“Башавтотранс” дәүләт унитар предприятиеһы автобустарына һуңғы тапҡыр юл хаҡы 2008 йылда билдәләнде. Тик ул үҙ көсөнә ошо көндәрҙә генә инде. Ҡулаҡсаға 18 һум булһа, карта менән —15 һум. Шулай уҡ төрлө ташламалар ҡаралған. Ҡала-ара маршурт хәрәкәтенең 1 саҡрымына хаҡ 1 һум 50 тин тәшкил итә. Халыҡты хеҙмәтләндереүгә килгәндә, хаҡтар киләсәктә “Башавтотранс” ДУП-һының 2008 йылда сығарған ҡарарына ярашлы, үҙгәрешһеҙ ҡаласаҡ, тип өмөтләнәбеҙ. Беҙҙең предприятие республика буйынса бер үк хаҡтар менән эшләй.
Шәхси транспорт хужалары транспорт хаҡтарын икеләтә күтәргән арала, бында барыбер «Башавтотранс» ота, һәм һәр хәлдә хеҙмәтләндереүе ҡәнәғәтләндерелек кимәлдәге ДУП булып ҡала, уны популярлаштырыу ҙа күҙ уңында тотолғандыр, тигән фекер менән бер ҙә килешмәҫ инем.
Үҙ автобусын тотҡан шәхси эшҡыуарҙар, “Башавтотранс” ДУП-һы хеҙмәткәрҙәре Өфө ҡала хакимиәте ойошторған конкурстарҙа ҡатнашып, еңеү яулап, тәғәйен маршруттарға сығыу хоҡуғына эйә. Ҡала хакимиәтендә күптән түгел үткән ултырышта нәҡ ошо тема – үҙәк тема булараҡ күтәрелде. Һәм хаҡтар 20 һумдан да юғары булмаҫҡа тейеш тигән тәҡдим индерелде.
