Все материалы

Башҡортостанда был көндәр норманан йылыраҡ

Автомобилгә ҡышҡы резина кейҙерергәме? Ҡайһы бер водителдәр һаман икеләнеп тора. Автоэксперт Хәлим Әйүпов.

12 ноя, 16:14

“Полиэф” компанияһы штраф түләйәсәк

Башҡортостан тәбиғәтте һаҡлау район-ара прокуратураһы “Полиэф” предприятиеһы эшмәкәрлеген тикшерҙе. Быйыл июль айында Иҙәк йылғаһында балыҡтар һәләк булды. Башҡортостан Прокуратураһы матбуғат хеҙмәтенән белдереүҙәренсә, компанияның бысраҡ һыуҙары йылғаға ағып төшкән, химик матдәләр тупраҡҡа ла таралған. Зыян күләме 9 миллиард һумдан ашып китә.

12 ноя, 16:12

Ишембайҙа "Сәләм" телеканалы күрһәтә башлай

Иртәгә ҡаланың мәҙәниәт һарайында башҡорт эстрадаһы артистары һәм телеканал хеҙмәткәрҙәре ҡатнашлығында тамаша уҙғарыла. “"Сәләм" Башҡортостан райондарында муниципаль һәм урындағы телестудияларҙы һаҡлап ҡалыу маҡсатында ойошторолдо”, - ти телеканалдың баш мөхәррире Гәүһәр Батталова.

12 ноя, 15:33

Күренә, тимәк хәүефһеҙ

Ҡояш байығандан һуң, юлда айырыуса һаҡ булығыҙ, тип киҫәтә белгестәр. Ҡараңғыла йөрөгәндә кейемдә яҡтылыҡты кире ҡайтарыусы элементтар булырға тейеш. Был бигерәк тә балаларға ҡағыла. Ҡайһы бер мәктәп уҡыусыларына яҡтылыҡты ҡайтарған элементтар башланғыс кластарҙа таратыла. Башҡортостан юл хәрәкәтен ойоштороу үҙәге баш белгесе Салауат Хилалов.

12 ноя, 15:15

Милли проекттар ғәмәлдә

2019 йылда Башҡортостан милли проекттарҙы тормошҡа ашырыуға федераль ҡаҙнанан 68 миллиард һум аҡса ала. Был турала Башҡортостан хөкүмәте премьер-министры урынбаҫары, иҡтисад һәм инвестиция сәйәсәте министры Рөстәм Моратов белдерҙе.

12 ноя, 15:00

Владимир Путин гриппҡа ҡаршы вакцина яһатмаған министрҙарҙы тәнҡитләгән

Ил башлығы кәңәшмәлә президент хакимиәте һәм Хөкүмәт хеҙмәткәрҙәренән кем вакцина эшләтмәүе тураһында һорашҡан. Баҡтиһәң, президенттан башҡа, тағы ла өс етәксе генә прививка яһатҡан. Премьер-министр Дмитрий Медведевҡа ла вакцина эшләнмәүе асыҡланған. Путин Һаулыҡ һаҡлау министры Вероника Скворцоваға чиновниктарҙы вакциналауҙы иғтибар үҙәгенә алырға ҡушҡан.

12 ноя, 13:18

Стәрлетамаҡ тимер юл вокзалында бәхетһеҙ осраҡ теркәлгән

32 йәшлек ир бина ҡыйығынан ҡолаған. Эшсенең башы һәм ҡулы имгәнгән. Республика хеҙмәт инспекцияһы һәм Стәрлетамаҡ транспорт прокуратураһы был ваҡиға буйынса тикшереү башлаған.

12 ноя, 13:17

Яҡтыртырға!

Учалы районы Һөйөндөк ауылында йәшәүселәр урамдарҙың яҡты булыуын теләй. Урындағы башланғыстарға булышлыҡ итеү программаһы буйынса халыҡ лампалар урынлаштырыуҙы хуплай. Гәүһәр Мозафарова әҙерләгән яҙма.

12 ноя, 13:15

Бөрйән районы Нәби ауылында күпер асыла

Был турала Радий Хәбиров белдерҙе.

