Мәғариф һәм фән

Инклюзив белем биреү

Мөмкинлектәре сикләнгән балаларҙы йәмғиәткә ылыҡтырыу. Бөгөн Өфөлә уҙған мәғариф форумында уҡытыусылар, тәрбиәселәр, коррекцион мәктәп-интернат белгестәре, психолог, логопедтар үҙ-ара тәжрибә уртаҡлашты. Семинарҙың маҡсаты — йәмәғәтселек иғтибарын мөмкинлектәре сикләнгән балалар мәсьәләләренә йүнәлтеү, уларҙың хоҡуҡтарын яҡлау.

21 ноя, 23:19

Ике көн дауамында Башҡорт дәүләт университетында халыҡ-ара кимәлдәге ғилми-ғәмәли конференция уҙа

Граждандар һуғышы темаһына арналған сарала Рәсәй төбәктәренән һәм сит илдәрҙән 170-тән ашыу белгес ҡатнаша. Конференцияның граждандар һуғышының шаңлы ваҡиғаларын кисергән Башҡортостанда ойошторолоуы осраҡлы түгел. Белгестәр фекеренсә, юғары уҡыу йорто студенттарын был тарихи осор менән яҡындан таныштырыу, тарихҡа ҡыҙыҡһыныу уятыу мотлаҡ.

29 ноя, 23:18

Ҡыҙыу нөктәләргә — робот

Өфө дәүләт нефть техник университеты ғалимдары ғәҙәттән тыш хәлдәрҙә урында күҙәтеү алып барыусы робот эшләгән. Грант аҡсаһына башҡарылған проект киләһе йылда тамамланасаҡ һәм һынап ҡараласаҡ. Машина үҙенсәлектәре хаҡында беҙҙең сайтта.

29 ноя, 23:15

Мәғарифтың хәле нисек?

Радий Хәбиров Мәғариф һәм фәнде күҙәтеү буйынса федераль хеҙмәт етәксеһе Сергей Кравцов менән осрашты. Ике яҡ араһындағы әңгәмәлә 2018 йылғы имтихан кампанияһы һөҙөмтәләре, киләһе йылда дәүләт аттестацияһын ойоштороуға әҙерлек барланды.

16 ноя, 23:13

Географияны беләһеңме?

Башҡортостан дүртенсе йыл рәттән халыҡ-ара география диктантына ҡушылды. Акция ил президенты Владимир Путин башланғысында уҙа. Яҙма эш буйынса республика лидерҙар иҫәбендә килә. Әгәр ҙә 2015 йылда Башҡортостанда ни бары өс майҙансыҡ эшләһә, былтыр уларҙың иҫәбе ике йөҙ, ә быйыл 400-ҙән аша.

12 ноя, 21:57

Радий Хәбиров райондарҙа мәктәп уҡыусыларын ташыуҙа аҡса йәлләмәҫкә саҡырҙы

Республика Хөкүмәтендә үткән кәңәшмәлә төбәк ауылдарында мәктәп уҡыусыларын ташыу мәсьәләһе лә күтәрелде. Радий Хәбиров билдәләүенсә, был йүнәлештә аҡсаны йәлләргә ярамай. Мәғариф министрлығына был һорауҙы хәл итеү бурысы ҡуйылды.

12 ноя, 11:43

Өфөлә инклюзив белем биреүҙе үҫтереү юлдары барланды

Мәктәптәрҙә мөмкинлектәре сикләнгән балаларҙы уҡытыу, уларға уңайлы шарттар булдырыу - бөгөн көнүҙәк мәсьәлә. Мәғариф форумында Красногорск ҡалаһының "Созвездие" үҙәге директоры Сергей Сюрин да ҡатнашты. Әле Мәскәү өлкәһендә физик һәм психик кәмселеге булған уҡыусыларға реабилитация ойоштороуға йүнәлтелгән Рәсәйҙә аналогы булмаған күп профилле учреждение төҙөлә.

09 ноя, 22:27

Уҡыу йорто аудиторияһында - ҡунаҡхана ресепшны

Мифтахетдин Аҡмулла исемендәге Башҡорт дәүләт педагогия университеты колледжы студенттары сит ил ҡунаҡтарын ҡабул итергә өйрәнә. Теоретик белемде практикала камиллаштырыу маҡсатында урында эш шарттары булдырылған. Йәштәр дәрес ваҡытында рус һәм инглиз телдәрендә клиенттарҙы хеҙмәтләндереү технологияһы менән таныша.

07 ноя, 23:22

Өфөнөң 35-се мәктәбе – уҡыусыларҙың инновация майҙансығы

Мәғариф учреждениеһында 83 уҡытыусы һәм тәрбиәсе эшләй. Улар араһында 38 уҡытыусы юғары квалификацияға эйә. Тәжрибәле һәм үҙ эшенең оҫталарында белем алыусылар ҙа һынатмай. Утыҙ биштәр төрлө фәндәр буйынса ҡала, төбәк, Рәсәй һәм халыҡ-ара конкурстарҙа ҡатнашып уңыш ҡаҙана. Тулыраҡ беҙҙең сайтта.

06 ноя, 21:23

Өфө дәүләт авиация техник университетында яңы электрон уҡыу-уҡытыу классы асылды

Студенттар хәҙер уҡытыусы интерактив таҡтаға яҙған яҙыуҙы тура планшетында күрә ала. Уны фото итеп һаҡларға ла, хатаһыҙ күсереп алырға ла мөмкин. Уҡыу процессына индерелгән яңы алым уҡыусы һәм педагогтар өсөн дә уңайлы. Махсус ҡоролмалар ярҙамында электрон мәғариф ресурстары менән танышырға, онлай-курс һәм дистанцион уҡыу-уҡытыу эштәрен алып барырға була.

