Йәмғиәт

Санкт-Петербургта Башҡортостан көндәре дауам итә

Республиканан унда әле Бөтә донъя башҡорттары ҡоролтайы делегацияһы эшләй. Вуздарҙа студенттар менән осрашыу, оҫталыҡ дәрестәре үткәреү,иҫтәлекле урындарҙа булыу һәм башҡалар. Бай һәм йөкмәткеле программа иртәгә йомғаҡланасаҡ. Делегация составында беҙҙең ижади төркөм дә бар. Һүҙ БСТ каналы хәбәрсеһе Рәмилә Исмәғилеваға.

11 окт, 22:08

Бөгөн Өфөлә үҙенсәлекле хәрби акция үтте

«Килешеү буйынса хәрби хеҙмәт – һин һайлаған юл!». Бөгөн Өфөнөң Салауат Юлаев майҙанында үҙенсәлекле акция үтә.

11 окт, 22:00

Баш ҡалала республика көнөнә арналған тантаналы ултырыш уҙҙы

Беҙ ата-бабалар рухына тоғро ҡалып, киләһе быуынға ҡеүәтле, сәскә атҡан Башҡортостанды тапшырырға бурыслы. Был турала Радий Хәбиров бөгөн Республика көнөнә арналған тантаналы ултырышта белдерҙе. Быйыл байрам тарихи дата сиктәрендә үтә, Башҡортостан үҙенең бер быуатлыҡ юбилейын билдәләй. Тәүге автономиялы республиканың барлар ҡаҙаныштары ла, олуғ маҡсаттар ҡуйыр мөмкинлектәре лә етерлек. Улар хаҡында БСТ каналы хәбәрсеһе Рәмзиә Кәримова репортажы.

11 окт, 21:59

Бөгөн Башҡортостан оло байрамын билдәләй

1990 йылдың 11 октябрендә Башҡорт АССР-ы Юғары советы Башҡортостандың Дәүләт суверенитеты тураһында декларация ҡабул итте. Ошо уңайҙан Башҡортостандың барлыҡ төбәктәрендә лә байрам саралары ойошторола.

11 окт, 21:58

«Полиэф» предприятиеһындағы авария эҙемтәләрен тикшереү дауам итә

Борсолорға урын юҡ. Эсәр һыуҙа химик мәтдәләрҙең миҡдары норманан артыҡ түгел, тип белдерә «Өфө һыу каналы» етәкселеге. «Полиэф» предприятиеһында авариянан һуң лаборатория хеҙмәткәрҙәре тәүлек әйләнәһенә эшләргә күскән.

10 окт, 22:42

«Сибур» йәмғиәте идараһы рәйесе Башҡортостан башлығынан һәм төбәк халҡынан ғәфү үтенде

«Полиэф» предприятиеһындағы авария өсөн ғәфү үтенде. Республика йортонда Благовещен районындағы ғәҙәттән тыш хәл буйынса кәңәшмә үтте. Осрашыуҙа Радий Хәбиров авария эҙемтәләрен бөтөрөү һөҙөмтәләре менән танышты.

10 окт, 22:40

Киләһе аҙнала республиканың иң матур ауылы билдәле буласаҡ

Башҡортостан юлдаш телевидениеһы һәм «Республиканың муниципаль берәмектәр Советы» Ассоциацияһы тарафынан ойошторолған конкурсҡа ниһәйәт йомғаҡ яһала.

10 окт, 22:34

Өфөлә «Йәштәр – республика йөрәге» фестивале үтте

Йолаға әйләнгән был сара йылдағыса Республика көнө алдынан ойошторола.

10 окт, 22:33

Стәрлетамаҡ ҡалаһында һөт кухняһы продукцияларын бушлай таратыу буйынса яңы пункт эшләй башланы

Ошоға тиклем ваҡытлыса нөктәләр булһа, хәҙер һөт ризыктарын айырым кибеттә алырға мөмкин. Һөт кухняһының урынлашыу урыны ла уңайлы, тип билдәләй халыҡ. БСТ каналы хәбәрсеһе Әлфинә Килдейәрова дауам итә.

10 окт, 22:32

Башҡортостанда һалым грамоталығы аҙналығы үтә

Акция сиктәрендә федераль һалым хеҙмәтенең Башҡортостан буйынса идаралығы белгестәре мәктәп уҡыусыларына һәм уларҙың ата-әсәләренә дәүләт үҫешендә һалымдарҙың роле хаҡында һөйләй, электрон сервистар мөмкинлектәрен күрһәтә. Шулай уҡ осрашыуҙа милек һалымдарын түләү ваҡыты хаҡында иҫкәртелә.