12 ноя, 13:13

Башҡортостан Кремлдең губернаторҙар һөҙөмтәлелеге рейтингында алдынғы урында

Радий Хәбиров булдырған “Инцидент” системаһы юғары баһаланған. Республика тәжрибәһе уңышлы алым булараҡ башҡа төбәктәрҙә лә ҡулланылырға мөмкин, тип иҫәпләй политолог Зөфәр Тимербулатов.

12 ноя, 13:11

Башҡортостан вәкилдәре Дағстанда халыҡ-ара конференцияла ҡатнашты

Был йыйын мосолман дин белгестәренең рухи мираҫын өйрәнеүгә, һаҡлап ҡалыуға бағышланды. Башҡорт дәүләт педагогия университетының Башҡорт филологияһы факультеты доценты Раушания Солтаҡаева.

12 ноя, 12:44

Вандалдар үҙ ҡылыҡтары өсөн яуап тотасаҡ

Өфөлә "Ватан" этнопаркында машиналар ярышы ойоштороусылар 3 миллион һумдан ашыу штраф түләйәсәк. Ноябрь башында, төнөн бер нисә кеше йоҙаҡты ватып амфитеатрға үтеп инә, биләмәгә ҙур зыян килтерә. Был тема бөгөн мэрияла оператив кәңәшмәлә лә ҡаралды. Ҡала хакимиәте башлығы урынбаҫары Салауат Хөсәйенов.

12 ноя, 12:36

Башҡортостанда бөтә Рәсәйҙән энциклопедия белгестәре йыйыла

21-22 ноябрҙә Өфөлә заманса төбәк энциклопедияһына арналған ғилми-ғәмәли конференция уҙа. Уны“Башҡорт энциклопедияһы” ғилми-нәшриәт комплексы ойоштора. Сара халыҡ-ара вәкилдәр ҡатнашлығында бөтә Рәсәй статусына эйә, һүҙлек һәм энциклопедиялар көнөнә арнала.

12 ноя, 12:33

Башҡортостанда инфляция 2,6 процентҡа еткән

Ун ай эсендә башлыса тауарҙар һәм хеҙмәттәр ҡиммәтләнгән, тип хәбәр итәләр Статистика хеҙмәтенән. Рәсәй буйынса иһә инфляция 2,4 процент менән билдәләнгән.

12 ноя, 12:00

Башҡортостан башлығы янындағы Кеше хоҡуҡтары буйынса совет составы ҡыҫҡарҙы

Хәҙер ул 35 кешенән тора. Ойошманан Юғары судтың элккке рәйесе Марат Вәкилев китте. Уға Судьялар советынан хат килгән. Элекке судьяларҙың Кеше хоҡуҡтары буйынса советта тора алмауы тураһында яҙылған.

12 ноя, 11:42

Милли йәштәр театры фестивалгә әҙерләнә

Мостай Кәрим исемендәге Милли йәштәр театры “Ҡырымда театр көҙө” милли театрҙар һәм Чебоксар ҡалаһында «Волга буйы әкиәте» Бөтә Рәсәй фестивалендә ҡатнаша. Был турала театрҙың әҙәбиәт бүлеге мөхәррире Рәзилә Ырыҫҡужина хәбәр итә.

12 ноя, 11:40

Башҡортостан аграрийҙары мал ҡышлатыуҙы башланы

Хужалыҡтар ваҡытында кәртә-ҡураларҙы әҙерләгән. Хәҙер мал ҡышҡы рацион буйынса ашатыла. Был иһә һөт һауыу күрһәткестәрен дә яҡшыртырға мөмкинлек бирә. Баймаҡ районында эштәр барышы хаҡында хакимиәт ҡарамағындағы мәғлүмәт һәм консультация эшмәкәрлеге үҙәге етәксеһе Руслан Даурбәков һөйләй.

12 ноя, 11:11

Башҡортостанда был көндәр норманан йылыраҡ

Был турала Республика гидрометеорология үҙәге белгестәре хәбәр итә.

12 ноя, 10:20

Рәсәй халҡының күбеһе ҡулаҡса менән иҫәпләшә

2 проценты ғына тулыһынса электрон иҫәпләшеү системаһын ҡуллана.

12 ноя, 10:15

Һалымды ваҡытында түләргә кәңәш итәләр

Республика халҡы күсемһеҙ милек, транспорт өсөн почта бүлексәләрендә, банктарҙа һәм ведомство сайтындағы электрон сервис ярҙамында түләй ала.

12 ноя, 10:10