03 ноя, 21:52

Бөгөн Рәсәй халҡы этнографик диктант яҙҙы

Республикала майҙансыҡ утыҙ урында эшләне. Яҙма эштә өс меңдән ашыу кеше ҡатнашты. Рәсәй буйынса уҙғарылған оло этнографик диктанттың маҡсаты изге — халыҡ араһында илдә йәшәгән төрлө милләттәрҙең тарихи үткәне, тамырҙары, ғөрөф-ғәҙәттәренә ихтирам уятыу, милләт-ара татыулыҡты нығытыу.

02 ноя, 22:12

Башҡортостан этнографик диктант яҙыу акцияһына ҡушыла

Бөгөн, 2 ноябрҙә, республика этнографик диктант яҙыу мәғариф акцияһына ҡушыла. Уны Рәсәйҙә йәшәүселәр ҙә, ситтән килгән граждандар ҙа яҙа ала. Төбәктә барлығы утыҙ майҙан эшләйәсәк.

02 ноя, 12:06

Көҙгө каникул мәлендә Баймаҡ районының Талҡаҫ буйында һәләтле балалар лагеры эшләй

Төрлө фәндәр буйынса республика олимпиадаларына әҙерлек үткән был уҡыусылар өсөн уҡыуҙан тыш ял мәлдәре лә файҙалы ойошторолған. Теманың дауамы беҙҙең сайтта.

01 ноя, 21:02

Бөгөн Өфөлә республикала

Бәйгелә ҡала һәм райондарҙағы балалар баҡсалары тәрбиәселәре араһында еңеү яулаусылар һынау тота. Улар 2 ноябргә тиклем барған конкурста "Педагогик асыш", "Оҫталыҡ дәресе" буйынса үҙ белемдәрен, тәжрибәһен күрһәтә. Быйыл бөтәһе 51 педагог ҡатнаша.

31 окт, 23:18

Баймак районының Күсей мәктәбенә 100 йыл тулды

Республикаға арҙаклы шәхестәр тәрбиәләгән был укыу йортоноң тарихы бик тәрәнгә китә. Үҙенең хеҙмәтен мәҙрәсә буларак башлаған мәктәптә вакытында Башкортостандың халык шағиры Абдулхак Игебаев, әлифба авторы Абдрахман Ғәлләмов, халык яҙыусыһы Тансулпан Ғарипова, Советтар Союзы геройы Тәфтизән Миңлеғолов һәм башка бик күп шәхестәр белем алған.

27 окт, 20:37

Өфөлә фән фестивале асылды

Ғалимдар, уҡытыусылар, студенттар һәм мәктәп уҡыусылары ҡатнашҡан сара сиктәрендә Башҡортостан фәндәр академияһында күргәҙмә эшләй. Унда студенттар төрлө химик процестар күрһәтә. Экспозицияға робототехника һәм башҡа йүнәлештәр буйынса йәштәр уйлап тапҡан һәм үҙ ҡулдары менән эшләгән әйберҙәр ҡуйылған.

27 окт, 20:31

Өфөлә яңы мәғариф үҙәге төҙөләсәк

Калинин районында мәғариф үҙәге төҙөлөшө дауам итә. Билдәләп үтергә кәрәк, социаль объект төҙөлөшө республиканың барлыҡҡа килеүенә йөҙ йыл тулыу айҡанлы башҡарыла.

24 окт, 17:38

Тарих ағышын билдәләүсе

Халҡыбыҙҙың арҙаҡлы улы, билдәле ғалим, тынғыһыҙ йәмәғәт эшмәкәре Нияз Мәжитовтың тамырҙары Ғафури районынан. Яҡташтары археология фәнен өйрәнеүгә бар ғүмерен бағышлаған ғалим хаҡында яҡты хәтирәләр һаҡлай. Үҙе иҫән булһа уға 95 йәш тулған булыр ине. Ғафури районы Сәйетбаба ауылында академик Нияз Ғабдулхаҡ улы иҫтәлегенә арналған хәтер кисәһе үтте.

23 окт, 00:00

Пенсия алды йәшендәгеләр йәнә парта артына ултырасаҡ

Ил хөкүмәте оло йәштәгеләрҙе уҡытыу буйынса проект әҙерләне. Уға ярашлы пенсия алды йәшендәге хеҙмәткәрҙәр эш урынынан ситтә өс ай буйы квалификацияһын камиллаштырасаҡ. 33 мең һумға баһаланған курстарҙың сығыдарын дәүләт үҙ өҫтөнә аласаҡ. Ул ғына түгел, студенттар хатта төбәктең минималь эш хаҡы күләмендә стипендия ла аласаҡ. 2024 йылға тиклем 450 мең кеше һөнәри әҙерлек үтәсәк тип күҙаллана.

20 окт, 23:59

Хәҙер әҙер курс, диплом эштәре, диссертациялар алыу бер ни түгел

Аҡсаң ғына булһын. Һәр ерҙә лә иғландар эленеп тора. Хатта, уҡытыусылар үҙҙәре үк әҙер эштәр һатҡаны бар. Ә һуңынан үҙҙәре үк тикшергән булалар. Хәйер, ғәйеп тимәйем. Һорау бар икән, тимәк, тәҡдим дә оҙаҡ көттөрмәй. Хилафлыҡ студенттар намыҫында. Һатып алынған белем бит аҡылды арттырмай. Ә бына диплом эштәрен тәҡдим итеү хәҙер закондан тыш тип иғлан ителде. Йәғни, уны рекламалау. Тема дауамы беҙҙең сайтта.

20 окт, 23:58