10 окт, 22:31

Башҡортостанда Мостай Кәримдең Комсомол билетын тапҡандар

Табыусыһы үҙе тураһында белдерергә теләмәгән, документты әҙиптең ҡыҙы Әлфиә Кәримоваға тапшырған.

10 окт, 15:20

Башҡортостанда суд приставтары үпкә ауырыуы булғандарҙы мәжбүри рәүештә дауаханаға һала

Быйыл туберкулез менән сирләгән 26 кеше тикшереүгә ебәрелгән.

10 окт, 15:15

Шаран районы Мичуринск ауылы халҡы ла байрамға бүләкһеҙ ҡалмай

Унда коммуналь һәм янғын һүндереү техникаһы депоһы асылды. Обьект “Берҙәм Рәсәй ” партияһының “Реаль эштәр”проектына ярашлы төҙөлгән.

10 окт, 15:10

Башҡортостан мосолмандары Диниә назараты ҙур йыйынға әҙерләнә

Киләһе аҙна дини ойошманың сираттағы съезы үтә. Унда ҡараласаҡ төп мәсьәлә: Диниә назараты рәйесен раҫлау. Мөфтиәттең беренсе урынбаҫары Әйүп Бейбарсов.

10 окт, 13:13

Тәмәкә тартҡан улы өсөн атаһы яуап бирәсәк

Рәсәйҙә тәмәке көйрәтеүсе балаларҙың ата-әсәләрен яуапҡа тарттырырға тәҡдим ителә. Эске эштәр министрлығында ошо турала проект әҙерләнә.

10 окт, 12:18

Башҡортостанда үлемесле авариялар кәмегән

Уҙған йылдың ғинуар-сентябр айҙары менән сағыштырғанда һан 20 процентҡа аҙыраҡ, тип хәбәр итәләр Республика юл полицияһынан. Башҡортостан автоинспекцияһы етәксеһе Динар Ғилметдинов әйтеүенсә, балалар ҡатнашлығында авариялар әле һаман ҙур проблема булып ҡала.

10 окт, 11:13

Башҡортостан халҡы һанлы телевидениға күсеү тураһында ҡыҙыу элемтәгә шылтырып белешә ала

8-800-347-00-55 һандарына көн һайын 300-ҙән ашыу мөрәжәғәт-һорау килә. Шылтыратыуҙарҙы ҡабул итеү үҙәге етәксеһе Денис Алдағолов.

10 окт, 11:11

Республикала иң матур ауыл билдәләнәсәк

Бөгөн Башҡортостан юлдаш телевидениеһы сайтында “Матур ауыл” конкурсында ҡатнашыусы ауылдарҙы билдәләү өсөн интернет-тауыш биреү тамамлана. 10 финалист араһынан иң күп тауыш йыйған 3 ауыл супер-финалға сыға. Улар араһынан баһалама комиссияһы призлы урындар билдәләй, ти конкурсты ойоштороу комитеты ағзаһы Наил Юнысов.

10 окт, 10:10

Өфөлә «Ғәскәровсылар менән бейейем» акцияһы үтте

Фәйзи Ғәскәров исемендәге дәүләт академия халыҡ бейеүҙәре ансамбле 80-се ижад миҙгелен асырға әҙерләнә. Юбилей уңайынан Интернет селтәрендә бейеү конкурсы иғлан ителгәйне. Бөгөн Өфөнөң Матросов паркында күләмле флешмоб үтте. Саранан хәбәрсеһе Әлфинә Килдейәрова яҙмаһында.

09 окт, 23:07

Бөгөн ил буйынса Бөтә Рәсәй иҡтисад диктантын яҙалар

Өфөләге майҙансыҡ Башҡортостан башлығы ҡарамағындағы Дәүләт хеҙмәте һәм идара итеү академияһында ойошторолдо. Акцияла студенттар, педагогтар, барлығы ҡырҡ кеше ҡатнашты. Улар тәүге ҡағыҙ аҡсаларҙың ҡасан барлыҡҡа килеүе, кредит карталары, банк депозиттары һәм акциздарға бәйле тест форматында егерме һорауға яуап бирергә тейеш ине. Сара халыҡтың финанс грамоталығын күтәреү, иҡтисади әүҙемлеген баһалауға йүнәлтелгән.

09 окт, 23:04