Тормош сифаты

Рәсәйҙә белем алырға һәр кеше хоҡуҡлы. Ил Конституцияһының 43-сө статьяһында ошо турала яҙылған. Барыһы ла хоҡуҡлы, әммә инвалид-балалар баштан уҡ тиң булмаған шарттарға ҡуйыла. Сәләмәтлектәре арҡаһында төрлө ҡатмарлыҡтар аша үтергә тура килә. Мәҫәлән, урта дөйөм белем биреү мәктәптәре инвалид балаларҙы ҡабул итеүҙән баш тарта алмай, әммә уларға уңайлы шарттар булдырыу өсөн дә яуаплы түгел. Шул уҡ педагогтар махсус әҙерлек үтергә тейеш. Психолог та һәр мәктәптә эшләмәй. Мөмкинлектәре сикләнгән балаларҙы йәмғиәткә ылыҡтырыу маҡсатында илдә инклюзив белем биреү йүнәлешендә эш алып барыла. Ул белем алыуҙа тигеҙ мөмкинлектәр, шарттар булдырыуға йүнәлтелгән. Башҡортостанда һуңғы йылдарҙа был проблемаға иғтибар артты. Бөгөн һүҙебеҙ мөмкинлектәре сикләнгән кешеләр өсөн белем алыу тураһында булыр.
18 фев, 11:33

Выпуски программ