Мәғариф һәм фән

«Ҡарағай» торлаҡ комплексында балалар баҡсаһы буласаҡ

Ул 160 урынға иҫәпләнгән. Республика етәксеһе Радий Хәбиров Өфө ҡалаһы хакимиәте менән Мәғариф министрлығына мөһим социаль объектты төҙөүҙе яйға һалырға һәм был объект өсөн яуаплы «Өсөнсө трест»ы йәлеп итергә ҡушты.

19 июл, 22:29

Баймаҡта яңы мәктәп асыла

Ҡаланың көньяҡ биҫтәһендә 120 урынға иҫәпләнгән балалар баҡсаһы һәм 240 урынлыҡ мәктәп төҙөлә. Район хакимиәтенең мәғариф бүлеге етәксеһе Илдус Зәйнуллин әйтеүенсә, төҙөлөш йылдам бара.

19 июл, 15:05

Уҡытыусылыҡҡа уҡығандар йүнәлтмә буйынса эшләйәсәк

Башҡортостанда маҡсатлы уҡытыу системаһы ярҙамында педагогик кадрҙар адреслы әҙерләнә башлаясаҡ. Маҡсатлы йүнәлтмәнән айырмалы бында студент, юғары уҡыу йорто һәм эш тәҡдим итеүсе мәғариф учреждениеһы араһында өс яҡлы килешеү төҙөләсәк.

18 июл, 22:30

Башланғыс класс уҡыусыларын мәктәптә бушлай ашатыу мәсьәләһе ҡарала

Был турала Республика етәксеһе Радий Хәбиров Нефтекамала үткән туҡланыу буйынса төбәк операторҙары форумында белдерҙе. Радий Хәбиров бөтә мәктәптәрҙә берҙәм меню булдырырға тәҡдим итте. Шулай уҡ туҡланыу буйынса төбәк операторҙары эше етди контролгә алыныуы тураһында әйтте.

17 июл, 13:04

Башҡортостандың өс юғары уҡыу йорто миллион һумлыҡ грант аласаҡ

Был турала үҙәк сығанаҡтар хәбәр итә. Белем биреү ойошмалары араһында уҙғарылған йәштәр проекттары буйынса Рәсәй конкурсына йомғаҡ яһалған.

16 июл, 23:35

Владимир Путин Өфөнөң йәш ғалимдарын грант менән бүләкләне

Бөгөн ил президентының йәмәғәт ҡабул итеү бүлмәһендәге тантанала йәштәр үҙ проекттарына лайыҡлы баһа алды. Камил Рамаҙановҡа бер миллион һум техник һәм инженер фәндәр өлкәһендәге уңышы өсөн тапшырылды. Ул авиация өлкәһенә материалдар етештереү өсөн ныҡлы ҡорамал уйлап тапҡан. Йәш ғалим һүҙҙәренә ҡарағанда, ул сәс бөртөгөнән нәҙегерәк, алмаздан нығыраҡ.

16 июл, 22:53

Ҡыйғы районынының Ләүйылға ауылында мәктәп һәм балалар баҡсаһын берләштергән социаль объект төҙөлә

Бинаның стеналары күтәрелгән, ҡыйығы, тәҙрәләре ҡуйылған. Фасады йылытылған, облицовка эшләнгән. Әле бинаның эсен биҙәкләү эштәре бара.

16 июл, 22:50

Республикала ғилми эшмәкәрлек үҫешә

Башҡортостан буйынса Баш Федераль инспектор Михаил Закомалдин Рәсәй Федерацияһы Президенты грантына лайыҡ булған йәш ғалимдар менән осрашты. Сара барышында фән кандидаттарына 600 мең, ә фән докторҙарына 1 миллион һумлыҡ сертификаттар тапшырылды. Хәбәрсебеҙ Алмаз Бәширов репортажы.

16 июл, 16:05

Нефтекамала татар полилингвистик мәктәп-интернат асыла

Был турала республика етәксеһе Радий Хәбиров эш сәфәре барышында белдерҙе. Ул 2013 йылдың октябрендә ябылған мәктәп-интернаты базаһында төҙөкләндерелә. Республика мәғариф министры вазифаһын үтәүсе Айбулат Хажин әйтеүенсә, биналарға тикшереү үткәрелгән. Йылылыҡ булдырыу өсөн социаль программалар фонды аша 30 миллион һум аҡса бүленгән. Әлеге ваҡытта документтар әҙерләнә, ремонт эштәренә смета төҙөлә.

16 июл, 16:00

Башҡортостанда ике йыл эсендә 53 яңы балалар баҡсаһы төҙөлә

Төҙөлөш һәм архитектура буйынса дәүләт комитетынан хәбәр итеүҙәренсә, быйыл 29 объектты файҙаланыуға тапшырыу планлаштырыла. Тағы 24 балалар баҡсаһы киләһе йылда асылырға тейеш.

