Спорт

“Салауат Юлаев” Ҡытай хоккейсыларын еңде

Кисә “Өфө-Арена”ла уҙған уйын көсөргәнешле үтте. 3-сө осор аҙағында ғына майҙан хужалары “Куньлунь Ред Стар”ҙан алға сыҡты –осрашыу беҙҙекеләр файҙаһына 3-кә 2 иҫәбенә тамамланды. Баш ҡала клубы һөжүмсеһе Никита Сошников, команданың күпселектә уңышлы уйнауын билдәләне.

18 сен, 13:34

Бөгөн «Салауат Юлаев» хоккейсылары үҙ боҙонда Ҡытайҙың «Куньлунь Ред Стар» клубын ҡабул итте

Көсөргәнешле уйын юлаевсылар файҙаһына 3-2 иҫәбе менән тамамланды. Иҫәпте икенсе осор башында дәғүәселәр асты. Яуап шайбаһы оҙаҡ көттөрмәне. Уңышҡа Теему Харикайнен өлгәште. Артабан ҡунаҡтар йәнә алға сыҡты.

17 сен, 23:55

Өфөнөң «Витязь-ГТУ» клубы мини-футбол буйынса Рәсәй Кубогының һайлап алыу этабын уңышлы үтте

Павел Смильгин тәрбиәләнеүселәре өс еңеү яуланы. Яҡташтарыбыҙ Силәбе, Надым һәм Копейск ҡалалары командаларын отто. Дәғүәселәр ҡапҡаһына улар йәмғеһе 28 туп индереп, үҙҙәренә 5 гол ғына үткәртте. Әйтергә кәрәк, Өфө клубы составы тулыһынса урындағы футболсылар менән тулыланған.

17 сен, 23:48

Ҡазанда фехтование буйынса Бөтә Рәсәй турниры уҙҙы

Рапира төрөндә пьедесталға күтәреүселәр – Башҡортостан спортсылары. Искәндәр Булатов- алтын, Валерий Корнилов-көмөш, Әмир Фәхретдинов менән Герман Трофимов бронза миҙалға лайыҡ булды.

17 сен, 13:56

Өфөлә Милли һәм олимпия уйындарына ҡарамаған спорт төрҙәре буйынса турнир тамамланды

Баш ҡалаға илдең 40-тан ашыу төбәгенән 600-ләп спортсы килде. Бөтә Рәсәй фестивале барышында ҡул алышы, бильярд, акробатик рок-н-ролл, каратэ, гер күтәреү, туплы хоккей, шашка буйынса ярыштар үтте.

16 сен, 16:34

Баш ҡалала «Вело бала саҡ» ярышы үтте

Өфөлә ике йәштән алып туғыҙ йәшкә тиклемге балалар өсөн ярыш ойошторолдо. Малайҙар-ҡыҙҙар өсөн төрлө ҡаршылыҡтар әҙерләнгәйне. Ярыш һуңында уларҙың һәр береһенә миҙалдар, Маҡтау ҡағыҙҙары тапшырылды, еңеүсе кубок менән бүләкләнде.

14 сен, 22:23

Өфөнөң «Ағиҙел» командаһы ҡатын-ҡыҙҙар хоккей лигаһы миҙгелен үҙ боҙонда башлай

Бөгөн һәм иртәгә яҡташтарыбыҙ "Спорт һарайы"нда Санкт-Петербургтың "Динамо"һы менән осраша. Бөгөнгө уйын киске 6-ла башланды, иртәгә көндөҙгө 2-лә старт ала.

13 сен, 21:55

2021 йылда Башҡортостанда спорт көрәше буйынса үҫмерҙәр араһында донъя чемпионаты үтә

Был турала Республика етәксеһе Радий Хәбиров хәбәр итте. Халыҡ-ара спорт көрәше федерацияһы ултырышында ошондай ҡарар ҡабул ителгән. Радий Хәбиров Башҡортостандың ҙур спорт командаһының ойошҡан эшен юғары баһаланы һәм республика спорты өсөн яңы мөмкинлектәр асылыуын билдәләне.

13 сен, 19:00

Бөгөн Силәбе ҡалаһына нигеҙ һалыныуға 283 йыл

Ул ҡәлғә булараҡ башҡорт тарханы Таймаҫ Шәһимов рөхсәте менән һалына. Силәбе башҡорттары йәмәғәт һәм мәҙәниәт эштәрендә әүҙемлек күрһәтә. Хәҙер спорт йәһәтенән дә ике төбәк хеҙмәттәшлек булдырырға йыйына. “Уралым” газетаһының баш мөхәррире Нурия Иксанова һөйләй

13 сен, 16:24

Өфөлә милли һәм олимпия уйындарына ҡарамаған спорт төрҙәре буйынса турнир башланды

Баш ҡалаға илдең 20-нән ашыу төбәгенән 500 спортсы килде. Бөтә Рәсәй фестивале барышында ҡул алышы, бильярд, акробатик рок-н-ролл, каратэ, гер күтәреү, туплы хоккей, шашка буйынса ярыштар үтә. Турнир программаһында шулай уҡ башҡорт тоҡомло аттарҙа бәйге, традицион йәйәнән уҡ атыу ҡаралған. Ярыштарҙың баш судьяһы Максим Степанов.

