Сәйәсәт

Искәндәр Әхмәтвәлиев Республика башлығының муниципаль берәмектәр менән эш алып барыу буйынса идаралығы етәксеһе итеп тәғәйенләнде

Республика етәксеһенең ошо турала күрһәтмәһе бар. Искәндәр Әхмәтвәлиевҡа 43 йәш. Әлегә тиклем Республика башлығының граждандарҙы ҡабул итеү һәм мөрәжәғәттәрҙе эшкәртеү идаралығы етәксеһе булды.

28 мар, 22:50

Башҡортостан Үҙәк һайлау комиссияһы рәйесе вазифаһына кандидатура күрһәтелде

Илона Макаренконы ведомствола хәл иткес тауыш хоҡуғына эйә булған ағза итеп тәғәйенләү тәҡдиме ҡаралды. Рәсәй Үҙәк һайлау комиссияһы ултырышында ошондай ҡарар ҡабул ителде.

04 апр, 10:59

Башҡортостанда һайлауға әҙерлек башланды

“Берҙәм Рәсәй” фирҡәһе праймеризға сығасаҡ кандидаттарҙан документтар ҡабул итә. 25 апрелгә тиклем һайлау участкалары, комиссиялар билдәле була. “Берҙәм Рәсәй” партияһы республика етәксеһе вазифаһына дәғүә итеүселәрҙе һайлап алыу процедураһын уҙғара.

03 апр, 15:55

Әбйәлил районы Ҡаҙмаш ауылында саңғы ярышы ойошторолдо

Стартта саңғысылар. Әбйәлил районы Ҡаҙмаш ауылында һәр йылдағыса СССР-ҙың спорт мастеры Әсҡәт Ҡаһарманов призына саңғы ярышы буйынса район турниры үтте. Сара йыл да март аҙағында ойошторола. Быйыл ул төбәктең тиҫтәнән ашыу мәктәбенән тыш, өлкән быуын вәкилдәрен дә бергә йыйҙы. Саңғысылар ярышынан тыш, төбәктә өҫтәл теннисы һәм пневматик мылтыҡтан атыу беренселеге лә уҙғарылды.

30 мар, 22:11

Көйөргәҙелә отставка

Район депутаттары хакимиәт башлығы Әхәт Ҡотләхмәтовтың отставкаһын ҡабул итте. Ул муниципалитет башлығы булып иң оҙаҡ эшләгән кешеләрҙең береһе.

29 мар, 16:18

Ҡала һәм райондарҙа “Инвестиция сәғәте” үтте

Сибайҙа ике проект - “Экопром” һәм “Технострой” ойошмаларының эшмәкәрлеге ҡаралды. Уларҙың дөйөм инвестиция күләме 40 миллион һум самаһы.

29 мар, 15:28

Башҡортостанға йәш һәм тәжрибәле кадрҙар килде

Республика башлығы Хакимиәте һәм Хөкүмәткә яңы кешеләр тәғәйенләнде. Радий Хәбиров ошондай күрһәтмәгә ҡул ҡуйҙы.

29 мар, 11:20

Хәйҙәр Вәлиев Башҡортостан башлығының дәүләт хеҙмәте һөм кадрҙар сәйәсәте идаралығы етәксеһе итеп тәғәйенләнде

Хәйҙәр Вәлиев Әбйәлил районы Телән ауылында тыуған. Башҡорт дәүләт агарар университеты һәм Башҡорт Дәүләт Университетын тамамлаған. Хоҡуҡ фәндәре кандидаты. Яңы вазифаға тәғәйенләнгәнсе республиканың Үҙәк һайлау комиссияһы рәйесе булып эшләне.

28 мар, 22:49

Башҡортостандың Үҙәк һайлау комиссияһы рәйесе Хәйҙәр Вәлиев отставкаға китте

Һайлауҙар өсөн яуаплы дәүләт органын ул 2011 йылдан бирле етәкләне. Республика башлығы вазифаһын ваҡытлыса башҡарыусы Радий Хәбировтың указы менән Хәйҙәр Вәлиев "Башҡортостан республикаһы алдындағы ҡаҙаныштары өсөн" ордены менән бүләкләнде.

28 мар, 22:47

Республика Башлығының дәүләт-хоҡуҡи идаралығында яңы етәксе

Был вазифаға Азат Галин тәғәйенләнде.

