Мәғариф һәм фән

Өфөлә «Башҡортостандың йыл уҡытыусыһы – 2018» конкурсы уҙа, унда республика район-ҡалаларынан 100-ҙән ашыу педагог ҡатнаша

«Йыл уҡытыусыһы» исеменә башланғыс синыф уҡытыусылары, әҙәбиәт, математика, физика, тарих һәм йәмғиәтте өйрәнеү, информатика, биология, сит телдәр, музыка һәм физкультура уҡытыусылары дәғүә итә. Республика конкурсы еңеүсеһе Бөтә Рәсәй бәйгеһендә Башҡортостан данын яҡлаясаҡ. Ә әлегә бәйгелә ҡатнашыусылар ярыш талаптары буйынса, аҙна дауамында һәләттәрен күрһәтә. Бөгөн уҡытыусылар эссе яҙһа, 27, 28 мартта оҫталыҡ дәрестәре уҙғара, артабан «Мәғариф проекттары» менән таныштыра, түңәрәк өҫтәлдә ҡатнаша. Сараны йомғаҡлау тантанаһы 31 мартта Мәжит Ғафури исемендәге Башҡорт дәүләт академия драма театрында үтә.

26 мар, 20:07

“Тере классика” конкурсы финалында Башҡортостан республикаһын яҡлар өсөн уҡыусылар көс һынаша

Башҡортостанда “Тере классика” конкурсының төбәк туры уҙғарыла. Унда 140 бала ҡатнашасаҡ.

28 мар, 12:13

Башҡортостанда «Ғаилә навигацияһы» тип аталған проект старт алды

Айырылышыуҙарҙы иҫкәртеүҙе маҡсат итеп ҡуйған программа Ғаилә йылы сиктәрендә тормошҡа ашырыла. Мифтахетдин Аҡмулла исемендәге Башҡорт дәүләт педагогия университетында 10 медиатор ай дауамында махсус курстар аласаҡ. Улар араһында психологтар ғына түгел, судъялар, ЗАГС хеҙмәткәрҙәре бар.

27 мар, 21:58

Бөрөлә Һәҙиә Дәүләтшинаның ижадына һәм тормош юлына арналған ғилми-ғәмәли конференция үтте

Әҙибәнең бай һәм үҙенсәлекле теле сәхнәлә күрһәтелде. Заһир Исмәғилев исемендәге Өфө дәүләт сәнғәт академия институты студенттары «Айбикә» повесынан өҙөктәр һөйләне. Сараның икенсе өлөшөндә «Һәҙиә» әҙәби конкурсына йомғаҡ яһалды. Үҫмерҙәр тормошона арналған әҙәби майҙанға танылған яҙыусылар менән бергә әлегә тиклем билдәле булмаған авторҙар ҙа сыҡҡан. Абруйлы жюриға егерме авторҙың утыҙлап әҫәре тәҡдим ителгән. Үҫмерҙәр тормошон сағылдырған проза конкурсы еңеүселәренә яҙыусы һәм йәмәғәт эшмәкәре Гүзәл Ситдиҡова үҙе яулаған балалар һәм үҫмерҙәр өсөн әҙәбиәт, сәнғәт өлкәһендә Һәҙиә Дәүләтшина исемендәге республика дәүләт премияһы аҡсаһын тапшырыуы оло мәғәнәгә эйә.

27 мар, 21:55

Быйыл йәй Башҡортостанда йәш археологтар мәктәбе ойоштороласаҡ

Кузеев исемендәге этнология тикшеренеүҙәре институтының Көньяҡ Урал археологик мираҫы бүлеге хеҙмәткәрҙәре был проектты тормошҡа ашырыуға «Ватан тарихы» фондының ярты миллион һумлыҡ Грантын ота. Ил кимәлендәге абруйлы конкурста конкуренция юғары була, унда Мәскәү, Санкт Петербург һәм Ҡазан ҡалаларының археологик тикшеренеүҙәр үҙәктәре лә ҡатнашыуға ғариза бирә.

26 мар, 20:15

Республикала Башҡортостан тарихы һәм мәҙәниәте буйынса олимпиада уҙҙы

Олимпиада Өфөнөң Ғ. Әлмөхәмәтов исемендәге республика гимназия-интернатында ойошторолдо. Төрлө райондан 126 уҡыусы ҡатнашты.

26 мар, 18:35

Йондоҙҙарҙы биш бармағы кеүек белә

25 мартта Волгоград ҡалаһында астрономия буйынса Бөтә Рәсәй мәктәп уҡыусылары олимпиадаһы үтте. Стәрлетамаҡ ҡалаһының 1-се гимназияһынан 10 синыф уҡыусыһы еңеүсе тип танылды.

26 мар, 18:16

10 уҡыусы Башҡортостан данын Рәсәй кимәлендә яҡлаясаҡ

Ҡыҙҙар-егеттәр республикала уҙғарылған Владимир Вернадский исемендәге йәш ғалимдар конкурсы еңеүселәре.

24 мар, 22:44

Бөгөн Өфө дәүләт нефть техник университетында робот техникаһы һәм инжиниринг буйынса республика чемпионаты үтте

«РобоЛига Рәсәй-2018» ярыштары сиктәрендә ойошторолған сараға илдең төрлө төбәктәренән, шулай уҡ Тажикстан һәм Абхазия республикалары вәкилдәре лә килде. Ҡатнашыусылар төрлө программаларҙа көслөләрҙе асыҡланы.

