26 июнь - Бөтә Донъя наркоманияға көрәш көнөндә "Юлдаш" радиоһында өр-яңы проект эфирға сығасаҡ. Ул "Яңы юл" тип атала һәм наркомандарҙы дауалауҙа ярҙам күрһәтеүгә йүнәлтеләсәк. Айырыуса, баҫым наркотиктарҙың яңы төрҙәре - спайстар, микстар, амфетамин, синтетик матдәләр, халыҡ телендә әйткәндә, тоҙҙарға йүнәлтеләсәк. Тапшырыу реалити-проект. Ул наркомандарҙы һауыҡтырыу үҙәге менән берлектә эшләнәсәк. Бөгөнгө программа ошо уңайҙан әҙерләнде.
Был төр наркотиктар һәр ғаиләнең бәләһенә әйләнә ала. Һәм генерал ғаиләһе, уҡытыусы, йә ябай урам һепереүсе ғаиләһеме - мөһим түгел. Ул милләткә, социаль ҡатламға ҡарамай. Әммә һуңғы арала хатта төпкөл ауылдарға барып етеп, тамыр йәйә башлауы, йәмғиәткә ныҡлы көрәш башларға кәрәклеккә аныҡ күрһәтмә.
Студия ҡунаҡтары - нарколог Рәмилә Әбделғужина һәм психолог Зәйнәп Назарова.
