Торлаҡ-коммуналь хужалыҡ

Алға! Урамдарға сығырға һәм юлдарҙы ҡарарға!

Бөгөн Хөкүмәттә үткән оператив кәңәшмәлә Башҡортостан етәксеһе юл ремонты барышын тәнҡитләне. “Юл эксперты” программаһына дәғүәләр күп. Соҡорҙарҙы ямау - сәйәси бурыс, - тине Радий Хәбиров. Ул халыҡтан килгән мөрәжәғәттәрҙе лә ишеттерҙе.

17 июн, 16:05

Республикалағы урамдар 67 процентҡа яҡтыртылған

Был турала бөгөн Хөкүмәттә үткән оператив кәңәшмәлә торлаҡ-коммуналь хужалыҡ министры вазифаһын башҡарыусы Борис Беляев белдерҙе.

17 июн, 15:06

Йылайыр ауылдары зәңгәр яғыулыҡҡа күсә

Хеҙмәтләндереү ҡиммәт булмаһын өсөн газ үткәргес ер аҫтынан һалына, ти район хакимиәтенең баш архитекторы Салауат Амантаев.

14 июн, 16:03

Октябрьский ҡалаһында йәшәүселәр төҙөкләндереләсәк объектты үҙҙәре һайлай

"Уңайлы ҡала мөхите". Был милли проектта ҡатнашыу Октябрьский ҡалаһында йәшәүселәр өсөн киң мөмкинлектәр аса. Граждандар интернет тауыш биреү буйынса төҙөкләндереләсәк объектты үҙҙәре һайлай. Һуңынан күпселек тауыш йыйған проектҡа ярашлы эш башлана.

13 июн, 22:44

18 июндә Өфөлә төҙөлөшкә аҡса һалып алданыусылар съезы үтә

Торлаҡ мутлашыуҙарында зыян күреүселәр менән власть даирәләре араһында бәйләнеш булдырыу. Әлегә тиклем асыҡ ҡалған һорауҙарға берлектә яуап эҙләү. Был турала бөгөн республика хөкүмәтендә үткән төҙөлөш сәғәте кәңәшмәһендә хәбәр ителде. Ултырыштың көн тәртибенә проблемалы йорттарҙы сафҡа индереү барышы сығарылды.

10 июн, 22:51

Геройҙар капиталь ремонт өсөн түләмәй

Рәсәй Президенты Владимир Путин ошоға бәйле законға ҡул ҡуйҙы. Уға ярашлы, Рәсәй һәм СССР геройҙары, шулай уҡ Хеҙмәт геройҙары һәм уларҙың ғаиләләренә капиталь ремонт өсөн иғәнә индермәҫкә рөхсәт ителә.

10 июн, 18:00

Юл төҙөлөшөндә Башҡортостан тәжрибәһе юғары баһаланды

Рәсәй Хөкүмәтендә "Хәүефһеҙ һәм сифатлы автомобиль юлдары" милли проектын тормошҡа ашырыу буйынса ултырыш үтте. Унда ремонт әүҙем барылған төбәктәр аталды.

06 июн, 11:00

Өфөлә бөгөн Торлаҡ-коммуналь хужалыҡ өлкәһендә “Асыҡ диалог” тигән сираттағы акция уҙа

Уны торлаҡ һәм төҙөлөш өлкәһен күҙәтеү буйынса республика дәүләт комитеты ойоштора. Акция йорт хужалары һәм идара итеүсе ойошмаларҙың берлектәге эш кимәлен күтәреүгә йүнәлтелә.

06 июн, 07:00

Быйыл «Башҡорт ихаталары» республика программаһы буйынса Бөрө ҡалаһында 14 ихатаны төҙөкләндереү планлаштырылған

Ошо маҡсатта төбәк ҡаҙнаһынан 37 миллион һум аҡса бүленгән. Конкурс талаптарына ярашлы, финанслау муниципалитеттан һәм милекселәрҙән дә килә. Проект буйынса ихаталарҙа асфальт ҡатламын яңыртыу, парковка урындары булдырыу, яҡтыртыу ҡорамалдары ҡуйыу ҡаралған.

05 июн, 23:00

«Меркурий» торлаҡ комлексында торлаҡ алып алданыусылар фатир асҡыстарын 2021 йылдан ала башлай

Был турала бөгөн Радий Хәбиров рәйеслегендә үткән төҙөлөш сәғәтендә белдерелде. Өфөнөң Киров районында, Менделеев, Кувыкин, Баҡалы урамдары киҫелешкән кварталда урынлашҡан "Меркурий" комплексында төҙөлөштә өлөшләтә ҡатнашып алданыусылар һаны 228 кеше. Бында йорттарҙың бер өлөшө 2011 йылға тиклем файҙаланыуға тапшырыла, әммә банкротлыҡ процедураһы башланыу сәбәпле, төҙөлөш туҡтап ҡала.

