Хәл-ваҡиғалар

Ҡытайҙа хәүефле коронавирус тарала

Үлемесле сир. Бөтә донъя һаулыҡ һаҡлау ойошмаһы мәғлүмәттәре буйынса әле унан 800 кеше зарарлаған, 26 пациент вафат булған. Вирус тиҙ арала кешенең тын юлын һәм үпкәләрен заралай. Унан ниндәй һаҡланыу саралары күрелә, Ҡытайға төрлө сәбәптәр менән юлланған Рәсәй халҡына хәүеф янамаймы? Проблеманы БСТ каналы хәбәрсеһе Гүзәл Борханова өйрәнде.

25 ғин, 02:50

Учалы районында ашығыс ярҙам бригадаһына һөжүм итеү осрағы теркәлде

Бөгөн иртән Абҙаҡ ауылында йәшәүсе ҡатын табиптарға шылтыратып иренең ауыр хәлдә булыуы тураһында хәбәр итә. Саҡырыуға шунда уҡ ике йәш фельдшер йүнәлә. Әммә аҡ халатлыларҙы иҫерек ҡатын ҡаршы ала һәм үҙен ҡалаға алып барыуҙарын талап итә.

28 ғин, 00:34

Учалы районында ашығыс медицина ярҙамы бригадаһына һөжүм иткәндәр

Ваҡиға бөгөн иртәнге сәғәт 7-лә Абҙаҡ ауылында булған. Ошо ауылда йәшәгән ҡатын иренең ауыр хәлендә икәнлеге тураһында хәбәр иткән. Табиптар тиҙ арала ауылға юлланған. Учалы үҙәк район дауаханаһы өлкән фельдшеры Людмила Емельянова артабанғы хәлдәр менән таныштыра.

27 ғин, 13:30

Баш ҡаланың Гагарин урамында ике машина бәрелешкән

Аварияла водителдәрҙең береһе һәләк булған. Һуңғы тәүлектә республика буйынса 2 мең 200 самаһы кеше юл йөрөү ҡағиҙәһен боҙоп тотолған. Улар араһынан 49 водителдең рулгә эсеп ултырғаны асыҡланған.

27 ғин, 12:18

Өфөлә бөтөнләй таныҡлығы булмаған водитель ҡулға алынды

Юл хәрәкәте хәүефһеҙлеге дәүләт инспекцияһы хеҙмәткәрҙәре руль артында үҙен сәйер тотҡан йәш кешегә иғтибар итә. Николай Дмитриев урамында улар машинаны туҡтатыуға өлгәшә.

25 ғин, 21:57

Өфөләге «Урман тыҡрығы» урамын маршрут автобустары менән һәүәҫкәр водителдәр бүлешә алмай.

Юл ситендә 21-се дауаханаға килеүселәр автомобилдәрен ҡалдыра. Махсус туҡталҡа юҡ. Ҡыш юл таҙартылмағанлыҡтан, транспортҡа йөрөргә урын тар ҡала. Бигерәк тә «Нефаз» автобустарын йөрөтөүселәргә уңайһыҙ. Маршрут автобусы водителе әйтеүенсә, был участкала авариялар ҙа йыш теркәлә.

23 ғин, 23:53

Ҡытайҙа үлемесле коронавирис таралыу сәбәпле халыҡ-ара Өфө аэропортында санитар күҙәтеү көсәйтелә

Был дәүләттән һәм башҡа бер төркөм сит илдәрҙән осоп килеүселәр ентекләп тикшерелә. Самолет ергә төшөү менән пассажирҙарҙың хәлен белешеү, тән температураһын үлсәү ойошторолған.

23 ғин, 23:50

Ҡырмыҫҡалы районында үлемесле юл ҡазаһы булған

Ҡабаҡ - Һыуыҡ Шишмә юлында “Шевроле Круз” һәм “Шанкси” автомобилдәре бәрелешкән. Улар бер-береһенә ҡапма-ҡаршы килгән. Еңел машинала ултырған 34 йәшлек ирҙең ғүмере өҙөлгән, ике кеше йәрәхәтләнгән.

23 ғин, 13:14

Өфөнән Дубайға осҡан чартер рейсында иҫерек ҡатын ғауға сығарып, һауа судноһы Иранға төшөргә мәжбүр була яҙған

Пассажирҙар әйтеүенсә, тәртип боҙоусы 40 минут тирәһе салонды һәм бортпроводниктарҙы көсөргәнештә тота, уны иҫкәртеүселәрҙе насар һүҙҙәр менән битәрләй, сумкаһы һәм йоҙроҡтары менән ташлана.

