала бөгөн журналистарға республиканың мәғариф һәм фән министры һөйләне.

18 ғин, 02:23

Академик Әнәс Мәхмүтов бөгөн 90 йәшен билдәләй

Башҡортостан фәненә арналған ғүмер. Иҡтисад фәндәре докторы, профессорҙы республика башлығы тәбрикләне. Радий Хәбиров Башҡортостан фәндәр академияһы президиумы һәм Башҡортостан башлығы ҡарамағындағы дәүләт хеҙмәте һәм идара итеү академияһы ғилми советы ултырышында ҡатнашты.

17 ғин, 23:58

Башҡортостан юғары уҡыу йорттарында бюджет урындары арта

Ил президенты күрһәтмәһенә ярашлы уларҙы 17 мең 600-гә еткереү планлаштырыла.

17 ғин, 13:05

Башҡортостанда класс етәкселәренә ай һайын өҫтәп 8 мең һумға яҡын аҡса түләнә

Ил президенты Федераль йыйылышҡа мөрәжәғәтнамәһендә бюджеттан һәр береһенә кәмендә 5 мең һум өҫтәләсәге тураһында белдерҙе.

17 ғин, 13:00

Башҡорт теле йылы үҙенсәлекле проекттарға бай була

Йылдың һәр айының үҙ исеме һәм хештегы бар. Уның сиктәрендә тематик дәрес, ижади бәйге һәм фестивалдәр ҡаралған.

17 ғин, 12:05

Башҡортостан башланғыс класс уҡыусыларын бушлай туҡландырыуҙы быйылдан уҡ башлаясаҡ

Дөрөҫ, йылы аш менән тәьмин итеү өсөн техник мөмкинлектәре булған мәктәптәрҙә генә. Ҡалғандар тотош илдәге кеүек үк был башланғысҡа 2023 йылда ҡушыласаҡ. Балаларҙы туҡландырыу сифатын яҡшыртыу кәрәклеген ил башлығы Владимир Путин Федераль Йыйылышҡа мөрәжәғәтнамәһендә белдергәйне. Бөгөн иһә положениены тормошҡа ашырыу үҙенсәлектәре «Мәғариф сәғәте» форматында уҙғарылған кәңәшмәлә өйрәнелде.

16 ғин, 20:21

Класс етәкселәренә түләү арта

Әле улар бер уҡыусы өсөн айына 80 һум ала. Класс етәкселәренә өҫтәмә түләүҙәрҙе арттырыу тураһында кисә Рәсәй Президенты Владимир Путин белдерҙе. Төбәк коэфицентын иҫәпкә алғанда, Башҡортостанда уҡытыусылар 7 меңдән ашыу аҡса аласаҡ. Радий Хәбиров бының менән класс етәкселәренең эш сифатын да күтәрергә кәрәк, тигән фекер белдерҙе.

16 ғин, 15:58

Быйыл республикала 2 меңдән ашыу балаға иҫәпләнгән 7 мәктәп сафҡа индерелә

Был турала бөгөн үткән мәғариф сәғәтендә белдерелде. 2019 йылда 21 белем ҡулланыуға тапшырылды, 2024 йылға тиклем тағы 40 мәктәп төҙөлә, тине Башҡортостан Премьер-министры урынбаҫары Фәнүр Йәғәфәров.

16 ғин, 15:11

Төбәктә күренекле шәрҡиәтсе, диалектология белгесе Сәриә Миржанованың тыуыуына 95 йыл тулыуға арналған хәтер кисәһе үтте

Әбйәлилдәр ул-ҡыҙҙарын данлай. Сара ғалимәнең тыуған Тал Ҡусҡары ауылы мәҙәниәт йортонда ойошторолдо.

16 ғин, 01:08

Иглин ауылында йәшәүсе ата-әсәләрҙең хыялы тормошҡа ашты

Бында яңы мәктәп һәм балалар баҡсаһы ишектәрен асылды. Балалар өсөн учреждение “Республиканың 100 йыллығына- 100 объект” һәм «Демография» милли проекты буйыса төҙөлә. Тулыраҡ БСТ каналы хәбәрсеһе Әлфинә Килдейәрова әҙерләгән яҙмала.

13 ғин, 23:33

Өфөлә туған телдәр һәм әҙәбиәт буйынса республика олимпиадаһы еңеүселәре билдәләнде

Бәйгелә район-ҡала мәғариф учреждениеларынан ике йөҙҙән ашыу уҡыусы ҡатнашҡайны. Улар муниципаль этапты уңышлы үтеп, төбәк кимәлендә сығыш яһау бәхетенә ирешә.

13 ғин, 20:07