16 июл, 09:03

Берҙәм дәүләт имтиханында юғары балл йыйған буласаҡ студенттарға 100 мең һум түләнә

Өфө дәүләт нефть-техник университеты ошондай программа әҙерләгән. Өс имтихан һөҙөмтәләре буйынса 250 балл йыйған уҡыусылар аҡсалата премияға өмөт итә ала.

15 июл, 18:09

Яңы уҡыу йылы алдынан мәктәптәр именлек талаптарына тикшерелә

Белем көнөнә бер ай ярым ваҡыт булһа ла, янғын хәүефһеҙлеге инспекторҙары мәктәптәр буйлап йөрөп етешһеҙлектәрҙе алдан асыҡлай. Белоретта ла балалар именлегенә ҙур иғтибар бирелә. Район хакимиәте белгесе Эльза Мөхәмәҙиева ошо хаҡта һөйләй.

15 июл, 18:04

Дим биҫтәһендә яңы мәктәп асыласаҡ

Белем биреү комплексы «Республиканың 100 йыллығына - 100 объект» программаһы сиктәрендә төҙөлә. Мәғариф усағы мең балаға иҫәпләнгән. Проектҡа ярашлы, яңы мәктәптә белем алыу өсөн уңайлы шарттар ҡаралған.Ҡыҙыу эш мәлен БСТ каналы хәбәрсеһе Әлфинә Килдейәрова күҙәтте.

13 июл, 22:12

Юғары уҡыу йорттарына ҡабул итеү башланды

11 класты тамамлаусылар Берҙәм дәүләт имтихандары һөҙөмтәләре буйынса уҡырға инә. Колледж һәм училище студенттары һынау тота, ти Башҡорт дәүләт университеты ҡабул итеү комиссияһы яуаплы секретары Ринат Төлкөбаев.

12 июл, 15:10

Балтас уҡыусылары БДИ-ла тәртип боҙоу арҡаһында район етәкселәре эштән ебәрелде

Бөгөн Балтас районында Башҡортостандың мәғариф өлкәһендә контроль һәм күҙәтеү идаралығының махсус комиссияһы эшләне. Белгестәр Берҙәм дәүләт имтихандары һөҙөмтәләрен фальсификациялауға бәйле административ хоҡуҡ боҙоу тураһында протоколдар төҙөнө. Осрашыуға 16 уҡыусы һәм уларҙың ата-әсәләре, имтиханды ойоштороусылар саҡырылғайны. Билдәле булыуынса, мотлаҡ предметтар - рус теле һәм математика буйынса һынауҙы уңышлы үтә алмағандар быйыл көҙ яңынан имтихан тапшыра аласаҡ. БСТ хәбәрсеһе Гөлназ Хәйбуллина дауам итә.

11 июл, 00:17

Юғары уҡыу йорттарына ҡабул итеү башланды

Быйылдан маҡсатлы йүнәлтмәләр буйынса үҙгәреш индерелгән. Был турала “Юлдаш” радиоһына Башҡорт дәүләт университеты ҡабул итеү комиссияһы яуаплы секретары Ринат Төлкөбаев хәбәр итте.

09 июл, 15:15

Бөрйәндә башҡорт тоҡомло бал ҡорттарын сығаралар

Селекция эше Рәсәй президенты грантына алып барыла. Был эшкә танылған ғалимдар йәлеп ителгән. Улар араһында фән докторҙары kf бар. Бөрйән умартасылар берлеге етәксеһе Әғләм Шәрипов эш барышы менән таныштыра.

03 июл, 12:06

Ауылға ҡайтҡан йәш уҡытыусыларға грант бирелә

Башҡортостан Мәғариф министрлығында конкурс тәртибе менән таныштырҙылар. Документтар 1 авгусҡаса ҡабул ителә. Конкурста 35 йәше тулмаған ауыл мәктәбендә ике йылдан ашыу эшләгән уҡытыусылар ҡатнаша ала.

03 июл, 12:05

Башҡортостанға Рәсәйҙән һәм сит илдәрҙән механиктар йыйыла

Өфөлә августа ғәмәли механика буйынса ҙур йыйын үтә. Уның барышында техник ҡаҙаныштар буйынса күргәҙмә ойошторола.

03 июл, 10:03

Башҡортостанда 24 сығарылыш уҡыусыһына урта белем алыу тураһында аттестат бирелмәй

Улар мотлаҡ булған ике фәндән – математика һәм рус теленән Берҙәм дәүләт имтиханы тапшырмаған. Был турала бөгөн Хөкүмәттә үткән оператив кәңәшмәлә Мәғариф министры вазифаһын башҡарыусы Айбулат Хажин хәбәр итте.

02 июл, 16:00