Йәмғиәт

Ауырғазы үҙәк район китапханаһында Миҙхәт Хәсәнов менән осрашыу кисәһе үтте

Ул республикала тәбиғәт һаҡсыһы булараҡ билдәле. Һуңғы йылдарҙа башҡарған бар эштәре лә экологияға бәйле.

20 июл, 21:55

Өфө районының Нөрлө ауылы янында юлһыҙ ерҙән йөрөүсе автомобилдәр ярышы үтте

Капот өҫтөнән һыу, ә тәгәрмәстәрҙә көс еткеһеҙ мәте. Пилоттарҙың йөҙө лә батҡаҡланып бөтөүгә ҡарамаҫтан, йылмайыу китмәй. Өфө районының Нөрлө ауылы янында юлһыҙ ерҙә йөрөүсе автомобилдәр ярышы үтте. Унда республиканың төрлө райондарынан 13 команда ҡатнашты. Өфө районы хакимиәте ярҙамында үткәрелгән спорт ярышынан БСТ каналы хәбәрсеһе Гүзәл Борханова репортажы.

20 июл, 21:54

Рәсәйҙә йәшәүсе сик буйы ғәскәрҙәре ветерандары Башҡортостанда осрашты

Иглин районында уҙған төбәк-ара форумда «Ямалдан Мәскәүгә тиклем» акцияһына йомғаҡ яһалды, ил төбәктәренән килгән погрансыларға артабан Өфөнөң иҫтәлекле урындары буйлап экскурсия ойошторолдо.

20 июл, 21:54

Өфөнөң Спорт һарайы алдындағы майҙанда быйылғы тәүге еләк йәрминкәһе үтте

Республика питомниктары, фермер хужалыҡтары һәм шәхси эшҡыуарҙар баш ҡала халҡына үҙҙәре үҫтергән емеш-еләкте тәҡдим итте. Сейә, ҡарағат, ҡурай еләге, ер еләге һәм башҡа продукцияны Өфө халҡы тиҙ арала һатып алып бөттө.

20 июл, 21:53

Көйөргәҙе районы Ермолаев ауылының кооперативы 2 миллион һумдан ашыу грант отҡан

Заманса ит үткәргестәр, төрөү, тултырыу ҡоролмаһы тиҙлеккә ярайһы йоғонто яһай - цехта эш 90 процентҡа автоматлаштырылған. Хеҙмәткәрҙәр әйтеүенсә, етештерелгән продукцияның сифаты ла яҡшырған. Ит ризыҡтарын һаҡлау өсөн яңы һыуытҡыстар ҙа ауыл хужалығы министрлығынан бүленгән грант аҡсаһына алына.

20 июл, 21:52

Өфөлә ит сифатын тикшереү буйынса ветеринар лаборатория асылды

Дәүләт ҡарамағындағы учреждениела хәләл ит ризыҡтары менән генә эш итеү күҙаллана. Белгестәр махсус шарттарҙа продукцияның сифатын ҡарап, иттең хәләл категорияһын билдәләгән сертификаттар бирә башлаясаҡ. Теманы Флорида Ким дауам итә.

20 июл, 21:51

Нуриман һәм Иглин районындағы юл мәсьәләләрен Инцидент хәл итте

Нуриман районы Первомайск һәм Саруа ауылдары араһындағы юл күптән инде ҡаршылыҡ һыҙатын хәтерләтә. Көн дә уның аша кешеләр эшкә йөрөй. Ағас тейәгән йөк машиналары өсөн дә был әһәмиәтле ара. Сөнки ул Ҡариҙел районында ағас әҙерләүселәрҙе Өфөгә илткән берҙән-бер юл һанала. Ә Бөрө аша сыҡҡанда артыҡ 150 саҡрымды үтергә тура килә. Ташҡын мәлендә иһә машиналар был участканан бөтөнләй үтә алмай.

20 июл, 20:21

Баймаҡ районында III «Аҫылташ» башҡорт мәҙәниәте форумы үтә

Дүрт көн дауамында барасаҡ был сара йәштәргә үҙҙәрен күрһәтеүгә, проекттарын яҡлау һәм яңы таныштар табыу өсөн киң мөмкинлектәр аса.

19 июл, 23:18

Аттракциондарға ҡарата хәүефһеҙлек талаптары ҡәтғиләшә

Был хаҡта Дәүләт техник күҙәтеүе етәкселеге сираттағы кәңәшмәлә белдерҙе. Йәйге ялдың иң ҡыҙыу осоронда уйын ҡоролмаларын ҡулланыуҙа ҡағиҙәләр һәм талаптарҙы БСТ каналы хәбәрсеһе Гүзәл Борханова өйрәнде. Тулыраҡ киләһе яҙмала.

19 июл, 23:10

«Өфө Арена»ла көйәрмәндәр өсөн викторина-бәйге ойошторолдо

«Өфө Арена»ла хоккей квизы. Көйәрмәндәр «Салауат Юлаев» командаһына арналған викторинала ҡатнашыу өсөн командаларға берләште. Унда ҡатнашыусылар дүрт өлөштән торған 28 һорауға яуап бирҙе. Квизда команда уйынсылары ла белемен һынап ҡараны.

