Мәғариф һәм фән

Башҡортостанда тәүге төбәк география диктанты уҙҙы

География буйынса үҙ белемен тикшерергә теләүселәр Мифтахетдин Аҡмулла исемендәге Башҡорт дәүләт педагогия университетында ойошторолған диктантта ҡатнашты. Уларға Башҡортостан географияһы буйынса 35 һорау бирелде.

08 фев, 19:46

Өфө дәүләт авиация техник университетында яңы эшләнгән уҙыш машинаһы һынанылар

Студент болиды. Рәсәй фән көнө уңайынан Өфө дәүләт авиация техник университеты йәмәғәтселек иғтибарына уҡыу йортонда эшләнгән уҙыш машинаһы тәҡдим ителде. Ул 2019 йылда төрлө ярыштарҙа ҡатнашҡан. Болид мөмкинлектәре менән БСТ каналы хәбәрсеһе Рафиҡ Әхмәтшин ҡыҙыҡһынды.

08 фев, 19:45

Өфөлә йәш ғалимдар традицион балға йыйылды

Булмышын фәнгә арнаған йәштәр өсөнсө тапҡыр ауыл хужалығы министрлығының коллонналар залына йыйылды. Улар полнез бейеүендә ҡатнашты һәм лирик вальстарҙа әйләнде.19 быуаттың юғары ҡатлам йәмғиәте атмосфераһын БСТ каналы хәбәрсеһе Гүзәл Борханова тамаша ҡылды.

08 фев, 19:44

Әбйәлил районы Тупаҡ ауылында күптән көтөлгән мәктәп һәм балалар баҡсаһы файҙаланыуға тапшырылды

120 уҡыусыға һәм 60 балаға иҫәпләнгән мәғариф объектының асылыуын тупаҡтар уҡыу йылы башынан көттө. Ниһайәт, улар яңы белем усағын туйлау тантанаһына йыйылды.

08 фев, 19:43

Ҡазанда башҡорт телен уҡытыу курстарына балалар туплана башланы

Белем биреү февралдә үк башланасаҡ һәм майға тиклем дауам итә. Дәрестәр Халыҡтар дуҫлығы йортонда йәкшәмбе мәктәбе форматында үтәсәк.

08 фев, 19:43

Өфөлә Наил Ғәйетбаевтың «Бабич» романы буйынса китап уҡыусылар конференцияһы ойошторолдо

Әҙәбиәт музейы филиалы – Мәжит Ғафуриҙың йорт-музейында «Ағиҙел» журналы менән берлектә билдәле башҡорт яҙыусыһы Наил Ғәйетбаевтың «Бабич» романы буйынса китап уҡыусылар конференцияһы ойошторолдо. Сарала әҙиптең ҡәләмдәштәре, әҙәбиәт белгестәре, тарихсылар ҡатнашты.

07 фев, 21:00

Өфөнөң Затон микрорайонында музыка мәктәбе төҙөлә

Ул «Башҡортостандың 100 йыллығына – 100 объект» программаһы исемлегенә ингән. Баш ҡала хакимиәте мәктәптең әҙерлеген 96 процент тип баһалай. Объектта электр ҡоролмаларын монтажлау, мебель урынлаштырыу һәм бинаны биҙәү эштәре бара. Тулыраҡ БСТ каналы хәбәрсеһе Әлфинә Килдейәрова.

07 фев, 20:56

Бөгөн Өфөнөң Кузнецов затонында яңы балалар баҡсаһы асылды

Мәктәпкәсә белем биреү учреждениеһы 64 урынға иҫәпләнгән, йоҡо һәм уйын, өҫтәмә дәрестәр өсөн бүлмәләр, гимнастика залдары, медицина кабинеты, тәрбиәселәр өсөн айырым бүлмәләр булдырылған. Өфө ҡала хакимиәте башлығы урынбаҫары Алина Сөләймәнова.

07 фев, 13:00

Башҡортостанда балаларҙы беренсе класҡа алыу буйынса 8 меңдән ашыу ғариза ҡабул ителгән

Уларҙы 1 февралдән тапшырырға мөмкин. Мәктәптәргә ҡабул итеү нормалары тураһында Республика мәғариф һәм фән министрлығының бүлек етәксеһе Розалия Сәфиуллина һөйләй.

07 фев, 12:48

Рәсәй ВУЗдарында студенттар өсөн бюджет урындары арттырыла

Был турала Мәскәүҙә Дәүләт советы президиумы һәм Фән һәм мәғариф буйынса советтың киңәйтелгән ултырышында белдерелде. Ил президенты Владимир Путин тәү сиратта төбәктәрҙә ошо мәсьәләгә иғтибар кәрәк, тине.

