Спорт

Өфөлә йыл һайын «Ҡанатлы юртаҡтар» республика фестивале үтә

Быйыл 5 райондан 8 команда ҡатнаша. Коррекцион уҡыу учреждениеларында белем алған мөмкинлектәре сикләнгән уҫмерҙәр һыбай йөрөүҙә оҫталығын күрһәтә, еңеүсе титулын яулау өсөн эстафетала көс һынаша. Үҫмерҙәр башта шәхси беренселектә сығыш яһаны. Бәйгегә йыл һайын килеүселәр быйыл да еңеп ҡайтыу теләге менән яна.

14 май, 23:26

Рәсәй премьер-лигаһының 28-се турында «Өфө» футбол клубы Мәскәүҙә урындағы «Спартак» менән осрашты

Берҙәр-бер тупты 11-се минутта Зе Луиш индерҙе. Шулай итеп Башҡортостан командаһы илдең иң көслө лигаһында ҡалыу мөмкинлеген кәметте. Ҡуйылған маҡсатҡа ирешеү өсөн Вадим Евсеев тәрбиәләнеүселәренә хәҙер ҡалған ике уйында мотлаҡ еңеү яуларға кәрәк.

13 май, 23:48

Әбйәлил районында профессор, профессиональ көрәшсе Харис Йосопов иҫтәлегенә бағышланған турнир үтте

Ярыштың маҡсаты уҡыусылар араһында көрәште үҫтереү, көслө спортсыларҙы билдәләү булды. Мәртәбәле бәйгенең еңеүселәре китаптар һәм иҫтәлекле сувенирҙар менән бүләкләнде. Харис Йосопов - тәүгеләрҙән булып көнъяҡ Уралда дзюдо һәм көрәш мәктәбен асыусы.

13 май, 23:14

Бөрйән, Ейәнсура, Саҡмағош, Дүртөйлө командалары ат сабышында көс һынашты

"Терра Башҡортостан" туриниры еңеүселәрҙе асыҡлауын дауам итә. Таһим Кусимов исемендәге "Аҡбуҙат" ипподромында был юлы Бөрйән, Ейәнсура, Саҡмағош, Дүртөйлө командалары һынау тотто. Ат сабыштары сентябрь аҙағына тиклем дауам итә, төп еңеүсе иһә 11 октябрҙә уҙған финал турнирында билдәле буласаҡ.

11 май, 22:03

Өфө спортсыһы «Янғантау» шифаханаһында мең баҫҡыстан ҡулы менән атлап төшкән

Өфө спортсыһы Руслан Садиҡов ғәҙәти булмаған рекорд ҡуйҙы. Ул "Янғантау" шифаханаһында мең баҫҡыстан ҡулы менән атлап төшкән. Баҫҡыс 1976 йылда төҙөлгән, ә бейеклеге - 45 ҡатлы йорт. Русланға 27 йәш, ул профессиональ спортсы һәм тренер. Был ваҡиғаға оҙаҡ әҙерләнгән - Өфөләге амфитеатр баҫҡыстарында шөғөлләнгән.

11 май, 22:02

Өфөлә "Аҡбуҙат" ипподромында "Терра Башҡортостан" ат сабышы уҙҙы

Бәйгенең өсөнсө этабында Бөрйән, Дүртөйлө, Ейәнсура һәм Саҡмағош райондары вәкилдәре ҡатнашты.

11 май, 18:00

Киләһе шәмбе «Терра Башкирия» ат сабышының 3-сө этабы үтә

Алдағы шәмбе, 11 майҙа Өфөнөң "Аҡбуҙат" ипподромында "Терра Башкирия" ат-спорт турнирының 3-сө этабы уҙа. Был юлы бәйгелә Бөрйән, Дүртөйлө, Ейәнсура һәм Саҡмағош райондары вәкилдәре ҡатнаша. Сараның маҡсаты - башҡорт тоҡомло аттарҙы популярлаштырыу.

09 май, 15:24

“Терра Башҡортостан” ат-спорт турниры дауам итә

Ярыштарҙың өсөнсө этабы 11 майҙа “Аҡбуҙат” ипподромында үтә.

08 май, 15:30

Туймазы ҡалаһына кикбоксинг оҫталары йыйыла

“Рәсәйҙең иң яҡшы клубы” исеменә Бөтә Рәсәй ярыштары бөгөн башлана һәм 11-се майға тиклем дауам итә.

08 май, 09:18

Башҡортостанда “1 мең велосипедсы” фестивале үтә

Ул быйыл биш ҡалала уҙа. Тәүге велопарадты Салауат ҡалаһы ҡабул итте, унда барлығы 180 кеше ҡатнашты.