19 июл, 22:33

Иртәгә Өфөлә быйылғы тәүге еләк йәрминкәһе үтә

Унда ҡатнашыу өсөн республика питомниктары, фермер хужалыҡтары һәм емеш-еләк үҫтереүсе шәхси хужалар саҡырыла. Йәрминкәлә шулай уҡ айырым һаҡлау шарттары талап ителмәгән ауыл хужалығы продукцияһын һатырға ла мөмкин.

19 июл, 22:29

21 июлдә металлургтар һөнәри байрамын билдәләй

«Бүребай» тау-байыҡтырыу комбинаты баҡыр колчеданы мәғдәнен сығарыу һәм байыҡтырыу, алтын һәм көмөш табыу менән шөғөлләнә. Ойошма яңы технологиялар ярҙамында етештереү ҡеүәтен арттырмаҡсы. Ошо маҡсатта әле яңы бина төҙөлә, унда өҫтәмә флот машиналар ҡуйыласаҡ.

19 июл, 22:25

Көйөргәҙе районының Керәүле-Илюшкин ауылы эргәһендәге күл өсөн ыҙғыш башланған

Быуа өсөн бәхәс. Көйөргәҙе районында урындағы халыҡ менән шәхси эшҡыуарҙар араһында Керәүле-Илюшкин ауыл эргәһендәге күл өсөн ғауға сыға. Бер нисә йыл элек йүнселдәр Кузнецов быуаһын балыҡ үрсетер өсөн ҡуртымға алып граждандарға һыу буйына инеүҙе тыя башлай. Ауыл халҡы быуала бөтә граждандар ҙа балыҡ ҡармаҡларға хаҡлы тигән фекерҙә. Теманы Флорида Ким дауам итә.

19 июл, 22:24

Башҡортостан юлдарының 2 мең саҡрым участкаһына термопласт билдә һалынған

Әлегә Нуриман, Мәсетле, Балаҡатай райондарында яңы ысул буйынса юл һыҙаттары бүленә. Белгестәр билдәләүенсә, ябай буяуҙан айырмалы, термопластың файҙаланыу ваҡыты оҙағыраҡ, ул юғары һауа температураһына ла сыҙамлы. Юл хәрәкәте хәүефһеҙлеген тәьмин итеүгә йүнәлтелгән саралар хаҡында БСТ каналы хәбәрсеһе Гөлназ Хәйбуллина.

19 июл, 22:23

Рәсәйҙә электрон паспорттар ғәмәлгә инәсәк

Электрон паспорт - чиплы пластик карта. Фото, бармаҡ эҙе һәм шәхестең идентификация мәғлүмәттәре - картала кеше тураһында бөтә мәғлүмәт туплана. Паспорт һалым түләүсенең идентификация һандарын, мотлаҡ пенсия страховкаһын, медицина полисын берләштерәсәк.

19 июл, 22:23

Өфө мэрияһынан гранттар бүленә

Улар коммерция булмаған ойошма һәм территориаль йәмәғәт үҙидаралыҡтарға мөһим социаль проекттар өсөн бирелә. Конкурс “Өфө – әүҙем ҡала” һәм “Ҡаланы бергә төҙөкләндерәйек!” тип атала.

19 июл, 16:22

Ағиҙел ҡалаһындағы 30 подъезды ремонтлау өсөн 10 миллион һумдан ашыу аҡса бүленәсәк

Республика етәксеһе Радий Хәбиров Ағиҙелдә ихата биләмәләрен төҙөкләндереү һәм подъездарҙы ремонтлау менән танышты.

19 июл, 16:00

Башҡортостанда эҫе һауа торошо көтөлә

Синоптиктар әйтеүенсә, көньяҡ-көнсығыш райондарҙа 38 градусҡаса эҫетә. Бындай һауа торошо һаулыҡҡа кире тәьҫир итә. Башҡа эҫе ҡабыу хәүефе янай. “Иң беренсе физик әүҙемлекте кәметеү һәм һыу эсеүҙе арттырырға кәрәк”, - ти табип Сәриә Абдулова.

19 июл, 15:09

Баймаҡ районында мал аҙығы әҙерләү эштәре дауам итә

Бөгөнгө көндә майҙандарҙың 60 процент самаһы ерҙә үлән сабылған, хужалыҡтарҙа бесән һәм утлы аҙыҡтар әҙерләү бара.

19 июл, 13:13

Ил президенты эш сәфәре менән Магнитогорск ҡалаһында

Бөгөн Владимир Путин металлургия комбинатының тау-байыҡтырыу фабрикаһында “5-се аглофабрика” производствоһын асыуҙа ҡатнаша, урындағы металлургтарҙы һөнәри байрамы менән ҡотлай.

19 июл, 12:00