“Башҡортостан” гәзите, 22 декабрь 1937 йыл.

“Башҡортостан” гәзите, 22 декабрь 1937 йыл. https://bash.news/yuldash/37387_bashkortostan-gezite-22-dekabr-1937-jyl

    

ВЧК-ОГПУ-НКВД-ның 20 йыллығы!

                      Столицаның  Ҙур театрында тантаналы ултырыш.

  Мәскәү, 20. Бөгөн столицаның  Ҙур театрында  ВЧК-ОГПУ-НКВД-ның 20 йыллығына арналған тантаналы йыйылыш булып үтте.  ..Почетный Президиумда  Сталин, Молотов, Каганович, Ворошилов,  Калинин, Андреев, Косиор,  Микоян, Чубарь, Жданов,  Ежов, Хрущев,  Булганин, Дмитров, Тельман, Хозе  Диас иптәштәр һайланалар… Йыйылыш  Бөйөк социалистик  революцияһының  ҡаҙаныштарын һаҡлауҙың  иң ҡыйын  һәм иң почетлы посы ышанып тапшырылған данлыҡлы наркомвнуделселәрҙе  ҡотлаусы резолюция ҡабул итеү менән ябыла.  (ТАСС).

                                                                   …………..

                  Әбйәлилдә ауыл хужалығы күргәҙмәһе.

  Ошо йылдың  14-15 ноябрендә Әбйәлил районындағы  колхоздарҙың  район ауыл хужалығы  күргәҙмәһе булып үтте.  Колхоздар күргәҙмәлә үҙҙәренең  игенселек һәм малсылыҡ  өлкәһендә уңышлыҡтарын күрһәтте.

  Бына “1 Май” колхозы . Ул быйыл бөртөк ашлыҡтарҙың  гектарынан уртаса 11,5  центнер урожай алып, ә бойҙайҙың һәр гектарынан  13 центнер, һолонан - 15 центнер урожай алыуға өлгәшкән.  Шул уңышлыҡтар өсөн  колхоз радио  меҫнән бүләкләнде...”Яңы юл” колхозының  бригадире Аҫылгәрәев  юғары урожай  алыуҙа яҡшы уңышлыҡтар күрһәтеүе өсөн  тимер койка(128 һумлыҡ) менән бүләкләнде. Малсылыҡ  эшендә яҡшы эш өлгөләре күрһәткән “Ударник” колхозының  председателе Дауытов Аллаяр иптәш кеҫә сәғәте менән бүләкләнде.

                                                                                                                                          А.Ильясов.

                                                                                   …

                                            Сиғандар ансамбле Өфөлә.

  Советтар Союзында   сиғандарҙың  5 ансамбле бар.  Уларҙың  береһе хәҙер Өфөгә килде. Сиғандарҙың театрлаштырылған  этнографик ансамбле(художество  етәксеһе ип. Сенчуков) ни бары  5 йыл ғына  йәшәй.  Шул ваҡыт  эсендә ул  Советтар Союзының  төрлө  ҡалаларында, өлкәләрендә 600-гә яҡын концерттар бирҙе.  Ансамблдең  составында  16 кеше, улар бөтәһе лә йәштәр, иң өлкәненә 30 йәш… Был ансамбль  Өфөлә 10 ғинуарға тиклем буласаҡ.

                                                           …

(“Башҡортостан” гәзите, 22 декабрь 1937 йыл.

Яуаплы редакторы Ҡасим Аҙнабаев).

Волна
Фк уфа 10 лет