Торлаҡ-коммуналь хужалыҡ

Республикала законһыҙ сүплектәрҙе юҡ итеү ҙур сығымдар талап итә

Әлеге көндә 3 меңгә яҡын ҡыйлыҡта 29 миллион кубометр сүп-сар йыйылған. Экология министрлығы уларҙы юҡ итеүҙә бер нисә юл тәҡдим итә. Береһе – ҡаты ҡалдыҡтарҙы яндырыу, ти Тәбиғәттән файҙаланыу һәм экология министры вазифаһын башҡарыусы Урал Искәндәров.

22 окт, 15:00

Башҡортостанда төҙөлөш тармағын махсус орган күҙәтәсәк

Республика төҙөлөш һәм архитектура буйынса дәүләт комитеты ошо турала документ проекты әҙерләгән.

22 окт, 10:10

Башҡортостанда көнкүреш ҡалдыҡтарын юҡ итеүҙә алмаш ысулдар ҡулланыла

Был турала Хөкүмәттә оператив кәңәшмәлә Тәбиғәттән файҙаланыу һәм экология министры вазифаһын башҡарыусы Урал Искәндәров белдерҙе. Көнкүреш ҡалдыҡтарын юҡ итеү өсөн бәләкәй күсмә ҡулайламалар тәҡдим итәләр. Бындай мейестәр Свердловск өлкәһендә сығарыла. Республика Башлығы Радий Хәбиров күршеләр тәжрибәһен өйрәнергә һәм халыҡ араһында экологик мәҙәниәтте үҫтерергә саҡырҙы.

21 окт, 19:00

Һаҡ булығыҙ - автомобиль!

Һүҙ хәрәкәт иткән машиналар тураһында түгел, ә ташланғандары хаҡында. Юлда, ихатала йылдар буйы торған машиналар йыш ҡына ҡаршылыҡ тыуҙыра. Бигерәк тә ҡар таҙартҡанда ҡамасаулай. Республика торлаҡ-коммуналь хужалыҡ министры вазифаһын башҡарыусы Борис Беляев белдереүенсә, хужаһыҙ транспорт саралары хаҡында хәбәр итеү мөһим.

21 окт, 16:06

Башҡортостан юл-транспорт комплексының үҫеш мөмкинлектәре ҙур

Юлдар республика өсөн ҙур әһәмиәткә эйә тип белдерҙе Транспорт һәм юл хужалығы буйынса дәүләт комитеты етәксеһе Тимур Мөхәмәтйәнов.

18 окт, 11:10

Торлаҡ-коммуналь хужалыҡ өлкәһендә “Асыҡ диалог”

Өфөнөң Орджоникидзе районында ошондай исем аҫтында акция үтте. Сара барышында фатирлы йорттарҙа йәшәүселәр идарасы компанияларҙың эше менән ентекләп таныша, көнүҙәк һәм уларҙы ҡыҙыҡһындырған һорауҙарға яуап алды. Йорт старостаһы Гөлсимә Рафиҡова.

17 окт, 13:33

Бөгөн Башҡортостандың юл хужалығы хеҙмәткәрҙәре 54 берәмек яңы техника алды

Асҡыстарҙы республика башлығы Радий Хәбиров тапшырҙы. Ул юлсыларҙы һөнәри байрамдары менән ҡотланы.

17 окт, 12:00

Бер төркөм Өфө йәшәүселәре йәнә төҙөлөш ойошмаһынан алданған

Берәүҙәрҙең нигеҙе һалынған, икенселәре әле һаман проектта ғына. 60 кешенең ҡала ситендәге йортта йәшәү хыялы юҡҡа сыға. Компания клиенттары мутлашыусылар ҡорбаны булғанын ябай хеҙмәткәрҙәр аша белә. Ҡара эшмәкәрлек хаҡында БСТ каналы хәбәрсеһе Әлфинә Килдейәрова.

16 окт, 21:43

Өфөлә «Асыҡ диалог» акцияһы үтте

Торлаҡ-коммуналь хужалыҡ өлкәһендә «Асыҡ диалог». Бөгөн ошо исем аҫтында Өфөнөң Орджоникидзе районында сираттағы акция үтте. Республика көнөнә арналған сара Башҡортостандың Торлаҡ һәм төҙөлөштө күҙәтеү буйынса дәүләт комитеты башланғысы менән ойошторола.

