18 июндә барлыҡ айҙарҙың солтаны һаналған - Рамаҙан айы башлана. Уның дауамында мосолмандарға ураҙа тотоу фарыз. Был ғәмәл - Ислам динендәге төп шарттарҙың береһе. Ураҙа ғибәҙәте кешене рухи һәм физик яҡтан сыныҡтыра. Ғилми тикшеренеүҙәр иҫбатлауынса, һаулыҡҡа ла ыңғай йоғонто яһай. Ураҙаға инеүселәрҙең һаны йылдан-йыл арта бара. “Кешеләрҙең үҙ асылына ҡайтып, иман юлына баҫыуы, ҡыуаныслы күренеш”, - тип белдерә дин әһелдәре.
Бөгөнгө программала ураҙа нескәлектәренә туҡталырбыҙ, һеҙҙе ҡыҙыҡһындырған һәм борсоған һорауҙарға яуап ҡайтарырбыҙ.
Әңгәмәсебеҙ “Нәсихәт” үҙәге етәксеһе Нурмөхәммәт хәҙрәт Нуриев.