28 мар, 18:05

Искәндәр Әхмәтвәлиев Республика Башлығының муниципаль берәмектәр менән эш алып барыу буйынса идаралығы етәксеһе итеп тәғәйенләнде

Искәндәр Әхмәтвәлиев Республика Башлығының муниципаль берәмектәр менән эш алып барыу буйынса идаралығы етәксеһе итеп тәғәйенләнде. Республика Башлығының ошо турала күрһәтмәһе бар.

28 мар, 18:03

Башҡортостан етәксеһе Радий Хәбиров Ҡырғыҙстан премьер-министры Мөхәммәтҡалыя Абылғәзиев менән осрашты

Улар республикалар араһында хеҙмәттәшлекте киңәйтеү тураһында фекер алышты. Ҡырғыҙстан хөкүмәте рәйесе Башҡортостан халҡын республикаға нигеҙ һалыныуға 100 йыл тулыу айҡанлы тәбрикләне, төбәккә үҫеш теләне.

28 мар, 17:01

Таш сығарыу ҡағиҙәләре ҡәтғиләшә

Ҡаҙылма байлыҡтар сығарыу менән теләгән һәр кем шөғөлләнә алмаясаҡ. Урындағы хакимиәт был эшмәкәрлектән табыш аласаҡ. Дәүләт Йыйылышы - Ҡоролтайҙың сираттағы ултырышында ошо туралағы закон проекты ҡаралды. Депутаттар уны тәүге уҡыуҙа тикшерҙе.

28 мар, 15:27

Хәйҙәр Вәлиев республика Үҙәк һайлау комиссияһы рәйесе вазифаһынан отставкаға китте

Башҡортостан етәксеһе Радий Хәбировтың Указы менән ул “Башҡортостан республикаһы алдындағы ҡаҙаныштары өсөн” ордены менән бүләкләнде. Хәйҙәр Вәлиев шулай уҡ Рәсәй Үҙәк һайлау комиссияһының Почет билдәһе, республика үҙәк һайлау комиссияһының Маҡтау грамотаһы менән бүләкләнде.

28 мар, 13:11

Республика вәкилдәре төбәк-ара Рәсәй – Ҡырғыҙстан конференцияһында ҡатнаша

Башҡортостан етәксеһе Радий Хәбиров бөгөн Бишкәктә Ҡырғыҙстан Иҡтисад министры Олег Панкратов менән осрашты. Ике төбәк күптән хеҙмәттәшлек итә.

28 мар, 11:39

Ҡоролтай депутаттары пленар ултырышҡа йыйылды

Депутаттар бюджетҡа үҙгәрештәр индерә, газонда машина ҡалдырыуҙы тыйған ҡанунды ҡабул итергә йыйына.

28 мар, 11:33

Башҡортостан башлығы вазифаһына кандидаттар билдәләнә

Өфөлә "Берҙәм Рәсәй" партияһының төбәк бүлексәһе президиумының киңәйтелгән ултырышы үтте. Унда Республика башлығына вазифаһына кандидаттарҙы һайлап алыу өсөн алдан тауыш биреү иғлан ителде. Ултырышта дүрт кандидат тәҡдим ителде.

28 мар, 10:13

"Беҙ яҡшыраҡ булдырабыҙмы?!"

Бөгөн Өфөлә "Берҙәм Рәсәй" партияһы штабында ошолай тип аталған фекер алышыу майҙансығы ойошторола. Унда халыҡ йәшәйешенә бәйле көнүҙәк мәсьәләләр һәм закон проекттары ҡарала.

28 мар, 07:00

Радий Хәбировтың кандидатураһы Башҡортостан башлығы вазифаһына һайлауҙа ҡатнашыу өсөн праймериз исемлегенә индерелде

Бөгөн "Берҙәм Рәсәй" партияһының киңәйтелгән президиумы ултырышында алдан тауыш биреү тураһында иғлан ителде. Партия эсендәге һайлауҙа Башҡортостан башлығы вазифаһын ваҡытлыса башҡарыусының конкуренттары араһында Дәүләт Думаһы депутаты Зариф Байғусҡаров, Күмертау ҡалаһы хакимиәте башлығы Борис Беляев һәм "Рәсәй терәге" йәмәғәт ойошмаһының төбәк бүлексәһе етәксеһе урынбаҫары Ләйсән Николаева бар.

27 мар, 23:46