24 мар, 21:57

Теүәл һәм тәбиғи фәндәрҙе үҙ итеүселәр

Бөгөн Мифтахетдин Аҡмулла исемендәге Башҡорт дәүләт педагогия университетында сығарылыш синыфы уҡыусылары өсөн асыҡ ишектәр көнө үтте. Физика һәм математика факультетында белем алыусылар буласаҡ абитуриенттарҙы - корпустағы фәнни-тикшеренеү лабораториялары менән таныштырҙы.

24 мар, 19:59

Башҡортостандың иң яҡшы уҡытыусылары билдәләнәсәк

Өфөлә “Башҡортостан Республикаһының йыл уҡытыусыһы” конкурсы уҙғарыла. Конкурстың һайлап алыу турын төрлө муниципалитеттарҙан 141 педагог үткән.

23 мар, 17:42

Стәрлетамаҡҡа 20 сит ил студенты ҡунаҡҡа килгән

Улар Донъя халыҡтарының мәҙәниәте фестивалендә ҡатнашасаҡ. Сара 31-се мәктәп нигеҙендә ойошторола.

23 мар, 13:12

Өфөлә Мәжит Ғафуриҙың мемориаль йорт-музейы асылыуға 70 йыл тулды

Ошо уңайҙан ике көн дауамында халыҡ-ара вәкилдәр ҡатнашлығында «Мәжит Ғафури - Башҡортостандың беренсе халыҡ шағиры. Күренекле шәхестәрҙең исемдәрен мәңгеләштереүҙә музейҙар эшмәкәрлеге» Бөтә Рәсәй ғилми-ғәмәли конференцияһы үтте.

22 мар, 20:31

Кадеттар ярыша

Бөгөн баш ҡалала «Рәсәйҙең Ғәҙәттән тыш хәлдәр профиле буйынса иң яҡшы кадеты» республика конкурсы үтте. Ярышта Өфө, Стәрлетамаҡ, Салауат, Ишембай, Дюртөйлө, Нефтекама, Октябрьский ҡалаларынан кадет корпустары һәм синыфтары уҡыусылары ҡатнашты. Конкурс бер- нисә этаптан тора.Кадеттар тәүҙә тест һорауҙарына яуап бирҙе. Янғын хәүефһеҙлеге, беренсе ярҙам күрһәтеү буйынса практик белемдәрен күрһәтте.

22 мар, 19:59

Башҡортостанда йәш ғалимдар өсөн Республика Башлығы гранты булдырыла

Конкурста 35 йәшкә тиклемге аспиранттар һәм фән кандидаттары ҡатнаша ала.

22 мар, 16:58

Бөгөн Өфөлә "Рәсәйҙең Ғәҙәттән тыш хәлдәр буйынса иң яҡшы кадеты" республика конкурсы бара

Ярышта Өфө, Стәрлетамаҡ, Салауат, Ишембай, Дюртөйлө, Нефтекама, Октябрьский ҡалаларының кадет корпустары һәм кадет синыфтары уҡыусылары ҡатнаша.

22 мар, 13:15

Өфөлә Мәжит Ғафуриҙың мемориаль йорт-музейы асылыуға 70 йыл тулды

Ошо уңайҙан бөгөн баш ҡалала халыҡ-ара вәкилдәр ҡатнашлығында "Мәжит Ғафури - Башҡортостандың беренсе халыҡ шағиры. Күренекле шәхестәрҙең исемдәрен мәңгеләштереүҙә музейҙар эшмәкәрлеге" бөтә Рәсәй ғилми-ғәмәли конференцияһы үтә.

22 мар, 13:11

Бөгөн илдә Берҙәм дәүләт имтиханын алдан биреү этабы башланды

Республикала ул Өфөнөң Киров һәм Калинин райондарында һәм Ишембай ҡалаһындағы пункттарҙа ойошторолдо. Һынауҙар 11 апрелгә тиклем дауам итә.

21 мар, 21:05

Фермерҙар мәктәбенә ғаризалар ҡабул ителә башланы

“Фермерҙар мәктәбе” Башҡортостандың Йәш депутаттары ассоциацияһы һәм БР-ҙың Ауыл хужалығы министрлығы берлектә әҙерләгән яңы проект.

21 мар, 17:49

Бөгөн Өфөлә Башҡортостандың эшҡыуарлыҡ һәм туризм буйынса дәүләт комитеты, Мәғариф министрлығы Республика Профсоюздар федерацияһы менән берлектә балалар өсөн турҙар һәм юлламалар йәрминкәһен ойошторҙо

Сарала Башҡортостандың һауыҡтырыу лагерҙары һәм туроператорҙары вәкилдәре ҡатнашты. Улар яҙғы-йәйге миҙгелгә тәҡдимдәр менән таныштырҙы. Йәрминкә сиктәрендә балалар туризмын ойоштороу һәм хәүефһеҙлек мәсьәләләренә, төбәк-ара әһәмиәттәге программаларҙы үҫтереүгә арналған түңәрәк өҫтәл үткәрелде. Быйыл республиканан 390 меңдән ашыу бала йәйге лагерҙарҙа каникулдарын файҙалы итеп уҙғарыр, тип көтөлә.

21 мар, 12:47