08 май, 08:17

Башҡортостан спортсылары Беларусь республикаһында 5 сентябрҙә үткән марафонда ҡатнашасаҡ

Был турала бөгөн Радий Хәбировтың йөҙөү буйынса спорт мастеры, Беларусияның Паралимпия йыйылма командаһы ағзаһы, эшҡыуар, йәмәғәт эшмәкәре Алексей Талай менән осрашыуында килешелде. Алексей Талай мөмкинлеге сикләнгән балаларға ярҙам итеү фондын ойоштороусы булып та тора.

07 май, 21:19

Дүртөйлөнән 14 һыбайлылары Терра Башҡортостан турнирында ҡатнашырға әҙерләнә

Терра Башҡортостан турнирының сираттағы этабында райондан 14 жокей көс һынашыррға барасаҡ. Оҙайлы ял көндәрендә лә егеттәр юртаҡтар менән урындағы спорт мәктәбендә күнекмәләр уҙғарҙы. Улар менән БСТ каналы хәбәрсеһе Флорида Ким осрашты.

06 май, 23:09

Өфөнөң «Нефтсе» спорт комплексында ике тапҡыр Советтар Союзы Геройы Муса Гәрев иҫтәлегенә бокс буйынса төбәк-ара турнир дауам итә

Ярышта Рәсәй төбәктәре, шулай уҡ Үзбәкстан һәм Ҡаҙағстандан 200-ләп спортсы ҡатнаша. Арҙаҡлы яҡташыбыҙ исемендәге турнир Муса Гәрәев үҙе иҫән саҡта уҡ, 1979 йылдан ойшторола башлаған. Быйыл ул 41-се тапҡыр уҙа. Турнир күптән инде республика спорт тормошоноң ла күркәм йолаһына әүерелгән.

04 май, 22:51

Йоонас Кемппайнен «Салауат Юлаев» клубынан китә

Көйәрмәндәрҙең өмөттәре аҡланманы. Быйыл миҙгелдәге иң мәргән уйынсыларҙың береһе һаналған Йоонас Кемппайнендың Санкт-Петербургка китеүе тураһында билдәле булды. Ул СКА клубы менән бер йыллыҡ килешеү төҙөгән.

02 май, 00:45

Йәйгеһен Өфөлә 3 мең 24 квадрат метрлыҡ күп функциялы спорт үҙәге асыла

Өс кортта теннис менән шөғөлләнергә, күп функциялы майҙанда футбол, баскетбол, волейбол уйнарға мөмкин. Ҡыш көнө иһә боҙ майҙаны эшләйәсәк.

01 май, 10:03

Өфөлә Башҡортостандың Спорт көрәше федерацияһы ағзаларының йыйылышы булды

Унда төбәк етәксеһе Радий Хәбиров та ҡатнашты. Көн тәртибенә бер нисә мәсьәлә инде, шул иҫәптән Федерацияның яңы президентын, уның урынбаҫарҙарын, башҡарма комитет ағзаларын һәм попечителлек советы рәйесен һайлау бурысы ҡуйылды. Радий Хәбиров, спорт көрәшен күмәк спорт төрөнә әүерелдерергә кәрәк, тигән теләк белдерҙе.

30 апр, 23:17

Рәсәй биатлонсылары миҙгелгә әҙерлек башлай

Илдең биатлонсылар берлеге Спорт министрлығы менән берлектә төп һәм резерв командаға йәлеп ителәсәк спортсыларҙың исемлеген иғлан итте. Йыйылмаға команда составында барлығы 33 биатлонсы.

30 апр, 16:22

"Спорт ваҡиғалары марафоны"

Башҡортостанда ошолай тип аталған проект старт ала. "Берҙәм Рәсәй" партияһы төбәк бүлексәһе башланғысы менән ойошторолған сара спортты үҫтереү маҡсатын ҡуя. Проект 18 майҙа Өфөлә башлана. Был көндә танылған эстрада йондоҙҙары һәм сәйәсмәндәр араһында футбол уйыны үтә.

30 апр, 12:00

Радий Хәбиров «Ағиҙел» клубы хоккейсылары менән осрашты

"Ағиҙел" клубы хоккейсыларына Рәсәй чемпионы исемен яулау өсөн белем усаҡтарында уҡыу ҙа, ауыр йәрәхәттәр ҙә ҡамасаулай алмаған. Мәҫәлән, Ольга Сосина финалда һынған аяғы менән уйнаған, ә бер нисә ҡыҙ плей-офф мәлендә мәктәпкә йөрөп өлгөргән. Был турала спортсылар Башҡортостан етәксеһе менән осрашыуҙа һөйләне.

29 апр, 23:47

Радий Хәбиров Башҡортостан көрәш спорты федерацияһының попечителдәр советын етәкләне

Бөгөн Өфөлә федерация ағзалары йыйыны үтте. Ойошма президенты итеп Артур Әхмәтханов һайланды. Попечителдәр советы рәйесен һайлағанда күпселек тауышты Радий Хәбиров алды.

29 апр, 18:10