Дөйөм Рәсәй халыҡ фронтының Башҡортостан төбәк бүлексәһе төҙөлдө. 12 июндә Мәскәүҙә беренсе съезд үтте, биш кеше учредитель булараҡ ҡатнаштыҡ.
Хәҙер беҙҙең алда Дөйөм Рәсәй халыҡ фронты бүлексәләрен урындарҙа – республиканың ҡала һәм райондарында ойоштороу бурысы тора.Конференцияла 100-ҙән ашыу учредитель ҡатнашты. Төбәк бүлексәһенең ойоштороусылар составына уҡытыусылар, табиптар, журналистар, мәҙәниәт хеҙмәткәрҙәре, эшҡыуарҙар, ведомство етәкселәре йыйылды.
Дөйөм Рәсәй халыҡ фронты республика бүлексәһенең ҡушма рәйестәре итеп Башҡортостан Дәүләт йыйылышы – Ҡоролтай депутаты, Мәғариф, мәҙәниәт, спорт һәм йәштәр сәйәсәте буйынса парламент комитеты башлығы Эльвира Айытҡолова, М.Аҡмулла исемендәге Башҡорт дәүләт педагогия университеты проректоры Максим Михайлов һәм БР Сауҙа-сәнәғәт палатаһының вице-президенты Азат Фазлыев һайланды.
Шулай уҡ ҡала һәм райондарҙа ла өс рәйестәш һайланыла.
"Халыҡ фронты"ның сайт асылды. ,,Һеҙҙең фекерҙәр,, тигән ергә инеп, һорауҙарығыҙға яуап ала алаһығыҙ. Башҡортостан өсөн дә айырым сайт буласаҡ.
«…Беҙҙең хәрәкәткә ҡушылған кешеләргә иң тәүҙә уставты, манифесты уҡырға тәҡдим итәм. Халыҡ фронты – ул бөтә йәмғиәт: йәштәр,ветерандар, Рәсәйгә битараф булмаған һәр кем өсөн асыҡ. Беҙгә халыҡ өсөн янған, энергияһы ташып торған, ижади, конструктив уйлаусы энергиялы кешеләр кәрәк.