13 сен, 13:29

Ҙур хоккей Өфөлә

"Салауат Юлаев" клубы быйылғы миҙгелдә үҙ боҙонда беренсе осрашыуын үткәрҙе. Баш ҡалаға Екатеринбургтың "Автомобилист" командаһы килде. Быйылғы чемпионаттың лидерына ҡаршы уйында юлаевсылар тәүге минуттарҙан уҡ һөжүмгә ташланды.

12 сен, 23:31

Өфө иң көслө көрәшселәрҙе йыя

14 һәм 15 сентябрҙә ҡала мәҙәниәт һарайында Башҡортостан Республикаһының 100 йыллығына арналған бокс турниры уҙа. Баш ҡала хакимиәте белгесе Диана Әбсәлиҡова хәбәр итә.

12 сен, 18:24

Ҙур хоккей Өфөгә әйләнеп ҡайта

“Салауат Юлаев” үҙ майҙанында даими беренселектәге тәүге уйынын уҙғара. Баш ҡалаға конференция лидеры- Екатеринбургтан “Автомобилист” килә. Көйәрмәндәр менән тулы стадион беҙгә өҫтәмә көс бирәсәк, ти команда капитаны Григорий Панин.

12 сен, 15:33

Башҡортостанда дельтаплан спорты менән шөғөлләнеүселәр Ҡаҙағстанда үткән Евразия чемпионатында уңышлы сығыш яһаны

Өс кешенән торған йыйылма команда ярыштың дөйөм һөҙөмтәләре буйынса бронза яулай, еңеүселәр исемлегендә яҡташыбыҙ Азат Мәсәлимов та бар, ул шәхси зачетта алтын миҙалға өлгәшә. Спортсы Рәсәй, халыҡ-ара кимәлдәге сараларҙа тәүгә генә ҡатнашмай, Евразия чемпионатында һауа торошона ҡарап етмеш-йөҙ саҡрым арауыҡ осорға тейеш була, быға өс-дүрт сәғәт ваҡыт китә.

11 сен, 21:55

“Уфимец” баскетболсылары миҙгел алды ярыштарын уңышлы башланы

Ижевскиҙа уҙған турнирҙа Өфө командаһы майҙан хужаларын- “Купол-Родники”ҙы 73-кә 72 иҫәбенә отто.

11 сен, 16:20

Йәштәр хоккей лигаһында даими беренселек дауам итә

Сираттағы уйындарын “Толпар” клубы Өфөлә Магнитогорскиҙың “Ҡорос төлкөләре” менән уҙғарҙы. Тәүге осрашыуҙа майҙан хужалары 3-кә 1 иҫәбенә еңеү яулаһа, икенсеһендә ҡунаҡтар буллиттар серияһында 4-кә 3 иҫәбенә көслөрәк булды.

10 сен, 13:11

Иглин районында «Йондоҙ менән күнекмә» акцияһы үтте

Сыуаш-Ҡобау ауылында дүрт тапҡыр донъя чемпионы, Олимпия уйындарының көмөш призеры Сергей Корнилаев ҡатнашлығында спорт байрамы үтте. Көн дауамында урындағы мәктәптең спорт майҙанында төрлө ярыштар уҙғарылды.

09 сен, 21:03

Саҡмағошта “Йондоҙ менән күнекмә” үткән

Акция халыҡ араһында сәләмәт тормошто пропагандалау маҡсатында ойошторолған. Был турала беҙгә райондың спорт мәктәбе белгесе Гөлнара Сәлихова хәбәр итте.

09 сен, 18:23

Италияла халыҡ-ара шашка буйынса Европа беренселеге уҙҙы

Рәсәй данын “Башҡортостан” шашка клубы үҙәге спортсылары яҡланы. Милли команда составында Тамара Танһыҡҡужина, Александр Георгиев, Айнур Шәйбәков, Елена Мильшина, Анатолий Татаренко һәм Айгөл Иҙрисова сығыш яһаны. Башҡортостан вәкилдәре 4 алтын, 2 бронза миҙал яулап, дөйөм командалар беренселеге еңеүсеһе булды, ти Тамара Танһыҡҡужина.

09 сен, 15:21

Милли хоккей лигаһы матчтарын бушлай ҡарарға мөмкин

Октябрь айынан алып өс йыл дауамында Милли хоккей лигаһы матчтарын бушлай ҡарарға мөмкин. Яндекс платформаһы булған смартфондар, гаджеттар һәм Смарт ТВ аша яратҡан командалар уйынын күҙәтеп барырға була.

08 сен, 08:30