Студия ҡунағы - Башҡортостан Үҙәк һайлау комиссияһы рәйесе Хәйҙәр Вәлиев. Тапшырыуҙы Бәйтулла Фәтҡуллин алып бара.
Хәйҙәр Вәлиев:
2015 йылдың 13 сентябрендә Ҡабарҙы-Балҡар һәм Төньяҡ Осетия-Аланиянан тыш, илдең 85 төбәгенең 83-өндә һайлау үтәсәк. Башҡортостанда иһә 13 сентябрҙә Белореттан тыш, Республиканың 53 муниципаль районында 775 ауыл биләмәһе, шулай уҡ Приют һәм Шишмә ҡасаба советтарына депутаттар һайланасаҡ. Йәнә 5 муниципаль район советына һәм ҡала округтарына өҫтәлмә һайлау буласаҡ. Ҡала советтары, ауыл биләмәләренә, дөйөм алғанда, 7 мең 355 мандат эйәһе аныҡлана. Шулай уҡ 13 сентябрҙә Дәүләт Йыйылышы-Ҡоролтайға ла өҫтәлмә һайлау үтәсәк. Республика парламентында әле 50-се Туймазы һәм 15-се Күмертау округтары буйынса ике мандат буш тора.
