Мәғариф һәм фән

Башҡорт дәүләт университетының макроиҡтисади үҫеш һәм дәүләт идаралығы кафедраһы юбилейын билдәләне

30 йыл эсендә 2 меңдән ашыу белгес. Бөгөн Башҡорт дәүләт университетының макроиҡтисади үҫеш һәм дәүләт идаралығы кафедраһы сираттағы юбилейын билдәләне. Ошо уңайҙан уҡыу йортонда ғилми-ғәмәли конференция үтте. Уның темаһы төбәктең етештереү ҡеүәтенә арналды.

07 июн, 21:58

Өфөнөң 35-се мәктәбе уҡыусылары күрмәгән кешеләрҙе йөрөтөүсе эттең һәләттәре менән танышты

Дөйөм Рәсәй халыҡ фронты тарафынан ойошторолған "Изгелек дәресе"ндә балалар алдында "Аҡтырнаҡ" клубы етәксеһе Гүзәл Хәсәнова сығыш яһаны. Ул күреү һәләте сикләнгән кешеләр өсөн ҡала буйлап йөрөгәндә йорт хайуаны төп ярҙамсы булыуы хаҡында һөйләп, эттең командаларҙы үтәүен күрһәтте.

18 июн, 23:39

Был минуттарҙа Дәүләкән районында халыҡ-ара аэройыһан мәктәбен асыу тантанаһы бара

Ул яҡташыбыҙ, осоусы Урал Солтанов исемен йөрөтәсәк. Мәктәп президенты Вячеслав Аброщенко әйтеүенсә, уҡыу йортонда Өфө авиация-техник университеты профессорҙары, физика-математика лицейы уҡытыусылары, шулай уҡ хәрбиҙәр һәм табиптар белем бирә.

18 июн, 16:05

Асҡын район ҠышлауЙылға ауылы балалары яңы уҡыу йылын яңы мәктәптә башлай

Унда 120 урынға иҫәпләнгән белем усағы төҙөлә, ошонда уҡ 60 кешегә иҫәпләнгән балалар баҡсаһы урынлаша.

18 июн, 12:12

Һәләтле балаларға иғтибар арта

Башҡортостанда «Мәғариф» милли проектының «Һәр баланың уңышы» федераль проекты сиктәрендә һәләтле балаларҙы асыҡлау һәм ярҙам күрһәтеү үҙәге асыла. Уны булдырыуға 300 миллион һум аҡса бүленә.

18 июн, 09:11

Башҡортостан баш ҡалаһында студенттар ҡаласығы йәки кампус төҙөү планлаштырыла

Был мәсьәлә республика хөкүмәтендә ҡаралды. Обьекттың Дим районында урынлашыуы күҙаллана. Инвестор ҙа табылған.

18 июн, 09:10

Башҡортостан Мәғариф министрлығы Мифтахетдин Аҡмулла исемендәге стипендияларға конкурс иғлан итте

Уға республика халыҡтары телдәрен өйрәнеү менән бәйле уҡыу һәм фәнни эшмәкәрлектә юғары ҡаҙаныштарға ирешкән урта һәм юғары уҡыу йорттары студенттары дәғүә итә ала.

18 июн, 08:08

Уҡыу йылы алдынан ата-әсәләр мәктәптә төшкө аштан ауыҙ итәсәк

"Мәғариф сәғәте"ндә Радий Хәбиров баш ҡала властарына шундай күрһәтмә бирҙе. Өфөлә балаларҙы өс муниципаль ойошма туҡландыра. Башҡортостандың сауҙа һәм ҡулланыусыларҙың хоҡуҡтарын яҡлау буйынса дәүләт комитеты артабан был структураларҙы берләштереп, уларҙы коммуналь түләүҙәрҙән азат итеү тәҡдимен индерҙе. Сөнки был сығымдар йылына 90 миллион һумдан ашып китә.

15 июн, 01:06

Дәүләт Думаһында фән тураһында ҡануниәт әҙерләнә

Фән төбәктәргә һәм хатта муниципалитеттарға ҡайтырға тейеш. Донъяла бындай тәжрибә киң ҡулланыла. Ләкин Рәсәйҙә фән тик ил үҙәгендә, һирәк осраҡта төбәктәр кимәлендә. Дәүләт Думаһының мәғариф һәм фән буйынса комитеты эксперт советы ағзалары был күренеште тамырынан үҙгәртеү яҡлы.

