Студия ҡунағы – торлаҡ-коммуналь хужалығы эшселәренең Республика профсоюздар федерацияһының техник хеҙмәт инспекторы Рәфҡәт Сәфиуллин.
Тапшырыу авторы - Вадим Лаврентьев.
Рәфҡәт Сәфиуллин. 20 мартта Өфөлә Рәсәй Хеҙмәт һәм халыҡты социаль яҡлау министрлығы вәкилдәре, Волга буйы һәм Урал федераль округы төбәктәре власть органдары һәм ойошмалары ҡатнашлығында ултырыш уҙҙы. Унда хеҙмәт шарттарын яңыса баһалау тәртибе, хеҙмәт хеүефһеҙлеге мәсьәләләре ҡаралды. Рәсәйҙә 48 млн. эш урыны булһа, шуның 6 миллионы ғына аттестация үткән, 42 миллионы үтмәгән. Етәкселәр төрлө сәбәптәрен табып аттестация үткәрмәйҙәр. Ойошмаларҙа эш урындарының тейешле шарттарға тап килеү-килмәүен тикшереү маҡсатында аттестация уҙғарыу мотлаҡ. Хеҙмәткәрҙәр медицина күҙәтеүе үтергә, санитар постар аптечкалар менән тәьмин ителергә, ял итеү бүлмәләре булдырылырға тейеш. Әгәр хеҙмәт шарттары зарарлы икән, өҫтәмә ял буkдырырға, пенсияға иртә китеү мөмкинлеге бирергә һәм өҫтәп түләргә кәрәк. Коллектив килешеүендә быларҙың бөтәһе лә булырға тейеш. Дауаланыу һәм реабилитация үтеүгә ҡарағанда, профилактик саралар ойоштороу күпкә эффектлыраҡ һәм арзаныраҡ. Эш урындарының хәүефһеҙ булыу-булмауын профсоюздар тикшерергә тейеш. Эш биреүселәрҙең хеҙмәт нормаларын боҙоуы, хеҙмәткәрҙәрҙең үҙ хоҡуҡтарын яҡлауға битарафлығы, хеҙмәт хәүефһеҙлеге буйынса техник талаптарҙы үтәмәү – бәхетһеҙ осраҡтарҙың төп сәбәптәре.
