Все материалы

Башҡортостан хакимиәтендә кадрҙар алмашынды

Урал Килсенбаев Башҡортостан Башлығы хакимиәте етәксеһенең эске сәйәсәт буйынса урынбаҫары итеп тәғәйенләнгән. Был туралағы Указға Башҡортостан Башлығы вазифаһын ваҡытлыса башҡарыусы Радий Хәбиров ҡул ҡуйған.

16 июл, 22:40

Ҡыйғы районынының Ләүйылға ауылында мәктәп һәм балалар баҡсаһын берләштергән социаль объект төҙөлә

Бинаның стеналары күтәрелгән, ҡыйығы, тәҙрәләре ҡуйылған. Фасады йылытылған, облицовка эшләнгән. Әле бинаның эсен биҙәкләү эштәре бара.

16 июл, 22:50

Кисә Тәтешле районы Шүлгән ауылын ҡойма ямғыр һыуы баҫҡан

Ауыл халҡы телефонға төшөрөлгән был видеояҙмалар менән социаль селтәрҙәрҙә бүлеште. Уларҙан күренеүенсә, урамдарҙан ташҡын булып һыу аға. Урамда ҡалыусылар өйҙәренә үтеп инә алмай. Һыу баҡсаларҙағы йәшелсәне, емеш ҡыуаҡтарын ағыҙып алып киткән. Шулай уҡ мәктәп ҡыйығына ла бер аҙ зыян килгән.

16 июл, 22:49

Водителдәр автомобилдә балаларҙы махсус кресло менән йөрөтөү ҡағиҙәһен теүәлерәк үтәй башлаған

Бөгөн иртән Башҡортостандың Юл хәрәкәте хәүефһеҙлеге дәүләт инспекцияһы хеҙмәткәрҙәре «Балаларға – автокресло» рейды үткәрҙе. Тикшереү барышында бер генә ҡағиҙә боҙоу осрағы теркәлде. Балаһын креслоға ултыртмаған водителгә ҡарата административ штраф һалынды, уның күләме 3 мең һум.

16 июл, 22:48

Башҡортостанда иркенән мәхрүм ителеп тә аҡса урлай алған ир хөкөм ителде

Холоҡ төҙәтеү колонияһында тотолған Станислав Сигута кеҫә телефоны ярҙамында ғына Рәсәй Почтаһынан ғына ҡулына ярты миллион һумдан ашыу аҡса төшөргән. Мутлашыусыны асыҡлау операцияһына именлек хеҙмәте лә ҡушылған. Суд ирҙе 6 йылға иркенән мәхрүм итеү тураһында ҡарар сығарҙы.

16 июл, 22:47

Һәләкәткә осраған автобус водителен хөкөм иттеләр

Бер нисә минут элек кенә Архангель районында түңкәрелгән автобус водителенә ҡарата суд ҡарары сығарылды. Хәтерегеҙгә төшөрәбеҙ үткән йәкшәмбе Бөрйәндә ял итеп Татарстанға ҡайтып барыусы туристар аварияға осраны.

16 июл, 22:46

Башҡортостанда юлдар төҙөүгә һәм ремонтлауға 22 миллиард һумдан ашыу аҡса йүнәлтеләсәк

Транспорт сәғәтендә билдәләнеүенсә, мең саҡрымдан ашыу автомобиль юлдары тәртипкә килтереләсәк. Шулай уҡ «Тыуған урам» республика проектына ярашлы, ауылдарҙың үҙәк урамдарына асфальт һалына башланы.

16 июл, 22:45

Башҡортостанда балалар туҡланыуы дәүләт контроле аҫтына алынасаҡ

Был турала Радий Хәбиров Нефтекама ҡалаһында ойошторолған туҡланыу буйынса төбәк операторҙарының беренсе республика форумында билдәләне. Шул уҡ ваҡытта ул үҙгәрештәрҙең бизнесҡа кире тәьҫир итмәҫкә тейешлеген белдерҙе. Күҙәтеүсе органдар, ведомстволар компанияларға яңы стандарттарға яраҡлашырға ярҙам итәсәк.

16 июл, 22:44

Август аҙағына тиклем Әмзә урман комбинаты хеҙмәткәрҙәренә эш хаҡы түләп бөтөләсәк

Шулай уҡ бөлгөнлөккә төшкән предприятиены тергеҙеү бурысы ҡуйылды, әлегә потенциаль инвесторҙар менән һөйләшеүҙәр алып барыла. Был турала бөгөн республика етәксеһе Радий Хәбировтың Нефтекама ҡалаһына эш сәфәре барышында билдәле булды.

16 июл, 22:43

Ҡоролтай депутаттарынан өлгө алып

Раевкала Әлшәй район советы депутаттарының ултырышы беренсегә башҡорт телендә үтте. Унда мәғариф, һаулыҡ һаҡлау һәм йәмәғәт советы комиссияһы эше ҡаралды. Был хаҡта “Әлшәй хәбәрҙәре” газетаһы хәбәрсеһе Фәнүзә Суфиянова һөйләй.

