Сәйәсәт

Дәүләт Йыйылышы-Ҡоролтайҙың Дәүләт Думаһы һәм Федерация Советында фекерҙәштәре барлыҡҡа килде

Башҡортостан һәм Ямал-Ненец автономиялы округы закон сығарыусылары хеҙмәттәшлек тураһындағы килешеүгә ҡул ҡуйҙы. Документ ике төбәк парламенттарына федераль кимәлдә берлектә закон башланғыстары менән сығыш яһау мөмкинлеге бирә.

07 июн, 21:55

Һайлауҙар - күҙәтеү аҫтында

Башҡортостан Башлығын һайлауҙа Өфөләге 400-ҙән ашыу һайлау участкаһы һәм 70-кә яҡын территориаль һайлау участкаһында видеокүҙәтеү була. Был турала Үҙәк һайлау комиссияһы рәйесе урынбаҫары Марат Ғәҙелов белдерҙе.

07 июн, 13:00

Республика башлығын һайлау кампанияһына әҙерлек башланды

8 сентябрҙә 3 мең 435 һайлау участкаһы эшләйәсәк. Башҡортостан үҙәк һайлау комиссияһы рәйесе Илона Макаренко белдереүенсә, республика башлығын һайлау йылдың төп ваҡиғаларының береһе. Уға әҙерлек бөтә кимәлдә алып барыла.

06 июн, 18:04

Үҙәк һайлау комиссияһында “ҡыҙыу бәйләнеш” булдырылды

Һайлаусыларға мәғлүмәт еткереү һәм һайлауға әҙерлек барышын күҙәтеү маҡсатында республика Үҙәк һайлау комиссияһында “ҡыҙыу бәйләнеш” ойошторола. Ул 14 июндән 10 сентябргә тиклем эшләй.

06 июн, 13:05

Бөгөн "Башинформ" агентлығында Республика Үҙәк һайлау комиссияһы конференция ойоштора

“Һайлау-2019:һайлау хоҡуғы һәм һайлау процессы новациялары” темаһына арналған конференцияла Башҡортостан үҙәк һайлау комиссияһы рәйесе Илона Макаренко, урынбаҫары Марат Ғадилов, комиссия секретары Марина Долматова ҡатнаша.

06 июн, 07:04

Италия Башҡортостандың тышҡы иҡтисади партнерҙары араһында тәүге ун ил араһына инә

Башҡортостан етәксеһе Италияның Рәсәйҙәге Ғәҙәттән тыш һәм Тулы хоҡуҡлы илсеһе Паскуале Террачано менән осрашты. Яҡтар иҡтисад, гуманитар һәм социаль өлкәләрҙә хеҙмәттәшлекте нығытыу тураһында фекер алышты. Радий Хәбиров билдәләүенсә, Италия республиканың тышҡы иҡтисади партнерҙары араһында тәүге ун ил араһына инә.

31 май, 23:37

Дәүләт Йыйылышы-Ҡоролтай Республика башлығын һайлау датаһын билдәләне

Сәйәси кампания 2019 йылдың 8 сентябрендә үтәсәк. Был дата алдан уҡ билдәле булыуға ҡарамаҫтан, парламентта уны ҡануни яҡтан иҫбатлап ҡуйыу мотлаҡ процедура һанала. Юғиһә һайлау көнөн үҙәк һайлау комиссияһы йәки конституция суды тәғәйенләргә бурыслы.

30 май, 22:57

Республика Башлығы 8 сентябрҙә һайлана

Бөгөн Башҡортостан парламенты пленар ултырышында ошо турала ҡарар ҡабул ителде.

30 май, 15:00

Өфө һәм Кишинев араһы яҡыная

Молдова президенты Игорь Додон етәкселегендәге рәсми делегация Башҡортостанға килде. Бөгөн Молдова Башлығы Башҡорт дәүләт университеты студенттары менән осрашты. Быйыл Молдова дәүләтселегенә нигеҙ һалыныуға 660 йыл тула. Президент йәштәрҙе тыуған иленә уҡырға саҡырҙы.

30 май, 13:00

Башҡортостанға эш сәфәре менән Молдова делегацияһы килде

Уны республика президенты Игорь Додон етәкләй. Төньяҡ-көнсығыш Европаға ҡараған Молдова республикаһы, йәғни элекке Молдавия ҡунаҡтары беҙҙең республикаға Ҡаҙағстандың Нурсолтан ҡалаһында Евразия юғары Иҡтисади советы ултырышында ҡатнашҡандан һуң килгән. Өфө аэропортында делегацияны Башҡортостан башлығы вазифаһын ваҡытлыса башҡарыусы Радий Хәбиров ҡаршы алды.

29 май, 23:44

Башҡортостанда көҙ үтәсәк һайлауҙарҙа ҡатнашасаҡ кандидаттар өсөн алдан тауыш биреү ойошторолдо

Халыҡ "Берҙәм Рәсәй" партияһынан лайыҡларҙы һайланы. Улар фирҡә исеменән урындағы үҙидара органдарына, район, ҡала советтарына, ике һайлау округы буйынса республика парламентына һайлауҙа ҡатнаша ала. Алдан тауыш биреү республиканың 28 муниципалитетында үткән.