22 ғин, 21:33

Әхләки зыянды ҡаплауға компенсация түләтелде

Юл хәрәкәте ваҡытында Ағиҙел ҡалаһында йәшәүсе ир “Фольксваген Пассат” автомобилендә йәйәүлене бәрҙерә. Аварияла ауыр йәрәхәт алыусы мораль зыян түләтеү маҡсатында судҡа мөрәжәғәт итә. Суд ғәйепленән 70 мең һум мораль зыянды ҡаплауға компенсация түләтергә ҡарар сығара.

22 ғин, 12:13

Иглин районының Ягодная ауылында урында йәшәүселәр биләмә эргәһендә айыу күргән

Ауыл халҡы был турала бер-береһенә хәбәр итеп, тайыш табандан һаҡ булырға саҡыра. Ваҡиға шаһиттары әйтеүенсә, урман ҡунағын улар Күл һәм Некрасов урамдарында күргән.

20 ғин, 23:49

Йыл башынан ғына республикала ун бер йәйәүле тәгәрмәс аҫтында ҡалып һәләк булған

Ауыр тән йәрәхәттәре алыусылар тағы ла күберәк. Юл инспекторҙары билдәләүенсә, күңелһеҙ осраҡтар башлыса таң менән, йә төнгө эңерҙә теркәлгән. Яҡтылыҡты кире ҡайтарыусы элементтарҙың мөһимлеге хаҡында киләһе репортаж.

20 ғин, 23:47

Ҡырғыҙ-Миәкә-Стәрлебаш юлында бөгөн үлемесле авария теркәлде

«Опель астра « автомобиле Газель йөк машинаһы менән бәрелеште. Һөҙөмтәлә еңел автомашиналағы пассажир ике ҡатындың һәм бер ирҙең ғүмере өҙөлдө.

18 ғин, 22:27

Өфөләге стоматология клиникаһында пенсионерға теш дауалау урынына кредит биреп ҡайтарғандар

Бурысҡа теш. Өлкән йәштәге ханым был хаҡта Башҡортостандың ҡулланыусылар хоҡуҡтарын яҡлау буйынса дәүләт комитетына мөрәжәғәт иткән. БСТ каналы хәбәрсеһе Рәмилә Исмәғилева яҙмаһы.

18 ғин, 02:31

Башҡортостанда бер кеше янып үлгән

Белорет ҡалаһында бер йорт янған утты һүндергәндән һуң 1982 йылғы ирҙең кәүҙәһе табылған.

17 ғин, 16:10

Өфөлә бер тәүлектә генә өс автомобиль өҫтөнә ҡыйыҡтан ҡар төшкән

Уларҙың барыһына ла ремонт талап ителә. Кешеләр араһында йәрәхәтләнеүселәр юҡ. Автомобиль хужаларына машиналарын биналарға яҡын ҡалдырмаҫҡа кәңәш ителә.

17 ғин, 15:10

Башҡортостанда ҡоралай атып алыусы ике браконьер тотолған

Енәйәтселәрҙе урмансылар күреп ҡалған.

17 ғин, 12:15

Кисәге аварияла йәрәхәттәр алған еңел машина пассажиры дауаханала мәрхүм булған

Дүртөйлө-Нефтекама юлындағы ваҡиға тураһында хәбәр иткәйнек инде. Кисә Урал йөк машинаһы 14 модел ВАЗ машинаһын бәрҙергән.

17 ғин, 12:10

Уҙған тәүлектә республика юлдарында туғыҙ авария теркәлгән

Дәүләт автоинспекцияһынан хәбәр итеүҙәренсә, уҙған тәүлектә республика юлдарында туғыҙ авария теркәлгән, уларҙа ике кеше һәләк булған, етәүһе йәрәхәтләнгән.

15 ғин, 21:56

Өфөнөң Пекин урамында бөгөн төндә ғәҙәттән тыш хәл теркәлә

Ике ҡатлы йортта газ шартлап янғын сыға. Хәүефле участканан 35-ләп кеше эвакуациялана. Өс кешегә медицина ярҙамы талап ителә. Баш ҡала дауаханаларына оҙатылған пациенттарҙың береһе ауыр хәлдә. Ваҡиға урынынан БСТ каналы хәбәрсеһе Флорида Ким яҙмаһы.

15 ғин, 21:55