Асыҡ студия

   2017 йыл Рәсәйҙә лә, уның бер төбәге булған Башҡортостанда ла экология исеме аҫтында үтә. Тыңлаусылар иҫләйҙер, 2013 йыл да Экология йылы булғайны. Тимәк, һуңғы 5 йылда икенсегә тәбиғәтте етди иғтибарға алабыҙ. Тик ошо иғтибар уҡыусылар араһында тәбиғәт матурлығы, йылғалар таҙалығы тураһында инша яҙыу, һүрәт төшөрөү, шәмбе өмәләре, тағараҡтар элеү менән сикләнмәҫме? "Юҡ! Аныҡ саралар билдәләнгән, ҡалдыҡтар, һауаны таҙартыу, эсәр һыу мәсьәләләре тулыһынса булмаһа ла, өлөшләтә хәл ителәсәк. Аныҡ эштәр йылы башланды", - тип яуапланы ҡунаҡтар. Ә улар - республиканың Тәбиғәт менән файҙаланыу һәм экология министры урынбаҫары Филүс Яхин, министрлыҡ ҡарамағындағы "Тәбиғәт" дәүләт унитар предприятиеһы директоры Рөстәм Ғәбитов, республиканың тау-геология ойошмалары ассоциацияһы етәксеһе Рәсих Хәмитов.
18 янв, 03:54

Выпуски программ