16 окт, 21:41

Республика программаһына ярашлы, ауылдарға газ үткәрелә

Ошо көндәрҙә Миәкә районы Сытырбаш ауылы халҡы газлы булды. Ауыл хужалығы министрлығы программаһы буйынса утыҙлап йорт өсөн торбалар һалынды. Район хакимиәтенең мәғлүмәт-аналитика бүлеге етәксеһе Лиза Сахапова һөйләй.

16 окт, 12:24

Өфөлә үткән “Төҙөлөш сәғәте”ндә Стәрлетамаҡтағы проблемалы йортҡа бәйле һорау ҡаралды

Бында алданған өлөшсөләр мәсьәләһе һаман хәл ителмәгән. Ҡала хакимиәте башлығы урынбаҫары Радик Ғәлиев төҙөлөштө тағы бер айға оҙайтыуын һораны. Республика башлығы Радий Хәбиров бының менән ризалашманы.

15 окт, 13:06

Рәсәй халҡы коммуналь хеҙмәттәр өсөн яңыса түләй башлай

Бөтә түләүҙәрҙе бер ҡағыҙға берләштереү тәҡдим ителә. Закон проекты әле хөкүмәттә ҡарала. Уның авторҙары фекеренсә, әле түләү ҡағыҙҙары бер нисә, ошо сәбәпле йыш ҡына аңлашылмаусанлыҡтар килеп тыуа.

15 окт, 12:39

"Инцидент-менеджмент" системаһы Илеш районы Теләпән ауылы халҡына ярҙам итте

Ауылда эсәр һыу үтә сифатһыҙ булған. Был турала социаль селтәрҙәр аша Радий Хәбировҡа еткергәндәр. Мөрәжәғәтте "Инцидент" системаһы теркәгән. Республика башлығы хакимиәте янындағы халыҡ мөрәжәғәттәрен эшкәртеү буйынса төркөм хеҙмәткәре Ләйсән Хәйретдинова.

15 окт, 12:36

Юл ремонтлау бик мөһим бурыс

Башҡортостан башлығы Радий Хәбиров республика юлдарында соҡорҙар менән көрәште яйға һалыуға йүнәлтелгән мобиль ҡушымта эшен тәнҡитләп сыҡты.

14 окт, 18:00

Башҡортостанда подъездары ғәҙәттәгенән айырылған йорттар ҙа ремонтлана

Был эш быйыл апрелдән старт алған республика программаһына ярашлы ғәмәлгә ашырыла. Өҫтәмә финанслау талап ителә. Республика торлаҡ-коммуналь хужалыҡ министры урынбаҫары Ирина Голованова.

14 окт, 12:39

Ихаталар төҙөкләндерелә

Алты йылға иҫәпләнгән “Башҡорт ихаталары” республика программаһы сиктәрендә төбәктә бөтәһе өс мең самаһы биләмәне тәртипкә килтереү ҡарала. Әле Октябрьский ҡалаһында биш ихатала эштәр тамамланған, ҡалған икәүһе октябрь урталарында әҙер булыр тип көтөлә. Урындағы халыҡ яңы төҫ алған ихаталар менән ҡәнәғәт ҡалған.

10 окт, 17:11

Башҡортостанда торлаҡ төҙөлөшөндә алданған өлөшсөләр проблемаһын хәл итеүҙә федераль үҙәк ярҙамы була

Бюджеттан аҡса бүленә. Бер нисә төбәктә, шулай уҡ беҙҙең республикала ошондай проект һынала. Банкрот төҙөүселәрҙең өлөшсөләр алдындағы йөкләмәләрен хәл итеү буйынса фонд директоры Дамир Миңлеханов.

10 окт, 12:15

Башҡортостанда сүпте сорттарға бүлеү комплексы төҙөлә

Ул Туймазы районында урындағы ҡаты көнкүреш ҡалдыҡтары полигонында була. Комплексҡа нигеҙ һалынған, быйыл декабрҙә металл ҡоролмаларҙы күтәреү планлаштырыла.

10 окт, 11:03

Радий Хәбиров ҡушыуы буйынса, 400-гә яҡын алданған өлөшсөгә фатир тапшырыласаҡ

Радий Хәбиров ҡушыуы буйынса, быйыл 1 декабргә «Миловка паркы» торлаҡ комплексын өлөшләтә төҙөүҙә ҡатнашыусы 391 кешегә фатир асҡыстары тапшырылырға тейеш.

09 окт, 22:17