Все материалы

Бөрйән районы Нәби ауылында күпер асыла

Был турала Радий Хәбиров социаль селтәрҙәге сәхифәһендә белдерҙе. Тулы текст менән беҙҙең сайтта танышығыҙ.

12 ноя, 22:01

Бөрйән районы Байназар ауылы мәктәбен төҙөкләндереү 70 процентҡа тиклем теүәлләнгән

Проект өсөн республика бюджетынан 32 миллион һум самаһы аҡса бүленгән. Бөгөнгә тиклем мәктәп бинаһы тышы яҡтан яңыртылған, ҡыйыҡ-тәҙрәләре алыштырылған, алдағы көндәрҙә янғын иҫкәртеү сигнализацияһы, видеокүҙәтеү ҡорамалдары ҡуйыу, эстә бәҙрәф эшләү планлаштырыла.

12 ноя, 22:14

14 ноябрҙә Бөтә донъя сифат көнө билдәләнә

Ошо уңайҙан Башҡортостандың стандартлаштырыу, метрология һәм һынауҙар үҙәге белгестәре аҙна дауамында халыҡ менән осрашыуҙар ойоштора. Бөгөн Өфөлә теләгән һәр кем тәгәрмәстәрҙе тигеҙләү станоктарын төҙөклөккә тикшереү процессы менән таныша алды.

12 ноя, 22:13

Салауат районының Ахун ауылында газ селтәре үткәрелде

Халыҡ был ваҡиғаны тиҫтә йылдар дауамында түҙемһеҙләнеп көтөп алған. Ошоға тиклем халыҡ өйөн утын яғып йылытҡан. Ахунда йорттарҙы газ селтәренә октябрь аҙаҡтарында тоташтыра башлағандар. Яҡын арала ике йөҙҙән ашыу йортта зәңгәр ут ҡабынасаҡ..

12 ноя, 22:12

Өфөлә йәшәүсе граждандар Шота Руставели урамында төҙөлә башлаған күп ҡатлы йорт урыны менән риза түгел

Яңы бинаны һалыр өсөн нигеҙ ҡаҙыла башлағас та, күрше йорттағы фатирҙар стеналары һәм түшәмдәре сатнай башлай. Тема дауамы беҙҙең сайтта.

12 ноя, 22:11

Иҙәк йылғаһында балыҡ ҡырылған өсөн «Полиэф» предприятиеһына 1 миллион 300 мең һум күләмендә штарф һалынды

Тәбиғәтте һаҡлау прокуратураһы Благовещен районындағы һыу ятҡылығына ҡалдыҡтарҙы ағыҙыу осрағы буйынса тикшереү уҙғарҙы. Тирә-яҡ мөхиткә килтерелгән зыян күләме 9 миллион һум күләмендә баһаланды. Прокурор тикшереүе һөҙөмтәһендә предприятие закон һәм билдәләнгән тәртиптәрҙе боҙоуҙа ғәйепле тип табылды.

12 ноя, 22:10

Республика хәрби комиссариатынан бөгөн Ленинград өлкәһендә хеҙмәт итергә 120 егет оҙатылды

Улар ҡоро ер ғәскәрендә хәрби бурысын үтәйәсәк. Һәр егет хәрби кейемдән тыш, банк һәм электрон шәхси карталар менән тәьмин ителде. Әйткәндәй, йылдағыса Башҡортостан яҙғы һәм көҙгө саҡырылыш кампанияһы буйынса илдә алдынғылыҡты биләй. Быйылғы саҡырылышта хәрби-патриотик "Юнармия" йәмәғәт хәрәкәтенән егерме егет хеҙмәткә алынасаҡ.

12 ноя, 22:09

2019 йылда Башҡортостан милли проекттарҙы бойомға ашырыуға федераль ҡаҙнанан 68 миллиард һум аҡса аласаҡ

Был турала Башҡортостан хөкүмәте премьер-министры урынбаҫары , иҡтисад һәм инвестиция сәйәсәте министры Рөстәм Моратов белдерҙе. Республика 21 дәүләт программаһы, 7 федераль маҡсатлы һәм федераль адреслы инвестиция программаларында ҡатнаша.

12 ноя, 22:07

Балаҡатай районында етем балаларға йәшәргә яраҡһыҙ йорт бирелгән

Осраҡ буйынса енәйәт эше асылған. Прокуратура мәғлүмәттәре буйынса, урындағы хакимиәт етем һәм ҡарауһыҙ ҡалған балалар өсөн йорт һатып алған. Ошо маҡсатта 900 мең һум аҡса бүленгән.

12 ноя, 22:06

Өфө районы Зубов ауылы автоһәүәҫкәрҙәре Өфө-Шишмә трассаһына сыҡҡанда, ҡаршылыҡҡа осрай

Юл сатында светофорҙар юҡ, биләмә яҡтыртыу ҡорамалдары менән йыһазландырылмаған. Юл һыҙаттарының билдәләнмәүе лә күп осраҡта аварияларға килтерә. Теманы БСТ каналы хәбәрсеһе Гөлназ Хәйбуллина дауам итә.

