Хәбәрсе Рәсүл Сәғитов:
- Һуңғы көндәрҙә Рәсәйҙә автоһәләкәттәр бигерәк йышайҙы: Чечняла "Газель" упҡынға ҡолап төшкән, 11 кеше ҡорбан, Красноярск крайында рейс автобусы менән йөк машинаһы бәрелешкән, фура водителе икеһе лә һәләк булған, беҙҙә, Архангелда, кисә туристар автобусы ҡолаған. Үткән шәмбенән йәкшәмбегә ҡараған төндә Авдон-Подымалово юлында өс ҡыҙҙың ғүмере өҙөлгәне мәғлүм, дүртенсеһе дауаханала, ауыр хәлдә. Бының сәбәптәре тураһында Өфө ҡалаһындағы "Автопрофи" автомәктәбе директоры Хәлим Әйүпов һәм "Башнефтегеофизика" акционерҙар йәмғиәтенең транспорт колоннаһы етәксеһе Мөнир Аллаяров, журналист Ришат Миндиәров менән һөйләшәбеҙ.
Редакциянан: Белгестәрҙең юл, техника сифаты буйынса фекерҙәрен, иҫерек водителдәргә, тахографтарға мөнәсәбәте тураһында әйткәндәрен тапшырыуҙы тыңлап белергә мөмкин.
