Башҡортостанда "Берҙәмлек" халыҡ-ара милли мәҙәниәттәр фестивале асыла. Ҡытайҙан, Һиндостандан, Бразилиянан, Көньяҡ Африка Республикаһынан, яҡындағы сит илдәрҙән, Рәсәй төбәктәренән ҡунаҡтар килә башланы ла инде. Фестиваль саралары Бәләбәйҙә, Октябрьскийҙа, Туймазыла, Дәүләкәндә, Өфөлә уҙасаҡ. Рәсүл Сәғитовтың ошо сараға бәйле һорауҙарына Республика халыҡ ижады үҙәге белгесе Фәнисә Аҡсурина яуап бирә.
Фәнисә Аҡсурина:
- Фестиваль 4 июндә, киске сәғәт 7-лә, Бәләбәйҙә, Мәҙәниәт һарайы ҡаршыһында, асыла. Уғаса "Асыл, күңел!" тип аталған сара, урам буйлап кавалькада ҡаралған. Октябрьскийҙа ҡурай байрамын күрһәтергә йыйынабыҙ. Дәүләкәндә, Туймазыла һабантуйҙа ҡатнашасаҡтар, унда ла һәр ил, һәр төбәк вәкилдәре үҙҙәренең сәхнә оҫталығы менән уртаҡлашасаҡ. 8 июндә Өфөлә, "Башҡортостан" Дәүләт Концерт Залы ҡаршыһындағы майҙанда, ҙур гала-концерт уҙғарылыры көтөлә.
Редакциянан: Фестивалдең ентекле программаһы тураһында тапшырыуҙың яҙма вариантын тыңлап белергә мөмкин.
