Сәйәсәт

Республикала Мөрәжәғәтнамә буйынса эштәр башланды

Ил Президентының Федераль Йыйылышҡа мөрәжәғәтнамәһе халыҡ мәнфәғәтенә йүнәлтелде.

21 ғин, 16:00

Ҡыйғы районы хакимиәте башлығы вазифаһын башҡарыусы итеп Зөһрә Гордиенко тәғәйенләнде

Ул республикала муниципалитет башлыҡтарынан тәүге ҡатын-ҡыҙ. Республика Башлығы Радий Хәбиров яңы кандидатураның һөнәри сифаттарын баһалап, уны урындағы депутаттар менән таныштырҙы. Зөһрә Гордиенко – Учалы районынан. Был вазифаға тиклем 8 йыл Учалы районы хакимиәте башлығының социаль мәсьәләләр буйынса урынбаҫары була.

21 ғин, 15:00

Радий Хәбиров Волга буйы федераль округының медиалогия рейтингында беренсе баҫҡыста нығынды

Медиология агентлығы Рәсәй төбәктәре етәкселәренең 2019 йылғы рейтинг һөҙөмтәләрен иғлан итте. Волга буйы федераль округының төбәк башлыҡтары араһында Радий Хәбиров беренсе баҫҡыста нығынды.

18 ғин, 02:28

Медиология агентлығы Рәсәй төбәктәре етәкселәренең 2019 йылғы рейтинг һөҙөмтәләрен иғлан итте

Волга буйы федераль округының төбәк башлыҡтары араһында Радий Хәбиров беренсе баҫҡыста нығынды. Икенсе урында Түбәнге Новгород өлкәһе губернаторы Глеб Никитин, өсөнсөлә Татарстан етәксеһе Рөстәм Миңлеханов. Дөйөм Рәсәй күрһәткестәре буйынса ла медиалогия рейтингында ...

17 ғин, 21:30

Михаил Мишустин Рәсәй Хөкүмәте Премьер-министры итеп тәғәйенләнде

Президент Владимир Путин ошо турала Указға ҡул ҡуйҙы. Быға тиклем Михаил Мишустин кандидатураһы Дәүләт Думаһында ҡаралды. Депутаттарҙың күбеһе уның өсөн ыңғай тауыш бирҙе.

17 ғин, 10:05

Рәсәй хөкүмәтендә үҙгәрештәр мотлаҡ була

Министрҙар Кабинетына яңы рәйес вазифаһына тәҡдим ителеүсе Михаил Мишустин ошо хаҡта белдергән. Аныҡ ҡарарҙар тураһында әлегә хәбәр ителмәй.

16 ғин, 15:00

Бөгөн Өфөлә Республика башлығы Рәсәй президентының Федераль Йыйылышҡа мөрәжәғәтнамәһенә арналған ултырыш уҙғарҙы

Владимир Путин илебеҙҙең бөйөклөгө уның граждандарында, уларҙың йәшәү кимәлендә тип билдәләне. Быйылғы мөрәжәғәт социаль йүнәлешле булыуы менән айырылып тора, тине Радий Хәбиров.

16 ғин, 12:00

Рәсәй Хөкүмәте тулы составта отставкаға китте

Премьер-министр Дмитрий Медведев ил Президенты Федераль Йыйылышҡа йыллыҡ мөрәжәғәтнамәһендә Конституцияға үҙгәрештәр индереү башланғысы менән сығыш яһағандан һуң әлегә тиклем эшләп килгән хөкүмәттең вәкәләттәрен туҡтатыу дөрөҫ булыр тигән һығымтаға килде.

16 ғин, 01:04

Владимир Путин сығышында Рәсәй Конституцияһына үҙгәрештәр индерергә тәҡдим итте

Министрҙар, депутаттар, сенаторҙар, төбәк башлыҡтары, судьяларға икенсе дәүләт гражданлығын алыу хоҡуғы сикләнә.