14 июн, 22:13

Республикала химиянан берҙәм дәүләт имтиханында йөҙ балл алыусылар һаны арта

Мәғариф министрлығынан белдереүҙәренсә, быйылғы имтихан һөҙөмтәләре буйынса, 29 кеше иң юғары балл йыйған. Уҙған йыл алты уҡыусы йөҙ балл алған. Шулай уҡ, тарихтан имтихан һөҙөмтәләре билдәле булды.

14 июн, 10:04

Дипломдар электрон рәүештә бирелә

Фән һәм мәҙәниәт министрлығы ошондай проект әҙерләй. Юғары уҡыу йорты дипломын электронға күсереү сығарылыш студенттарына эшкә урынлашырға ярҙам итә, тип белдерәләр ведомствонан.

13 июн, 18:03

Башҡортостанда шәхси балалар баҡсалары һәм мәктәптәргә дәүләт ярҙамы күрһәтелә

Быйыл ошо маҡсатта бюджеттан 140 миллион һум бүленгән. Сумманың ҙур өлөшөн балалар баҡсалары алған.

13 июн, 13:45

Ауылдарҙа йәш уҡытыусылар Республика башлығы грантына хоҡуҡлы

Конкурста йәше 35-тән артмаған, халыҡ һаны 10 меңгә тиклем тиклем булған ауылдарҙа уҡытыусы белгестәр ҡатнаша ала. Гранттар тураһында Указға республика етәксеһе Радий Хәбиров ҡул ҡуйҙы.

13 июн, 12:03

Географиянан - йөҙ балл

Әбйәлил районынан ун беренсе класс уҡыусыһы Берҙәм дәүләт имтиханынан 100 балл йыйған. Салауат ауылынан Зарема Хамматова алдан һынау тотҡан һәм уны бишкә тапшырған. Зарема — уҡыу алдынғыһы, география буйынса республика олимпиадалары еңеүсеһе.

11 июн, 16:27

Баймаҡ районының Байыш ауылы мәктәбе бер быуатлыҡ юбилейын билдәләне

Тантанаға мәктәпте төрлө йылдарҙа тамамлаған уҡыусылар, уҡытыусылар, абруйлы ҡунаҡтар йыйылды. Башланғыс синыфтарҙан ғына торған уҡыу йорто 1986 йылда урта мәктәпкә үҙгәртелә. Беренсе директоры итеп Рәсәйҙең Мәғариф алдынғыһы, Башҡортостандың атҡаҙанған уҡытыусыһы Урал Мәжитов тәғәйенләнә.

07 июн, 22:00

Өфөлә Псифест «Урал легендалары» форумы асылды

Бөтә Рәсәй фәнни-ғәмәли кәңәшмәлә психологтар тәжрибә уртаҡлаша. Форумда 10 төбәк һәм ун биштән ашыу ҡаланан, сит илдәрҙән дә ҡатнашыусылар бар. Ғалимдар, табиптар һәм был өлкә менән ҡыҙыҡһыныусылар өсөн лекциялар,оҫталыҡ дәрестәре ойошторола. Конференция быға тиклем Мәскәү һәм Симферополь ҡалаларында үткән.

07 июн, 21:59

Өфөлә 8-се Бөтә Рәсәй төркиәт конференцияһы эш башланы

Урал-Алтай быуаттар аша киләсәккә. Рәсәй Фәндәр академияһының Өфө ғилми үҙәгенә ҡараған тарих, тел һәм әҙәбиәт институты башланғысы менән ойошторолған фекер алышыу, Башҡортостандың халыҡ шағиры Мостай Кәримдең 100 йыллығына арнала.

06 июн, 19:58

Башҡорт балаларын Америка ҡушма штаттары белгестәре уҡытасаҡ

Баш ҡаланың Фатима Мостафина исемендәге 20-се башҡорт гимназияһында инглиз телен төплөрәк өйрәнеү буйынса йәйге лагерь асылды. "Интерколледж" профилле лагеры был уҡыу йортонда 15 йылдан ашыу эшләп килә. Сит илдәр менән тәжрибә уртаҡлашыу, белгестәр йәлеп итеү эше яҡшы ойошторолған.

06 июн, 19:53

Бөгөн Өфөлә "Урал-Алтай - быуаттар аша киләсәккә" тигән халыҡ-ара конференция асылды

Бындай сара баш ҡалала 8-се тапҡыр уҙғарыла, быйылғыһы Башҡортостандың халыҡ шағиры Мостай Кәримдең тыуыуына 100 йыл тулыуға арнала. Уны Рәсәй фәндәр академияһының Өфө ғилми үҙәгенең Тарих, тел һәм әҙәбиәт институты ойоштора.

06 июн, 11:37