28 май, 15:03

Башҡортостанда яңы торлаҡ-коммуналь хужалыҡ министрлығы тәғәйенләнде

Күмертау ҡалаһының элекке хакимиәт башлығы Борис Беляев Башҡортостан Хөкүмәте вице-премьеры - торлаҡ-коммуналь хужалыҡ министры вазифаһын башҡарыусы итеп тәғәйенләнде.

27 май, 22:47

Күмертау ҡалаһының элекке башлығы Борис Беляев Республика хөкүмәтендә эшләйәсәк

Ул Вице-премьер-торлаҡ коммуналь хужалыҡ министры вазифаһын башҡарыусы итеп тәғәйенләнде.

27 май, 11:18

Башҡортостанда көҙөн үтәсәк һайлауҙарҙа ҡатнашасаҡ кандидаттар өсөн алдан тауыш биреү ойошторолдо

.Халыҡ "Берҙәм Рәсәй" партияһынан лайыҡларҙы һайланы. Улар фирҡә исеменән урындағы үҙидара органдарына, район, ҡала советтарына, ике һайлау округы буйынса республика парламентына һайлауҙа ҡатнаша ала.

27 май, 10:09

Башҡортостанда ауыл старосталары вазифаһы рәсмиләштерелә

Халыҡҡа иң яҡын власть. Ләкин һаман да закондан тыш. Старосталар, шул уҡ дәүләт оргадарының ҡулы етмәгән ерҙә, иң һөҙөмтәле эшләгән власть, әммә һаманға тиклем рәсмиләштерелмәгән. Ә бит старосталар институты илдә хәҙер - үткән быуат аҙғанынан тергеҙелә. Хәйер, старосталарҙың үҙҙәренә кәрәкмәй ҙә инде ул рәсми теркәлеү. Ниндәйҙер вазифа өсөн түгел, шул вазифа биләүселәрҙең битараф булыуына түҙә алмай дилбегәне үҙ ҡулына алғандарҙыр бит инде. Шулай ҙа ниндәйҙер дәртләндереү саралары булһа, эштәр тағы ла ең һыҙғанып башҡарылыр ине. Ошо арала был мәсьәлә ҡуйыртыла башланы ла, ләкин...

25 май, 23:18

Чебоксарҙа үткән «Волга-Янцзы» форматында хеҙмәттәшлек буйынса Советта Башҡортостан ике килешеү төҙөгән

Ултырыш Рәсәй Президентының Волга буйы федераль округындағы тулы хоҡуҡлы вәкиле Игорь Комаров һәм Ҡытай Халыҡ Республикаһы Дәүләт Советы ағзаһы Ван Юн рәйеслегендә үткән. Ҡытай партнерҙарына ауыл хужалығы һәм төҙөлөш өлкәһендә 9 яңы инвестиция проекты тәҡдим ителгән.

24 май, 21:23

Баймаҡ районында рәсми ултырыштар башҡорт телендә уҙғарыла башланы

Өлгөлө тәжрибә йоғошло. Баймаҡ районында ла рәсми ултырыштар саф башҡорт телендә уҙғарыла башланы. Ауыл биләмәһе башлыҡтары һәм мәктәп директорҙары кәңәшмәһе балаларҙың йәйге ялын ойоштороу мәсьәләләренә арналды.

23 май, 23:45

Финляндия менән Башҡортостандың хеҙмәттәшлеге киңәйә

Ике яҡ араһындағы бәйләнештәрҙе нығытыу мөмкинлектәре бөгөн Радий Хәбировтың фин делегацияһы менән осрашыуында ла ҡаралды. Эшҡыуарҙар, предприятие-ойошмалар етәкселәренән торған делегацияны Финляндияның Рәсәйҙәге тулы хоҡуҡлы илсеһе Микко Хаутала етәкләй.

21 май, 23:40

Башҡортостанда бәлиғ булмағандарға никотинһыҙ тартыу изделиеларын һатыу тыйыласаҡ

Бөгөн Ҡоролтай депутаттары президиум ултырышында ошо хаҡта закон проектын ҡараны. Әле бындай ҡоролмаларҙы иркен һатып алырға мөмкин. Улар тәмәке никотины кеүек үк сәләмәтлеккә зыянлы, һәм уны ҡулланыусылар йәштән үк тартырға өйрәнә.

21 май, 22:56

Башҡортостандың 50 предприятиеһы хеҙмәт етештереүен арттырыу милли проектына инәсәк

Уға ярашлы компаниялар етештереү процесын тиҙләтеп эш шарттарын яҡшыртырға, технологияларҙы камиллаштырырға тейеш. Үҙ сиратында дәүләттән ташламалы кредиттар һәм башҡа уңайлыҡтар аласаҡ. Милли проектҡа ингән предприятиеларҙың береһе баш ҡалала урынлашҡан "НефтеГазИнжиниринг" йәмғиәте. Ойшманың үҫеш мөмкинлектәре менән беҙҙең хәбәрселәр ҙә ҡыҙыҡһынды.

20 май, 23:41