27 июндән 28-нә ҡарай төндә, ҡояш байыу менән изге Рамаҙан айы башлана. Ул 30 көн тәшкил итә һәм 27 июлдә Ураҙа ғәйете менән тамамлана. Рамаҙан айын Кешеләр ниндәй уйҙар, тормошондағы ниндәй хәл-ваҡиғалар, ҡылынған эштәр менән ҡаршылай? Насар уйҙарҙан, кире ҡылыҡтарҙан тыйылырға йыйынамы? Ураҙа тотасаҡмы?
Тапшырыу авторы Айгөл Хисамова.
Ҡунаҡ: Башҡортостан Мосолмандары Диниә назараты рәйесе, баш мөфтөй Нурмөхәмәт хәҙрәт Ниғмәтуллин.
Нурмөхәмәт хәҙрәт Ниғмәтуллин. Рамаҙан - Исламдағы ун ике айҙың солтаны, йәннәт ҡапҡалары асылған ай. Аллаһы Тәғәлә был айҙа һәр мосолманға ураҙа тотоуҙы фарыз иткән. Кемдең мөмкинлеге бар, сәләмәтлеге яғынан тыйыуҙар булмаһа, ошо изге бурысты үтәргә тырышайыҡ. Ураҙа ғәйетен иҫән-һау, күңел сафлығы, матур ҡылыҡтар менән ҡаршыларға яҙһын.
Ислам ғилемгә юл аса, ислам кешегә тәрбиә бирә, ислам кешене сафландыра. Исламбыҙҙың матур юлын һаҡлап, барыбыҙға ла шул юлдан атларға яҙһын. Рамаҙан айы тыныс булһын, мөбәрәк булһын!