15 ғин, 16:28

Рәсәй Президенты Владимир Путин Әсәлек капиталын арттырыу тураһында белдерҙе

Дәүләт башлығы был турала Федераль Йыйылышҡа мөрәжәғәтнамәһендә әйтте. Ошо йылдың 1 ғинуарынан ғаиләлә тыуған беренсе сабый өсөн 466 мең 616 һум аҡса түләнәсәк.

15 ғин, 16:00

Ил башлығы Федерация Советына мөрәжәғәтнамә менән сығыш яһай

Владимир Путиндың телмәрен үҙәк каналдарҙа тура эфирҙа ҡарарға була. Быйыл был йола 15 тапҡыр ойошторола. Ил президентының Федерация Советына мөрәжәғәтнамәһе теүәл 1 сәғәттән башлана.

15 ғин, 13:01

Республика башлығының төнъяҡ райондар буйлап эш сәфәре дауам итә

Бөгөн Радий Хәбиров Тәтешлелә эшҡыуарҙар эшмәкәрлеге менән танышты. Тәтешле районында йәмғеһе 300-ҙән ашыу бәләкәй һәм урта бизнес ойошмаһы иҫәпләнә. Эшләп йөрөгән халыҡтың яртыһы эшҡыуарҙарҙа хеҙмәт итә. Сәфәр хаҡында "Башинформ" агентлығы хәбәрсеһе Азат Ғиззәтуллин һөйләй.

14 ғин, 18:00

Радий Хәбиров Тәтешлелә “Хакимиәт башлығы сәғәте” ултырышын үткәрҙе

Район хакимиәте башлығы Рушан Гәрәев менән осрашыуҙа социаль-иҡтисади мәсьәләләр буйынса фекер алышыу булды. Һуңғы йылдарҙа Тәтешлелә мәктәп, балалар баҡсаһы, физкультура-һауыҡтырыу комплексы, мәҙәниәт һарайы, торлаҡ йорттар төҙөлгән.

14 ғин, 16:00

Радий Хәбиров Тәтешлелә эшҡыуарҙар эшмәкәрлеге менән танышты

Районға сәфәре барышында Республика Башлығы Камил Ибәтуллин ойошмаһында булды. Ул картография һәм топография-геодезия төшөрөү менән шөғөлләнә. Ойошма дәүләт заказдары буйынса эшләй. Бынан тыш, цехта полистерол бетон блоктар етештерелә һәм тимер сүкеп әйберҙәр эшләйҙәр.

14 ғин, 15:00

Республика парламентында яңы депутат

Мандат КПРФ ағзаһы Сергей Колесниковҡа бирелде.

14 ғин, 11:05

Дәүләт Йыйылышы – Ҡоролтай рәйесе Константин Толкачев бөгөн профессиональ нигеҙҙә эшләүсе депутаттар менән осрашты

Унда көҙгө сессиялағы эшмәкәрлеккә йомғаҡ яһалды һәм яҙғы сессияға эш планы билдәләнде. Константин Толкачев әйтеүенсә, уҙған йылда депутаттар 7 президиум, 6 пленар, 60-тан ашыу комитет ултырышы, 14 түңәрәк өҫтәл уҙғарған. “Юлдаш” радиоһына биргән интервьюһында ул “Һаулыҡ һаҡлау” өлкәһенә айырым туҡталды.

10 ғин, 15:46

Диана Ихсанова республика башлығының матбуғат секретаре итеп тәғәйенләнде

Башҡортостан етәксеһе Радий Хәбиров ошо туралағы указға ҡул ҡуйҙы.

10 ғин, 13:00

Бөрйәндә яңы етәксе

Район хакимиәте башлығы вазифаһына Ғәзиз Манапов тәғәйенләнде. Конкурс комиссияһы ҡарары буйынса ул еңеү яуланы. Быға тиклем Ғәзиз Манапов район хакимиәте башлығы урынбаҫары булды.

31 дек, 10:29

Йыл һайлауы

Йылдың төп сәйәси ваҡиғаһы – һайлау. Быйыл Башҡортостан халҡы республика башлығын һайлап Радий Хәбировты вазифаһын башҡарыусы ҡушымтаһынан азат итте.

31 дек, 02:05