07 фев, 10:00

Бөгөн Владимир Путин фән һәм мәғариф мәсьәләләренә арналған Дәүләт советы президиумы ултырышын үткәрҙе

Рәсәй университеттарының артабанғы үҫеш юлдары. Дәүләт башлығы эшкинмәгән юғары уҡыу йорттарын юҡҡа сығарыуҙы талап итте.

07 фев, 00:10

Өфөлә “Йыл уҡытыусылары” билдәләнде

Ҡала мәҙәниәт һарайында “Башҡортостандың баш ҡалаһы йыл уҡытыусыһы“, “Башҡортостандың баш ҡалаһы башҡорт теле һәм әҙәбиәте йыл уҡытыусыһы”, “Йөрәгемде балаларға бирәм” ҡала һөнәри конкурстарын ябыу тантанаһы үтте.

06 фев, 15:17

Өфөлә йыл уҡытыусыһы исеменә Дамир Шәмсетдинов лайыҡ булды

Уға 25 йәш, 56-сы мәктәптә рус теле һәм әҙәбиәтен уҡыта.

06 фев, 11:10

Башҡорт дәүләт аграр университеты белгестәре селекция юлы менән яңы картуф төрөн сығарған

Өмөтлө бүлбе. Ул вирустарға һәм сирҙәргә бирешмәй, мул уңыш алырға мөмкинлек бирә, - ти селекционерҙар. Киләсәктә яңы сорт сит илдән индерелгәндәрен алмаштырыр, - тип өмөтләнә аграр университет хеҙмәткәрҙәре.Улар менән БСТ каналы хәбәрсеһе Флорида Ким осрашты.

05 фев, 23:02

Өфөлә башланғыс класс уҡыусыларын бушлай туҡландырыуҙы ойоштороу буйынса кәңәшмә үтте

Дәүләт Йыйылышы – Ҡоролтай рәйесе урынбаҫары Эльвира Айытҡолова билдәләүенсә, әле был тәңгәлдә әҙерлек эштәре алып барыла, аш-һыу блоктары йыһазландырыла. Аутсорсинг буйынса эште яҡшы ойошторған Нефтекама ҡалаһы алдынғы эш тәжрибәһе менән уртаҡлашты.

05 фев, 18:10

Республикала ауыл педагогтарына миллион һум тапшырыла

Был аҡса халыҡ һаны 50 меңдән артмаған ауыл һәм ҡалаларға эшкә барған уҡытыусыларға түләнә. Программа быйыл тормошҡа ашырыла башлай.

05 фев, 16:04

Балаларға өҫтәмә белем биреү өсөн сертификаттар тапшырыла башлай

Башҡортостанда яңы уҡыу йылынан балаларға өҫтәмә белем биреү өсөн сертификаттар тапшырыла башлай. Уның суммаһы 8 мең 800 һум. Әле был проект республиканың 40-ҡа яҡын район һәм ҡалаһында һынау үтә. Республика мәғариф һәм фән министры Айбулат Хажин һөйләй.

05 фев, 09:21

Иглин районы үҙәгендә 260 урынлыҡ яңы балалар баҡсаһы төҙөлә

Мәктәпкәсә белем биреү учреждение “Йондоҙло” биҫтәһенә ҡарай. Билдәләнгән участкала ер эштәре башҡарылған, әле инженер селтәрҙәр менән тоташтырыу, инфраструктура булдырыу мәсьәләһе хәл ителә. Район хакимиәте башлығы Николай Самойленко.

04 фев, 19:38

«Миловка паркы» торлаҡ комплексында мәктәп һәм балалар баҡсаһы төҙөлә

Яңы биҫтәгә заманса социаль инфраструктура. Эштәр демография милли проекты сиктәрендә башҡарыла. Төҙөлөш федераль ҡаҙнанан финанслана. Эштәр барышын БСТ каналы хәбәрсеһе Рафиҡ Әхмәтшин күҙәтте.

04 фев, 19:06

Ауыл уҡытыусыларына- махсус программа

Бөгөн Республика Хөкүмәте Президиумы ултырышында “Ауыл уҡытыусыһы” программаһы менән таныштырҙылар. Ошондай проект беҙҙең республикала былтыр тормошҡа ашырыла башланы. Уның буйынса ауылға эшкә ҡайтҡан 100 йәш уҡытыусыға 600 мең һум грант бирелде.

04 фев, 18:10