03 июн, 23:16

Өфөнөң Сипайлово биҫтәһендәге йорт подъездары файҙаланыуға тапшырылды

Башҡортостанда күп фатирлы йорттарҙа подъездарҙы ремонтлау республика программаһы дауам итә. Төбәктәрҙә төҙөкләндереүгә мохтаж 26 мең подъезд иҫәпләнә. Быйыл уларҙың 4 меңе яңы һулыш аласаҡ. Тәүгеләрҙән булып подрядсылар Өфөнөң Сипайлово биҫтәһендәге йорт подъездарын файҙаланыуға тапшырҙы. Хужаларҙың шатлығын беҙҙең ижади төркөм уртаҡлашты.

01 июн, 21:58

Сибай ҡалаһын 25 күп ҡатлы йортонда 80 подъезд төҙөкләндерелгән

Сибайҙа подъездарҙы ремонтлау эше тамамланыу алдында. Республика программаһына ярашлы,ҡалала күп ҡатлы 25 йортта 80 подъезд төҙөкләндерелгән. Ремонт төбәк һәм муниципаль ҡаҙна иҫәбенә башҡарыла.

31 май, 22:29

Башҡортостанда милли проект сиктәрендә 2 меңдән ашыу кеше авариялы торлаҡтан күсерелә

2024 йылға тиклем адреслы программа буйынса мохтаж ғаиләләргә 923 фатир бирелергә тейеш. Бюджеттан 1 миллиард 6 йөҙ миллион һум аҡса йүнәлтелә.

31 май, 09:06

Башҡортостанда иң яҡшы бейек йорттар аталды

Торлаҡ-коммуналь хужалыҡ министрлығынында "Иң яҡшы күп фатирлы йорт" тигән республика конкурсы һөҙөмтәләре барланды. 17 муниципалитеттағы 100 объект еңеүсе тип танылды.

29 май, 10:06

Республикала яңы йылытыу миҙгеленә әҙерлек башланды

Коммуналь хеҙмәттәр 1 мең ярымдан ашыу ҡаҙанлыҡты әҙерләргә тейеш. Йылытыу селтәрҙәрендә лә ремонт бара.

28 май, 11:06

Башҡортостанда алты йыл эсендә 26 мең подъезд, 3 мең ихатаны төҙөкләндереү бурысы ҡуйылған

Республика программаларына ярашлы Өфөнөң Черниковка биҫтәһендә урынлашҡан күп ҡатлы йорттар һәм уларҙың биләмәләре тәртипкә килтерелә башланы. Архитектура урамы, 2-cе йорт милекселәре өсөн дә уңайлы йәшәү шарттары булдырыла.

25 май, 21:33

Сибайҙа йорт ихаталарына асфальт түшәләсәк

Әлегә ҡаланың иң йәнле урындарында соҡорҙар ямала.15 июнгә тиклем ремонт эштәре 1800 квадрат метр самаһы майҙанда тамамланырға тейеш. Әле ремонт Төйәләҫ ҡасабаһы йүнәлешендә алып барыла. Быға бәйле, транспорт хәрәкәте ике яҡҡа ла бер һыҙаттан ғына үтә. Әммә автоһәүәҫкәрҙәргә был уңайһыҙлыҡтарҙы түҙергә күп ҡалмаған.

22 май, 23:45

Коммуналь хеҙмәттәр өсөн бурыстар арта

Түләмәүселәр исемлегенә йортта йәшәүселәр түгел, ә идарасы компаниялар инә. Улар ресурстар менән тәьмин итеүселәргә аҡса күсермәй. Был турала Өфө хакимиәте башлығы урынбаҫары Салауат Хөсәйенов хәбәр итте.

22 май, 13:13

Ауылдар һәм ҡалаларҙа эсәр һыу сифаты яҡшыра

"Экология" милли проектына ярашлы, Башҡортостанда һыу менән тәьмин итеү объекттары төҙөкләндерелә. Быға тиклем республикала үҙәкләштерелгән һыу тәьминиәте системаһы торошо тикшерелде. Талаптарға яуап бирмәгән ауылдар һәм ҡалалар исемлеге төҙөлдө.

22 май, 10:01

Күп ҡатлы йорт биләмәләрен төҙөкләндереүгә 1 миллиард 700 миллион һумлыҡ матди ярҙам биреләсәк

Республикала ниһайәт, "Башҡорт ихаталары" программаһы тормошҡа ашырыла башланы. Өфөнөң Киров районында "Башҡорт ихаталары" программаһына старт бирелде. Дыуан бульвары, 22/1 йортонда йәшәүселәр тиҙҙән яңы асфальт юлдан йөрөйәсәк.

21 май, 22:57