12 ноя, 22:05

Район-ҡалалар юл төҙөлөшө өсөн бүленгән аҡсаны йыл аҙағына тиклем алып бөтөргә тейеш

Республика хөкүмәт Премьер-министрының беренсе урынбаҫары Андрей Назаров рәйеслегендә үткән төҙөлөш һәм транспорт сәғәтендә билдәләнеүенсә, быйыл Юл фонды буйынса Башҡортостан заказы 24 миллиард ярым һум күләмендә раҫланған.

12 ноя, 22:04

Башҡортостан һыйыр ите етештереү буйынса Рәсәйҙә беренсе урынды биләй

Юғары күрһәткескә хужалыҡтар, башлыса һөттәре кәмегән малдарҙы һуғымға оҙатыу менән өлгәшә. Ә бына заманса технологиялы һимертеү майҙансыҡтары төбәктәрҙә етешмәй.

12 ноя, 22:03

Радий Хәбиров мәғлүмәт сараларында телгә алыныу буйынса ил губернаторҙары араһында өсөнсө

Волга буйы федераль округы субъекттары етәкселәре араһында беренсе урынды биләй "Медиалогия" агентлығы төҙөгән мәғлүмәттәргә ярашлы, октябрҙә Радий Хәбировтың исеме киң мәғлүмәт сараларында 11,9 мең тапҡыр телгә алынған.

12 ноя, 22:02

“Башҡортостан! Һин минең яҙмышымда – нур!”

Өфөлә ошолай тип аталған Республика балалар ижады конкурсына йомғаҡ яһалды. Ул Башҡортостандың халыҡ шағиры Мостай Кәримдең тыуыуына 100 йыл тулыу уңайынан ойошторолдо. Конкурста инвалид балалар ҡатнашты. Еңеүселәрҙе бүләкләү тантанаһы был аҙнала Һуҡырҙар өсөн махсус китапханала үтә. Ойошма директоры Айгөл Әминева конкурс һөҙөмтәләре менән таныштыра.

12 ноя, 19:23

Журналистар ҡорға йыйылды

Өфөлә журналистар өсөн бәлиғ булмағандар менән бәйле хәл-ваҡиғаларҙы дөрөҫ яҡтыртыу темаһына семинар ойошторолдо. Сараға республика хәбәрселәре йыйылды. Башҡортостан Матбуғат һәм киң мәғлүмәт саралары агентлығы етәксеһе урынбаҫары Марат Ғәзизов, семинар журналистарға ярҙам йөҙөнән ойошторола, ти.

12 ноя, 19:19

Республикала Бөтә донъя сифат аҙналығы дауам итә

Уны Башҡортостан Стандартлаштырыу, метрология һәм һынауҙар үҙәге ойоштора. Аҙна дауамында һәр кем белгестәр менән төрлө һынауҙарҙа ҡатнаша ала. Бөгөн, мәҫәлән, Өфөлә яғыулыҡ-ҡойоу станцияларҙың береһендә бензин сифаты баһаланды. Иртәгә электр иҫәпләгестәр тикшерелә. “15 ноябрҙә асыҡ ишектәр көнө үтә”, - ти үҙәктең бүлек мөдире Сабит Солтанов.

12 ноя, 19:00

Фәйзи Ғәскәров исемендәге бейеү ансамбле концертын һәр кем ҡарай ала

Коллектив бөгөн Өфөлә “Донъя халыҡтары бейеүҙәре” программаһын тәҡдим итә. Ул ансамблдең 80 йыллығына арнала. Концертта танылған һәм халыҡ һөйөүен яулған бейеүҙәр, шулай уҡ яңы хореографик композиция күрһәтелә. “Тамашана интернетта онлайн ҡарарға мөмкин”, - ти ансамблдең мәғлүмәт бүлеге етәксеһе Элиза Сынбулатова.

12 ноя, 18:39

Бөгөн пневмонияға ҡаршы көрәш көнө

Донъяла йыл һайын 5 йәше лә тулмаған балаларҙың үпкә ялҡынһыныуы менән ауырыуының 100 миллион осрағы теркәлә. Пневмония – ул йоғошло сир. Үпкә туҡымыларына инфекция инә һәм таралып китә.

12 ноя, 18:29

Өфө һәм Прага араһы яҡыная

Бөгөн Дәүләт Йыйылышы-Ҡоролтай рәйесе Константин Толкачев Чехияның Рәсәйҙәге Ғәҙәттән тыш һәм тулы хоҡуҡлы вәкиле Витезслав Пивонька менән осрашты. Унда Өфө һәм Прага араһында авиабәйләнеште тергеҙеү мәсьәләһе күтәрелде. Константин Толкачев был рейстың халыҡ араһында ҙур ихтыяж менән файҙаланыуын белдерҙе. Парламент рәйесе ике яҡлы бәйләнештәрҙе артабан үҫтереү мөһимлеген билдәләне.

12 ноя, 18:00

“ЮлдашХит” - йылдың сағыу ваҡиғаһы

“ЮлдашХит” концертына әҙерләнә. 23 ноябрҙә беҙҙең радио Өфөнөң “Башҡортостан” концерт залында ҙур моң байрамы ойоштора. Музыка мөхәррире Риф Арыҫлан.

12 ноя, 16:17