16 июл, 19:00

Башҡортостан Йәмәғәт палатаһы вәкилдәре балаларҙың йәйге ялы менән таныша

Ошо көндәрҙә йәмәғәтселәр Әбйәлил районы “Ирәндек” һауыҡтырыу лагерында булды. Әле бында республика ҡалалары һәм райондары, шулай уҡ күрше Силәбе өлкәһенән 330 бала ял итә. Малайҙар һәм ҡыҙҙар өсөн башҡорт халҡы йолалары һәм мәҙәниәтенә бәйле программа әҙерләнгән.

16 июл, 18:05

Башҡортостанда балыҡсылыҡҡа бәйле закон ҡабул итте

Республика етәксеһе Радий Хәбиров документҡа ҡул ҡуйҙы. Ҡанун проекты Дәүләт Йыйылышы-Ҡоролтайҙың яҙғы сессиялағы аҙаҡҡы ултырышында ҡаралғайны һәм ҡабул ителде.

16 июл, 18:02

Республика етәксеһе Радий Хәбиров Нефтекамала подъездар ремонтына ризаһыҙлыҡ белдерҙе

Ҡалаға сәфәре барышында ул күп ҡатлы йорттарҙың береһенә инеп сыҡты. Торлаҡта йәшәүселәр ремонт сифатына ҡанәғәтһеҙлек белдереп “Инцидент” системаһына мөрәжәғәт иткән. Подрядсы ойошма эштәр 95 процентҡа тамамланыуы тураһында хисап биргән. Әммә, ысынында, ремонт сифатһыҙ башҡарылған, төрлө урында сымдар эленеп тора, диуарҙар йүнләп буялмаған.

16 июл, 18:00

Башҡортостанға эҫе көндәр килә

Алдағы көндәрҙә һауа температураһы 25-30 градус була. Республиканың көньяғында 32-35-кә ҡәҙәр күтәреләсәк. Гидрометүҙәктең бүлек етәксеһе Гөлназ Заһитова һөйләй.

16 июл, 16:10

Республикала ғилми эшмәкәрлек үҫешә

Башҡортостан буйынса Баш Федераль инспектор Михаил Закомалдин Рәсәй Федерацияһы Президенты грантына лайыҡ булған йәш ғалимдар менән осрашты. Сара барышында фән кандидаттарына 600 мең, ә фән докторҙарына 1 миллион һумлыҡ сертификаттар тапшырылды. Хәбәрсебеҙ Алмаз Бәширов репортажы.

16 июл, 16:05

Нефтекамала татар полилингвистик мәктәп-интернат асыла

Был турала республика етәксеһе Радий Хәбиров эш сәфәре барышында белдерҙе. Ул 2013 йылдың октябрендә ябылған мәктәп-интернаты базаһында төҙөкләндерелә. Республика мәғариф министры вазифаһын үтәүсе Айбулат Хажин әйтеүенсә, биналарға тикшереү үткәрелгән. Йылылыҡ булдырыу өсөн социаль программалар фонды аша 30 миллион һум аҡса бүленгән. Әлеге ваҡытта документтар әҙерләнә, ремонт эштәренә смета төҙөлә.

16 июл, 16:00

Иҫерек килеш авария яһаған водителдәргә яза ҡәтғиләште

Ил башлығы Владимир Путин ошо туралағы ҡанунға ҡул ҡуйҙы. Хәмер эсеп, руль артына ултырған һәм аварияға эләккән водителдәрҙе ниндәй яза көтә? Автоэксперт Хәлим Әйүпов яуап бирә.

16 июл, 15:14

Башҡортостанда юл һалыу һәм ремонтлауға 21,9 миллиард һум йүнәлтелә

Был турала Башҡортостандың Транспорт һәм юл хужалығы буйынса дәүләт комитеты рәйесе вазифаһын башҡарыусы Альберт Сөләймәнов “Транспорт сәғәте”ндә белдерҙе. Быйыл 1000 саҡрымдан ашыу автомобиль юлы ремонтлана. Муниципаль һәм ауыл юлына ҡырсынташ, ваҡ таш һибеү эше дауам итә.

16 июл, 15:12

Радий Хәбиров күрһәтмәһе буйынса Урал Килсенбаев Башҡортостан Башлығы хакимиәте етәксеһе урынбаҫары итеп тәғәйенләнде

Урал Килсенбаев 1982 йылғы. Күгәрсен районынан. Башҡорт дәүләт университетын һәм Башҡортостан Президенты эргәһендәге дәүләт хеҙмәте һәм идара итеү академияһын тамамлаған.

16 июл, 15:00

Башҡортостанда бал ҡорттары һәләк була

Миәкә районында бер нисә умартасының бал ҡорттары ҡырылған. Егерме йылдан ашыу умартасылыҡ менән мәшғүл Марат Әхмәтшин быйыл балдың мул булыуына өмөтөн юғалтҡан. “Бал ҡорттары минут һайын үлә”, - ти ул.

16 июл, 13:13